Korínto Erká 11:2 - Fayam Midhab Yiesu Kiristoká He Hol Af Iđiny Kaanaká

² ˈDaa giri hí ye aadh lulle táb ˈdoˈdoot-, he onisiny yú hí onisie-, yú hí af kí hayká hátle hí ki taalallá, yáá tág hí meey.

Korínto Erká 11:2 ပူးပေါင်းရင်းမြစ်များ

Lúka 1:6

Gaal hullaalle gál ˈdúwa-, Waag kikiatká. Gaal hé Máá Guđo Waag hemuumuritle ubaa atimle tikiˈd úba ma hâny, gáál úba hé gaalí ˈdú ˈdeensetká mán.

Korínto Erká 11:17

Aaléka, atim káána yú hí af ká tatúóllá, yáá hí ma gaa memeny. Itín af giri hí hol ˈdu gáá chiimetoká, yaalmit ma midhanany-, ˈdeew mare hí ekemesete.

Korínto Erká 11:22

It ény kíchia hí gaa golmosoto-, hí he gaa igiannoká mân? Ebá hol ˈdú gáá yimen kíchia Kiristo-, Waaˈgietallo in hí egeshéyche? Héétí hí gál he maamanká úba kern ˈgíˈgídhícha? Aaléka háte yú hí itín geđia? He in ha yú hí méméye? Híʼi, héél ˈdaalleka yáá gon hí ma memeny.

Korínto Erká 15:2

Fayam Midhaballá in hí rubach gaa aargiˈda. Hé kinaal har Fayam yú hí ki ˈdiyimeká hí tág ki taalka. Tá har hí tág ma ki taalinyka, af kinaalka iiy yeenkícho taalle hállééllá.

Korínto Erká 4:17

Hééllá ˈdaalle ˈdugaka in yú hí iny chia yú giel-, ˈdaa Máá kúnnaa Guđokáka ˈduuwle yú kimite-, Tímote lééllá yú hí ali ˈdu gáá kaay. Mu ˈgíérích Kiristo yú ki ijo-, yáállé hí alb lulle gál Kiristo me hí hol gaa aargiroká gaa oonisuoká táb haí kí gaadha.

Korínto Erká 7:17

Aaléka, máádhat af giri Waag hí ka veveenneká, yaalmitlé he ki ije-, Waag hí ki muˈdeká hí ki yíéđuo. Hééllá he atim yú gál Kiristo lulle hursam gaa ˈdiyeenká.

Dhesaloníke Erká 1:6

Af giri hí fayamééllá iiy chieká it tág he il hí argiyye, tá Hím Naasan Waaˈgiet hé hí ger gaa meen shiiche. Hatallá in nyíín ubaa Máá kúnnaa Guđóóllá hí yaalmitkínyo ká enniyye.

Dhesaloníke Erká 3:6

Kor káánaka, Tímote bííykícho gáá ˈjieká, hé nyí fayam midhab-, ˈdaa iiy yeenkícho ubaa gielmitkícho ki taalká hé nyí shie. Mu hát hí tawuny midhabká ˈdaakínyo ka ˈgayya-, itle hí nyí fiiriche-, hát káána itín ke hí aargiroká nyí feˈdééllá itín úba hát hí nyí aargiˈdoká hí feˈdoká fayamle hé úba muí nyí shie.

Dhesaloníke ki Naamaká 2:15

Nyaaramkínyo, aaléka, taganokícho ˈdée, he onisiny ke hí af kí onisieká yíekaʼ, he onisiny warˈgatle ke hí ˈdú gáá veereká yíekaʼ, lulle hát ˈdabaanká ki ˈgée, tág chiˈdíe.

Dhesaloníke ki Naamaká 3:6

Nyaaramkínyo, aaléka, ˈdaa meeny Máá kúnnaa Guđo Yiesu Kiristóólláka hééllá ke hí ki mure: Ameeny gál nyaaram kúnnaa gon hí he ma uu-uriny-, taalle alb ijo-, he onisiny nyí gaa maalleká ma ki iđinyallá hol gáá faganayyíe.