Korínto Erká 11:16 - Fayam Midhab Yiesu Kiristoká He Hol Af Iđiny Kaanaká

¹⁶ Tá har máádhat héél fálaam gaa iđimuoka, nyiin ubaa gál Kiristo Waaˈgiet alb eiy gaa ijoká ˈdéé hótéél ˈdaalleka, nyáá nyí nyátál éíy taaka ˈgayya-, nyí el gaa verenoká mán.

Korínto Erká 11:16 ပူးပေါင်းရင်းမြစ်များ

He Ekeny Gál Alb Fimiká 21:21

Tá gaal hé ˈdéé maale, hát kuun kerka gál Yuuˈdi lulle giri kidh hurt gaa ijoká geđicho-, gaal hemuumurit kúnnaa Moshe kinaal el af gaa tataan-, gaal umle ma hermisiny-, ubaa siraatkúnno haađuoká.

He Ekeny Gál Alb Fimiká 21:24

Gál Waag héllé af iđieká mé đig yie kinaallá éew, siraat he naasanle gaalí nannasatallá gáál hol ˈgar naatíe, hol dhiiráa. Suor gaalí ˈgaˈgalatká aanyle kuun hí ka yío, suor ˈgallíe, gaal hí met gaa dhuursat. Hát kinaallá in gálaat lulle ˈdeeny er he maaleká hát he hódho-, kuun íín hí hemuumurít ki taalká kiimita.

Korínto Erká 11:15

Tá máá ˈdiet he mé dhúúr ˈdeˈdernítaka, hé kinaal hé mú ˈdúúw ma ki yegen? Waag hé mú dhúúr kinaallá shiiche, dhuur hé mu hí mé bubuatká yie.

Korínto Erká 16:1

Aaléka, birm hol ˈdu gáá shuuniny-, tá gál Kiristo ˈjien Yerusalem gaa ijoká ali ˈdú kaanyle ˈdaalleka, hát giri yú gál Kiristo Galatiaká ˈgásle ki geeyká itín úba hát kinaallá ˈdée.

Korínto Erká 4:5

Aaléka, ˈdaab kúlích ˈdéé ki iđinyká ali ma kí ˈdíiny-, Máá kúnnaa Guđoká hol ma ka náanká, haí máádhat ˈdéé ki iđîny. Máá kúnnaa Guđóóllá íín gálaat héllé ger geđi-, gaa dhátká ubaa kaslé kaadhdheká hai ká eedhesia. Af kinaallá máádhat héllé ˈdúwaká ˈdugaka meeny Waag hí ki memeychoká Waag hai gaa aargira.

Korínto Erká 7:17

Aaléka, máádhat af giri Waag hí ka veveenneká, yaalmitlé he ki ije-, Waag hí ki muˈdeká hí ki yíéđuo. Hééllá he atim yú gál Kiristo lulle hursam gaa ˈdiyeenká.

Korínto Erká 9:1

Yú yáá máá mé furít ˈguoká muuniny? Yú yáá máá ali gaa kaany-, Kiristoká muuniny? Yú íín yáá Máá kúnnaa Guđo Yíésu ma árginy? Hújích yú nannúóllá hé itín hí Máá kúnnaa Guđoká hol ma hilsîny?

Korínto Erká 9:6

Ebá, he yú ubaa Barnábas tákám kínyaa nyí ˈdúúw man, nyí hújích gilietká nanniyya, nyí hé geere gaa aargiˈda?

Dhesaloníke Erká 2:14

Nyaaramkínyo, it gál léskícho hí manyjasie. Manyjasiny kíchia kinaallá in hí gál Waaˈgiet lés Yuuˈdia albano eiy eiy gaa ijo-, Kirísto iiy yieká manyjasinylé gállé Yuuˈdi hí manyjasieká ennianká hoyche.