Korínto Erká 10:32 - Fayam Midhab Yiesu Kiristoká He Hol Af Iđiny Kaanaká

³² Hé hí ekemeychóóllá hai hé gál Yuuˈdi yíekaʼ, gál Hellen yíekaʼ, héétí gál Kiristo yíekaʼ ídho gaa verennoká onnôny.

Korínto Erká 10:32 ပူးပေါင်းရင်းမြစ်များ

He Ekeny Gál Alb Fimiká 20:28

Mu geđi gáál geey, kieye, Hol ˈdeeˈdemíe, gál Kiristo lullé Hím Naasan Waaˈgiet hí mé ki koyyééllá úba ˈdeeˈdemíe. Hát máádhat hí aanyle ˈdeˈdeenká Máá Guđo Yíésu gállé he fásle ká hidhdheká lulle hát tikiˈde kinaallá ˈdeeˈdemíe.

He Ekeny Gál Alb Fimiká 24:16

In bar lúl yú lađama, giri yú innum Waaˈgiet ubaa innum gálaat ađááb hol ká ririatká.

Róóma 14:13

Aaléka, kí hol ˈdeensen hayo. Hé kinaal afleka kí hol ˈdéé mé gaa eet, giri nyaaram kúnnaa Kiristóóllá hé mákárta-, hí riigirsuo-, hí ađaabano mé ki kokuoká ke gáál ˈgas met ma gaa iđiminyká.

Korínto Erká 1:2

it gál Kiristo-, ˈjien Korinto gaa iđa-, Waag hí ká viiyye-, Yiesu Kirísto hí saas gaa dhiire-, hí Waag gálle hoyyallá, tá gál biiy lúl gaa ijo-, Máállé tikiˈde úba Máákúnno Guđo Yiesu Kirísto lééllá vivisatallá ke hí ˈdu gáá veere.

Korínto Erká 10:33

Yáá úba lađaan, giri hát lulle gálaat lulle yú ger gaa memeyoká. Yáá hé ye ki midhabká table mé ma ki sisin, hé gál eiy ki midhabká tablé mé ki sisidha, giri gál ilishká rubach aargiroká.

Korínto Erká 11:22

It ény kíchia hí gaa golmosoto-, hí he gaa igiannoká mân? Ebá hol ˈdú gáá yimen kíchia Kiristo-, Waaˈgietallo in hí egeshéyche? Héétí hí gál he maamanká úba kern ˈgíˈgídhícha? Aaléka háte yú hí itín geđia? He in ha yú hí méméye? Híʼi, héél ˈdaalleka yáá gon hí ma memeny.

Korínto Erká 12:28

Tá gál gón Kiristóóllá hé Waag hí hujichaam eiy eiy met ki kuokoyye. Gál erkobká he gál alb fimiká, gál ki naamaká he gál Waag hí ˈdeem ka shigichoká, gál ki seđeká he gál gálaat ˈdeeny Waaˈgiet oonisuoká. Héétí gál hé ki af ˈdaˈdaboká ekemeyoká, ubaa gál gál fursam ˈguoká bibisuoká shíícholle ˈguoká, tá gál gálaat ˈdú ˈjeˈjeenká, ubaa gál gálaat hujichaamle met ki ˈgieká, héétí gál afano éíy taaka hogodhoká.

Korínto Erká 15:9

Yú Kirísto gállé alb fimiká máállé biiy el ˈdaˈdká. ˈDaa giri yú kis gál Kiristo manyjasieká, yú onnônyka, gaal hé ye mú máállé ali gaa kaanyká ma yégen.

Korínto Erká 7:17

Aaléka, máádhat af giri Waag hí ka veveenneká, yaalmitlé he ki ije-, Waag hí ki muˈdeká hí ki yíéđuo. Hééllá he atim yú gál Kiristo lulle hursam gaa ˈdiyeenká.

Korínto Erká 8:13

Aaléka, so chia yú kokuoká har nyárchú ađááb mé ki kokuoka, yáá af kinaalka geđi so ma kokony. Yáá hé nyaaramchú ađaabano higilsuoká ma ekemeny.

Korínto ki Naamaká 1:1

Yú he Báulo, máá Waag hát hí ki feˈdeká hí máá ali gaa kaany-, Yiesu Kiristoká hoycheká. Warˈgatééllá yú ubaa nyár kúnnaa Tímote it Kirísto iiy chie-, hí ˈjien Korinto gaa iđáállá ubaa gál Kiristo lulle lés Akaya gaa ijoká lul kíchia ke hí ˈdu gáá veere.

Korínto ki Naamaká 6:3

Nyiin hújích Waaˈgietallá nyáá nyí ˈgíérích gálaat Waag gaa faaganoyoká ma ki nanniny. Hújích Waaˈgietallá gálaat hí egesheyoká nyáá nyí ma fediny.

Galátia 1:13

Itín bár giri yú nyátál Yuuˈdi el gaa igireká it yaalmit yú seseme-, yáálle gál Kiristo súm maanyjasie-, gáál eiy fufumieká maalle.

Filíbi 1:10

hí hé midhabká ubaa hé ˈdeewká hol eiy gaa nannasato-, hí ˈdeensen ubaa saas ˈdaabiyya-, ˈjíig kúlích Kirísto hí hol gáá naatká đigká.

Filíbi 3:6

Nyátál ˈdaalleka yáá súm ˈgađame, gál Yiesu Kirísto iiy yieká maanyjasie. Nyátál hemuumuritle ˈdaalleka, hé máá níínní ye ˈdeđente-, Kó nyátál ˈdeeneyche, ye yegieká mán.

Dhesaloníke Erká 2:14

Nyaaramkínyo, it gál léskícho hí manyjasie. Manyjasiny kíchia kinaallá in hí gál Waaˈgiet lés Yuuˈdia albano eiy eiy gaa ijo-, Kirísto iiy yieká manyjasinylé gállé Yuuˈdi hí manyjasieká ennianká hoyche.

Tímote Erká 3:15

giri gál ˈbíl geer Waaˈgiet húgúmlé ki ijoká kuuní ógká. Gál ˈbíl geer Waaˈgietallá he Waag bííyyo ali iđoká gállé. Gálallá hát ˈbíl áár, gaal hé ˈdúwa-, Waaˈgietká he úr ki chichiˈda.

Tímote Erká 3:5

Máádhat har ˈbíl geerle tág chiranle hí ká adhateka, mu háteeye gál ˈbíl geer Waaˈgiet ˈdeˈdeme?