Korínto Erká 10:14 - Fayam Midhab Yiesu Kiristoká He Hol Af Iđiny Kaanaká

¹⁴ Aaléka, it yú gielallo, waagam hódhoká visanle gaa fagandhíe.

Korínto Erká 10:14 ပူးပေါင်းရင်းမြစ်များ

He Ekeny Gál Alb Fimiká 15:20

Ínalleka kí gáál warˈgát ˈdú veero, gaal ˈguom suorle gaalí waagam hodhoká ki ˈgaˈgaloká ubaa so aanyle gaalí himano ki yegeská hí gaa faganat, gaal úba hai fasam igíminy, héétí ubaa gaal hí herginy gálle hol ma shúúnanká hol ká riat.

Róóma 12:19

Sheelchú, haí hala kakáany, Waag idholle kar shiigía, hí hala ká naanniyyo, hát Warˈgat Waaˈgiet hí chie-, kieye, Hala kaany yaa hí le, hí ká nannaa, Máá Guđo Waag hí yie, warˈgát hí chieká.

Korínto Erká 10:15

Yú hát gál ˈdaallellé-, he hol eiy gaa nannasatká hí ká geđia, ˈdeeny chia yú hogodhóóllá hát tagléká eiy naatíe.

Korínto Erká 10:19

He in háte yú yegedhe? Suoryam gaalí waagam hódhoká ki ˈgaˈgaloká ubaa waagam hódho kinaal hé úba ˈdúúw hé ˈguo, yú yegedhe?

Korínto Erká 10:7

Héétí, haí waagam hódho-, gaal íín ˈbaal hí viviteká vivísan, hát Warˈgat Waaˈgiet hí hote-, kieye, Gaal les yíéđie, gololte, he ˈjie, he đueká, les gaa kie, aaˈdume, chieká.

Korínto Erká 5:11

Hé yú hatallá ki yieká, he kieye, haí máá hol máá Kiristo yeget-, kor herginy ađááb ˈgayyoká gaa seseme yíekaʼ, he lúl hol ki fede yíekaʼ, waagam hódhoká vivita yíekaʼ, gálaat egesheye yíekaʼ, bersh hí fafaanne yíekaʼ, buruma yíekaʼ, gál hatallóóllá haí hol ˈdônyo, yú yegedhe. Máá hatallóóllá haí úba hol ˈgar golmóson.

Korínto ki Naamaká 11:11

Hééllá in kieye, yáá hí ma geelnenyo, yú yegedhe? Hát yú hí gielká hé úba Waag hí óg!

Korínto ki Naamaká 12:15

ˈDaakíchoka he lulle yú yé gaa ˈdeˈdeenká yáá uro. Har yú hí hatal súm gielnítaka, háteka itín úba hí ye hatal ma geelnenyal?

Korínto ki Naamaká 12:19

Itín haí taawuyye, hí kieye, Gaal taalle ˈdéé he hol ˈdú hogodho, hí nyí chegie? Nyaaram kínyaa nyí gielallo, he hé hát kinaallá muuniny. Nyiin innum Waaˈgietka hát gál Kiristoká nyí ˈdéé ká hogoto. He lullé nyí hogoto-, ubaa nyí ekemeychóóllá, he giri itín hí higirayyoká.

Korínto ki Naamaká 6:17

Héétí Máá Guđo Waag úba kieye, Gál ye iiy ma yéenká hurt yé gaa ˈdée, gáál gaa fagandhíe. Ameeny hé gaa nyakarichká hol ka ridhdhíe, yú mé guđáan haí yeedhe.

Korínto ki Naamaká 7:1

Nyaaram chia yú gielallo, ˈdaa giri Waag muun gáál hééllá lulle af iđicheká, ameeny hé ˈdeđew-, gón gelle ubaa sídh gelle gaa ijo-, muun gáál ˈdeđeneyoká lulle kí hol gaa dhiiro, kí Waag kiikiat, kí gál Waag hát ˈdabaanká ennianká yeet.

Filíbi 4:1

Aaléka sheelchú, hé kinaallá he hát hí Máá Guđoká hol chiiratká. Nyaaram chia yú giel-, yú fiiríéllo, itín he geer gaa meenchú ubaa hújích yú nieká héllé yú gaa argeká.

Fílemon 1:1

Yú he Báulo, máá Fayam Midhab Yiesu Kiristóóllá ˈdiiyiminyle ˈdugaka, gaalí hiigidheká. Warˈgatééllá yú ubaa nyár kúnnaa Tímote lééllá, kó nyí ko giel-, ke hujich hol ˈgar nannuo-, Fílemon lééllá nyí ko ˈdu gáá veeˈde.

Héberew 6:9

It sheel kínyia ke hí gielallo, hééllá har káána úba nyí hatal hogotoka, hát itín hí ma ki yaalinyká nyáá nyí óg. Nyiin hé ˈduuˈdúwa-, rubachietká hát ˈdaakícho ki yaalká nyáá nyí og.

Bétiro Erká 2:11

Sheel chia yú gielallo, gillo yú hí ki efe, ˈdaa giri itín hí lésal ma lileny-, égetkícho úratíká, balt gaa nyakaridhe-, sidhamkícho baađisichoká hol ka ridhdhíe.

Yuána Erká 5:21

Umééllo, hol waagam hódhoká gáá faganayyíe!

Kí Edhesiny 13:8

Ameeny gál les ˈdug ˈdú ijo-, meetle Waag hátlé les ma ka kúóninyká Waag hí Élíny gaalí yieská warˈgatlé luolmitiká ma gaa véérinyká binich met les kurram hai gaa ˈdarama, binich hai meeye.

Kí Edhesiny 2:14

Tá yú yáá ˈdéé um naama-, hí ˈdú ˈdeenteká ˈguo. Itín hurtkícho hé gál gálaat he onisiny Balam oonisuoká hí gaa ijo. Bálam Bálak yaalmit gál Yisirayel ađaabano mé ki kokuoká onisie. Ađaabano kinaallá he suoryam gaalí waaˈgam hódhoká ki ˈgaˈgaleká kóonylé ubaa herginy gál hol ma shúúnanká hí hol ka ˈgieká.

Kí Edhesiny 21:8

Tá ameeny gál manyjasiny kiadhe-, Waag gíl sug ki hayká, gál Waag iiy ma yéenká, gál gaa nyakarichká, gál gálaat yegeská, gál herginy gálle hol ma shúúnanká gaa seseenká, gál gilka he ním ˈguoká, gál waagam hódhoká memeyoká, tá gál hođomléká lulle állé Waag hí ki lalaannoká he bás ˈjiete-, waar ˈjiet hí gaa boloonká hí gaa ijoká. Hé kinaallá he kúfách ki naamaká.

Kí Edhesiny 22:15

Tá gál gaa nyakarichká íín hé ˈjien kinaallá ma higiliny. Gál kinaallá he gál gilka he ním ˈguoká ubaa gál herginy gálle hol ma shúúnanká gaa seseenká, tá gál gálaat yegeská, héétí gál waagam hódhoká vivisatká ubaa ameeny gál ˈdeem hođomká giel-, gaa seseenká.