Korínto Erká 10:13 - Fayam Midhab Yiesu Kiristoká He Hol Af Iđiny Kaanaká

¹³ He lullé hí ki ekemesetká, hé karanokícho tákámle ma ká nannaan, hé kinaallá hé úba gál burnayká il hí aargiˈdo. Tá Waag ˈdúwa-, gálle ki taalallá, hé hí ki egesen hí far ˈdú gogiyyoká hí ma ˈdú haađiny, ˈgíérích hí itín ki egesen kinaal mé ki chichirsatká haí shigicha.

Korínto Erká 10:13 ပူးပေါင်းရင်းမြစ်များ

Matááyo 6:13

Hé ˈdeđew-, maralle nyí ˈgayyaká nyí af gaa táátaʼ, nyí Sátan ka río. [Hééllá he ˈdaa giri gúch, ubaa fargogínt, tá meeny gálaat hí ko memeyoká lulle taalle bííyyo kuun hí léká! Iiy-hí, he hí hát kinaallá yeet.]

Lúka 11:4

Hé nyí ˈdeeđeneycheká ˈdaalleka nyí ˈdú ˈjé, hát giri nyiin gál nyí he ki ˈdeeđeneyká lulle nyí ˈdú ˈjeˈjeennééllá. Hé ˈdeđew-, maralle nyí ˈgayyaká nyí af gaa táátaʼ.

Lúka 16:26

Héél lulléél úba kí hayo, toomkúnno ˈguoˈd gaa ˈdérká hí gaa taalla, gál állá gáá yimetká hé hát níínní ál kuun hí iđo kinaallá ka yimetká mán. Héétí hé máá níínní ál kinaallá gáá yiimet-, ˈguoˈd hođoˈd ká ˈdaraan-, nyí ˈdu gáá yiimetká mán, muí mú yie.

Lúka 22:46

Aalé mu gáál kiisie, kieye, Háteka hí rayyéel? Le gaa kée, Waag vitíe, giri hí hé ˈdeewká ekenyle hol ma kí haađinyká, muí gáál yie.

He Ekeny Gál Alb Fimiká 27:44

Gál giri kadich kí ˈgisatká hí ˈguor ubaa kadich ˈbakalaamle ki dhanat, hí ílung yé ki ˈdie, muí gáál yie. Yaalmitééllá in gálaat lulle hí ki bie, hí baaˈd yé ki ˈdie.

Korínto Erká 1:9

Waag ííni hí ká viiyye-, giri itín hí Inylé Máá kúnnaa Guđo Yiesu Kirísto hol ˈdú faannééllá, dhúrle hé ˈdúwa, hát ˈdabaanká haí chiirata.

Korínto ki Naamaká 1:10

Waag hé tág kúfách nyí ki ˈgierˈgerneyká nyí gaa riiyye, tá Waag geđi ha nyí rianna. Nyíín nyáá nyí mú iiy chie, nyí mú sidhamkínyo gíl geer fiiyye, tá mu taalle ha nyí ririma.

Dhesaloníke Erká 5:24

Waag ííni hí ka viiyyééllá he Máá ˈdúwaká. Mu hééllá lulle hai ekemeye.

Dhesaloníke ki Naamaká 3:3

Tá Máá kúnnaa Guđóóllá he máá ˈdúwa-, hí ma haađinyká. Mu fargogínt haí shigia, máá ˈdeew-, Sátan lééllá haí ká riidha.

Tímote ki Naamaká 4:18

Máá kúnnaa Guđóóllá he met lullé ˈdeđewká ha ye gáá biisia, mu Guchlé Uratiká naanná hai ye egee. Mú taalle bííyyo, gálaat hí meemeyo. Iiy-hí, he hí hát kinaallá yeet.

Héberew 10:23

Hé ke met egeso-, hát ˈduuwawká ke iiy yíéllá kí tág chirat. Waag ííni gáál hééllá af iđichééllá he Máá ke ˈdúúw ki óg-, hééllá ˈduuwasuoká.

Héberew 11:11

Sáára min Abiraayamká úba iiy yeenle ˈdaalleka, har káána kísóótí ˈdal mannayye-, úba káána súm vinateka, hé Waag hí ˈdal shiiche. Hééllá he ˈdaa giri Waag mu íín ubaa bélle he af iđicheká muí af ˈdúúw hoteká.

Héberew 12:4

Har káána gál ađaabano ubaa nyuogim hílléká hí maanyjasuoka, laatééllá it fás hí gaa okodicheká mán.

Héberew 6:18

Aalé ˈdaa giri Waag hát níínní hódho hoto-, mánká, in he af iđinyle ubaa hol ˈdoonle hol ma gaa laaminy. Hé naamáállá múúni ke Waag makan famééllá gáál góf guđoká shigia. Múúnííllá he gál rúbách biiyo-, Waag hí gáál af iđichééllá ki yaal-, met egesoká.

Bétiro Erká 4:19

Aaléka, gál Waag hát feˈdoká el gaa igiritle ˈdú maanyjawká hí Máállé ˈdúwa-, hí ka kuonnééllá hol gíl geer gaa kaaw, hí taalle hé midhabká eekemeyo.

Bétiro ki Naamaká 2:9

Har hééllá hatal kátaka, Waag hé gál ˈgíérích ˈdúwaká el gaa igiroká hé hí ki ˈgierˈgereká hé hát gaa ririannoká ˈgayyo. Héétí Waag hé gál saas ˈguoká ˈdaab kúlích ˈdéé ki iđinyká ali ma kí ˈdíinyká hé hát gáál higito-, gáál he il ka aargisichoká ˈgayyo.

Yuána Erká 1:9

Tá ke Waag makan fame-, hát ke he ˈdeeneyká ke Waag geeyka, Waag he Máá ˈdúwa-, taglé-, nyuogimkúnno ubaa ađaabanokúnno ˈdaalleka, gáál ˈdú ˈjeˈjeen-, gáál nyuogim ubaa ađaabano lulle gaa dhidhiroká.

Kí Edhesiny 19:11

Aalé úr af hí furme, fárích édh-, ali yaalká yú arge. Farich Máá hí ˈdú ijoká meenyle Máá ˈdúwa-, Waag ˈDuuwle hogodhoká gaalí yeedhe. Mu yaalmit ˈdúwaká in gálaat ˈdéé ki iđimia, gál Waag hol ka kídhká beđita.

Kí Edhesiny 2:10

Manyjany ál ˈjob-, il hí gaa aargiˈdoká siermle haí ˈgíiny. Bá dhaayyíe, itín ˈbaal Sátan ál ˈjob ˈbíl hiiginká haí ki lalaanna, giri muí he af kí dhaˈgasanká. Ram tomon he il haí gaa aargiˈda. Aaléka, har úba káána kúfach kátaka, iiy yeen kíchia hí ye ká ˈgayyaká haí hâny, yú hé shiicho luolmitiká haí shigia.

Kí Edhesiny 3:10

Aalé ˈdaa giri ˈdeeny chia kieye, mé ki chirtíe, chieká hí chirateká, aaléka af giri manyjany les gáá ˈdeen-, gál les ˈdú ijoká lulle he il hí aargiˈdoká, hé kinaal ha yú hí ká riidha.