Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Korínto Erká 10:11 - Fayam Midhab Yiesu Kiristoká He Hol Af Iđiny Kaanaká

11 Yaalmisanóóllá lulle gáál il hí argiyyééllá, he il gíl gaa helitkúnno. Hééllá gaalí Warˈgat Waaˈgiet gaa veere, giri bár ki gaa ijóól-, les el mé ˈginlé muun gáál kí hillééllá gáál oonisichoká.

အခန်းကိုကြည့်ပါ။ ကော်ပီ




Korínto Erká 10:11
17 ပူးပေါင်းရင်းမြစ်များ  

Kídhích iish sííndí totom gaa fieká he Sátan ííni. ˈGuom mé ˈdony íín he kúlích biiy el ˈdaˈdká. Tá gál ˈguom mé ˈdaraanká íín he Waag gállé ˈgasso-, urruká.


Ísh gaalí met hol ki higidho-, gaalí ˈjiet gaa verenóóllá, hé kinaallá yaalmit Waag hí kúlích biiy el ˈdaˈdká gál ađaabano ˈguoká ki ekemeychoká.


Aaléka, ˈdaa giri báral hát ka beeyyeká hí ógká, ram gaa kée, in banáa. Bár ke Kirísto iiy yieká fag, kúlích muí gáá ˈjeˈjeen-, muí muun gáál gaa ririanká ˈjob.


Chúúre hé ká beeyye, biiy fuan hé ká ˈjobonte. Aaléka, hé ˈdeđew-, gaalí bííy gaa ongʼoˈdeká gaa ekemesetká kí hayo, kí édhum hélle hisat.


He lullé Warˈgat Waaˈgiet gaa ijóóllá kisso gaalí veere, giri múún gáál af tatuoká. Atimééllá in muun gáál gúóf ubaa mé ki chirsan shigicha. Hát kinaallá in he lullé Waag hí gáál af iđiche-, ke met egesóóllá hát Waag hí ˈduuwasichoká ke og.


ˈDéé hót Waag hí mú máá ˈdúwaká chíéllá, hé mú ˈdaalle tákámle ma ki taaliny.


Aaléka, hééllá hatallá ˈdíéllá he il gíl gaa helitkúnno, giri hát gaal íínka, ke hé ˈdeđewká maralle ˈguoká ma yegenká.


Nyaaramchú, hé yú hogodhoká hééllá: Rám ka ˈgisateká hé tág hol kí chál. Aalé káána ke gaa ijo-, tá biiy met ki suoyééllá, gaal hí kasle Máá kúnnaa Guđoká gaa iđuo, gál ˈdég ˈguoká hai ˈdég tákámle mé ka ˈgíiny,


Ebá he ˈdaa kúnnaa Waag hí kí hote? Hééllá gon ˈdaa kúnnaa Waag hí kí hote. Máá les hogoboká ubaa máá ˈguom tutunoká hújíchlé he nannuo kinaal héllé gaa aargiroká he met egesse.


ˈDeg naamáállá he hol ki ekeny ˈdaallé ke ki egedhdhe. ˈDegééllá hát he hol af iđiny naama-, Waag hí gálaat af iđicheká. Hágar giri gededhe-, géde ˈdaˈdalleká he hát he hol af iđiny hemuumuriti-, Waag hí gál Yisirayel Gúm Sanai gáá shiicheká.


Af gáá abuntkícho gálaat lulle hí argo. Máá kúnnaa Guđoká ˈjímle hé tág ˈjób.


Hát káána gáál ˈbaal hí ekemeyóóllá ha ke hol ˈdú síé hâny, kí hol ˈdú seeseen-, kí hol guogofsuo. Biiy el ˈdaˈd hát ka ˈjobonte-, ke kimitééllá kí hol súm guogofsuo.


Warˈgat Waaˈgiet kieye, Máá ka yiimetká ˈjobintéél hai gáá yiimedhe, hé biiy ma chochony.


It đalbááyáállo, les el met ˈdaˈdle hé ká ˈjobonte. It máá Kirísto ka kidhichká hát ka ˈjeˈjeenká maalle. Tá káána ke gaa ijóóllá gál burnay-, Kirísto ka kídhká hé úba biiy ká hile. Hééllá ˈdaalleka in les el met ˈdaˈdle hát he ka ˈjobonteká ke og.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ