Korínto Erká 1:9 - Fayam Midhab Yiesu Kiristoká He Hol Af Iđiny Kaanaká

⁹ Waag ííni hí ká viiyye-, giri itín hí Inylé Máá kúnnaa Guđo Yiesu Kirísto hol ˈdú faannééllá, dhúrle hé ˈdúwa, hát ˈdabaanká haí chiirata.

Korínto Erká 1:9 ပူးပေါင်းရင်းမြစ်များ

Matááyo 24:35

Úr ubaa les el met haí ˈgiidha. Tá ˈdeenychú íín hé el met hí ma ˈgiˈgin, Yíésu hí lalille yie.

Yuána 17:21

giri gaal lulle tikiˈd yegetká. Baabá, hát kuun ye gaa iđo-, yú ko gaa ijóóllá, gaal íín úba hí muun gáál gaa yíéđuo, giri les gálle hát kuun ye ali gáá kaayyeká iiy yegetká.

Róóma 11:17

ˈGór Waag hí fiiyyééllá hídhle kolmo he golmia. Gál Yuuˈdi Kirísto iiy ma yéenká he kolm Waag hí ˈgórle gaa muˈdeká. It hí Kirísto iiy chíéllá he ˈgór tím gáá ˈdieká kolmlé Waag hí ka muˈde-, muí kolm giri muí mureká albléká gaa kuokoyká.

Róóma 8:28

Gál Waag giel-, Waag hí he gaa feditle kí viiyyééllá, he lullé gáál kárle ká nannaatká Waag hujich haí ki nannasata. Hé kinaallá gáál ˈdaalleka hát hé midhabká hí yé gáá ˈdeˈdeenká hé ke óg.

Róóma 8:30

Aalé gál Waag hí taak koyyééllá in úba Waag hí ká viiyye. Gaal ííni muí ka víéllá in úba muí gál ˈdúwaká yie. Gál muí gál ˈdúwaká yíéllá he gál muí ˈduuwasuoká.

Róóma 9:24

Múúni ˈbáál ke gál Yuuˈdi-, ˈbáál ke gál Yuuˈdi muuninyallá, hé ke gál Waag hí waaratééllá hurt gaa ijo.

Korínto Erká 1:30

Tá Waag hé itín ubaa Yiesu Kirísto hí hol ˈdú fiiyye, Kirísto ˈdaalimkúnno hoyche. Kirísto ˈdaalleka Waag hé muun gáál gál ˈdúwaká hoyche, gáál gálle hosote, gáál ađaabano gim yé gaa ˈdeeyche.

Korínto Erká 10:13

He lullé hí ki ekemesetká, hé karanokícho tákámle ma ká nannaan, hé kinaallá hé úba gál burnayká il hí aargiˈdo. Tá Waag ˈdúwa-, gálle ki taalallá, hé hí ki egesen hí far ˈdú gogiyyoká hí ma ˈdú haađiny, ˈgíérích hí itín ki egesen kinaal mé ki chichirsatká haí shigicha.

Korínto Erká 10:16

Af giri Máá kúnnaa Guđoká gólólleka kulu ke he gaa igian-, ke Waag gielmít hol ˈdú nannuoká, muun hé ke fás Kiristo gálle má yéen? Héétí, ke balashá eiy ˈgieˈguo-, ke kokuoká, hé ke gón Kiristo gálle ma yéen?

Korínto ki Naamaká 1:18

Hát káána Waag ˈdeenylé hogotoká ˈduwasichóóllá, ˈdéé hót kínyaa ke hí geey-, Iiy-hí, ke hí yieká, nyáá nyí hállééllá hol ma gaa lâny.

Galátia 1:15

Tá hééllá met, yú hátle ˈjiechú geer gaa ijaʼ in Waag ye taak koote, ye ˈdúˈjímle ˈdaalle kí viiyye. Aalé aleđuđugul Waag hí feˈdeká ali kí ˈdiiyyeká

Galátia 2:20

Aaléka, hát Kirísto ˈgór đarám yaalká ˈdú kufééllá in yíéđiny chia kis yú ki ijeká úba kuyye. Luolmit káána yú ˈgúóllá hé luolmitchú muuniny, he Kirísto luolmitlé ye gaa iđa. Luolmit yú ˈgúóllá iiy yeen chia-, yáálle Iny Waaˈgiet ye giel-, ye hol ˈdu gáá sillie-, yú iiy yieká ˈdaallé ki taalla.

Eféso 3:6

Hé geer geđi-, Waaˈgietallá hééllá: ˈDaa Fayam Midhab Kiristóólláka, gál gál Yuuˈdi muuninyká hát gál Yuuˈdi hí aˈjibaat Waaˈgiet aargiróóllá íín úba hai aargira. Gálallá met hullaalle he gon tikiˈde, ˈdaa Kiristoka, he af iđiny Waaˈgiet úba ˈgarro hol aargira.

Kolosááya 1:24

Aalé káánaka, manyjany chia ˈdaa kíchoka, il hí ye aargiˈdóóllá geerle hé ye gaa meedhe. Manyjany chia ˈdaa Kiristoka gónchú hí aargiˈdo-, kor ˈbaal hátle ye met gaa iđo-, il hí ye aargiˈdoká ˈdaa gón Kiristo he ki taalla. Gón Kiristóóllá he gál Kirísto iiy yieká.

Dhesaloníke Erká 2:12

Hé ke hí chuchure, ke hí gogofsie, ke hí af tatie, giri hí innum Waaˈgiet hát ˈduwantiká gaa iđoká. Waag íínííllá hé hí guchle ubaa ˈduuwle kí viiyye.

Dhesaloníke ki Naamaká 2:14

Fayam Midhab ke hí ki ˈdiiyimééllá, in Waag hí rúbáchallá kí viiyye, giri Máá kúnnaa Guđo Yiesu Kirísto hí ˈdúúw gaa aargiˈdoká.

Dhesaloníke ki Naamaká 3:3

Tá Máá kúnnaa Guđóóllá he máá ˈdúwa-, hí ma haađinyká. Mu fargogínt haí shigia, máá ˈdeew-, Sátan lééllá haí ká riidha.

Tímote ki Naamaká 1:9

Waagééllá in muun gáál rubach shiiche, gáál yíéđiny hí geer gaa memesichoká kí viiyye. Hééllá Waag hí muun gáál ki ekeychééllá he hé kieye, muun hé mákárta-, midhabká ki ekey, muuniny. Waag hátlé les ma ka kúóninyká hé hééllá mé ka ˈgayye, giri ˈdúˈjímle ˈdaa Yiesu Kiristoka muun gáál ka shigichoká.

Tímote ki Naamaká 2:13

Muun har úba káána ke hé ˈduwantiká ma ekenyka, mu íín kír taalle hátlé ˈduwantiká kír he ija, ˈdaa giri mu hol ma gaa sorominyká.

Títo 1:2

ˈDeeny ˈdúwáállá ˈdaalleka in Waag gálle hát luolmit biiyoká aargiroká og. Hééllá Waag hátlé les ma ka kúóninyká Waag hí murate, tá Waag hé af ka hódho mán.

Héberew 10:23

Hé ke met egeso-, hát ˈduuwawká ke iiy yíéllá kí tág chirat. Waag ííni gáál hééllá af iđichééllá he Máá ke ˈdúúw ki óg-, hééllá ˈduuwasuoká.

Héberew 11:11

Sáára min Abiraayamká úba iiy yeenle ˈdaalleka, har káána kísóótí ˈdal mannayye-, úba káána súm vinateka, hé Waag hí ˈdal shiiche. Hééllá he ˈdaa giri Waag mu íín ubaa bélle he af iđicheká muí af ˈdúúw hoteká.

Héberew 2:17

Héél ˈdugaka in Waag mú hát lullé nyaaramle hí ˈgieká hoyche, giri mu Waag metle Máá méte suoryo-, ˈdúwa-, geer ka guurá ˈguoká yeget-, gálaat nyuogimle ubaa ađaabanolle ewle higidhoká.

Héberew 3:1

Aaléka, it nyaaram chia Waag híllé-, Waag hí urle kí viiyyééllo, Máá Waag hí ali gáá kaayye-, méte suoryo-, Yíésu lé-, ke iiy yíéllá kaskícho gaa iđía.

Héberew 3:14

Iiy yeen kúnnaa er-, ke Kirísto iiy yieká har ke taalle hát ˈdabaanká ke ki ˈgie-, ˈjíig biiy el ˈdaˈd kátaka, af kinaalka muun ke sheel Kiristo.

Héberew 6:18

Aalé ˈdaa giri Waag hát níínní hódho hoto-, mánká, in he af iđinyle ubaa hol ˈdoonle hol ma gaa laaminy. Hé naamáállá múúni ke Waag makan famééllá gáál góf guđoká shigia. Múúnííllá he gál rúbách biiyo-, Waag hí gáál af iđichééllá ki yaal-, met egesoká.

Bétiro Erká 5:10

Aalé hí á níínni mare manyjayyeka, Waag gáál hát lulle ˈdú ˈjeˈjeenno-, hí ka viiyye-, hí Yiesu Kirísto gáá naate-, hí Waag ˈduuwlé biiyoká ka hilleká, Waag íín dhúrle haí biisicha, haí ˈdiita, far haí googonoycho, hidh haí aruanna.

Yuána Erká 1:3

Hé nyí argiyye-, ubaa nyí maalleká ke hí ki ˈdiyime, giri itín ubaa nyiin ke hol ˈdú faan-, ke tikiˈd yegetká. Aalé hát káána nyiin nyí ˈJaa kúnnaa Waag ubaa Inylé Yiesu Kirísto hol ˈdú faannééllá, hol ˈdú famit kúnnaa kinaallá hé ˈJaa kúnnaa Waag ubaa Inylé Yiesu Kirísto hí gaa ijo.

Yuána Erká 1:7

Tá har hát mu íín édhum gaa ijóóllá muun úba ki édhum gaa seseenka, af kinaalka hé ke mú hol ˈdú fame, ke tikiˈd yie, tá mú Inylé Yíésu fásle nyuogimkúnno ubaa ađaabanokúnno lulle hai gáál gaa dhiira.

Yuána Erká 4:13

ˈDaa giri Waag Hím Naasanle gáál ka shiichééllá, in ke hát ki mú gaa ijo-, mu íín úba gáál gaa ijoká ke og.

Kí Edhesiny 19:11

Aalé úr af hí furme, fárích édh-, ali yaalká yú arge. Farich Máá hí ˈdú ijoká meenyle Máá ˈdúwa-, Waag ˈDuuwle hogodhoká gaalí yeedhe. Mu yaalmit ˈdúwaká in gálaat ˈdéé ki iđimia, gál Waag hol ka kídhká beđita.