Korínto Erká 1:6 - Fayam Midhab Yiesu Kiristoká He Hol Af Iđiny Kaanaká

⁶ Fayam Kiristóóllá hé gerkícho hát ˈdabaanká hille.

Korínto Erká 1:6 ပူးပေါင်းရင်းမြစ်များ

Márko 16:20

Aalé Yíésu lalille kie, les lúl gaa sedhe, gálaat Fayam Midhab Yiesúúllá shie. Máá Guđo Yíésu úba hé gáál hol hujich ˈgar nannie. Gaal gálaat ki ˈdiiyimeká gálaat hé hé gaalí af ˈdaˈdaboká úba il ki arge. Hatallá in Yíésu fayamlééllá hát ˈdúwaká gálaat argisie.]

He Ekeny Gál Alb Fimiká 11:17

Har Waag Hím Naasanle af giri múúni ke Máá Guđo Yiesu Kirísto iiy yieká gáál ka shiicheká úba gaal íín shiicheka, yú mááya Waag gaa điidhanal? Bétiro hí gáál yie.

He Ekeny Gál Alb Fimiká 11:21

Aalé Waag gáál kúól gaa chirate, gál burnayká ˈdéé iiy yie, gaal Máá Guđo Yíésu gálle yie.

He Ekeny Gál Alb Fimiká 18:5

Aalé Sílas ubaa Tímote Makeˈdónia gáá fameká, Báulo đonganaam dhaany hay, hol sillie, aadh lulle ˈdeeny Yiesu gálaat ki ˈdiiyime, gál Yuuˈdi Yíésu hát he Messíyaká geeđie.

He Ekeny Gál Alb Fimiká 20:21

Yú yáá gál Yuuˈdi ubaa gál Hellen ki ˈdiiyime, giri gaal ađaabano ubaa nyuogim le haađuo-, Waag makan fafaan-, Máá kúnnaa Guđo Yíésu iiy yegetká.

He Ekeny Gál Alb Fimiká 20:24

Tá yú yáá sídhchú ye geer ma gaa ˈdeeneny. Hé chia ye ki ˈdúwaká he hújích Máá Guđo Yíésu hí ye ká shieká, giri Fayam Midhab gielmiti Waaˈgietká đulalle yú kirmisat-, yú ˈdiyeen-, yú beđisatká.

He Ekeny Gál Alb Fimiká 22:18

Máá Guđoká yú arge, mu ye geey, kieye, Đo keʼ, Yerúsalem yé gaa ˈdé. Gál alloká hé ˈdeeny chia kuun hí geđichoká iiy ma yegen, muí ye yie.

He Ekeny Gál Alb Fimiká 23:11

Aalé kúlích kinaal chúúrélle Máá Guđoká Báulo láá ki ˈdie, kieye, Ha binenêny, hát tikiˈde giri ye Yerúsalem gaa ˈdiiyeennééllá, ˈjien Rooma úba ha ye gaa ˈdiyeenne, Máá Guđoká hí mú yie.

He Ekeny Gál Alb Fimiká 28:23

Aalé gaal rám éíy taaka geđo Báulo hol gaa aargiroká hol ki chiˈde. Aalé kúlích kinaal ali kí ˈdiiyyeká gál burnayká ˈbíl Báulo hí gaa ijeká a midhab ká yimie. Báulo gáál Guch Waaˈgiet ˈdeenyle geey. Mu hemuumurit Waag hí Móshe ka shiicheká warˈgasamle ubaa warˈgasam gál Waag hí ˈdéé ka shigicheká alblé giri ˈdeeny Yiesu hogoteká gáál af gaa koy. Mu hatal gáál ˈdeeny Yiesu ki ˈdiiyime, gáál ˈdéé net ˈdú gadhe, ˈjíig biiy gelga chie.

Róóma 15:19

Hím Naasan Waaˈgiet fargogintle ííni hé fargogo-, gálaat hí il ki aargiro-, hí af ˈdaˈdaboká ekemeyche. Hatallá in yú hát ˈdabaanká Fayam Midhab Kiristóóllá ˈjien Yerusalem tá ˈjíig lés Illuriko lulle gaa ˈdiiyime.

Korínto ki Naamaká 12:12

Hé ˈduuˈdúwa-, yú hurtkícho gaa eekemeyká, he hé máá Kirísto hí ali gáá kaayká hí ekemeyoká. Yáá mé ki chichirte, it hé hí af ˈdaˈdabsie-, farguogoká il ki argiyye.

Galátia 3:5

Waag hí Hím Naasanle ká shigicho-, ubaa hé gáál af ˈdaˈdabsuoká hí hurt gaa ekemeychóóllá, he in ˈdaa hemuumurít ki yaalitle ˈdugakaa? Ebá he fayam Kiristo hí maalle-, hí iiy chieká ˈdaalle ˈdugaka?

Dhesaloníke ki Naamaká 1:10

Kúlích muí gáá ˈjeen kinaal mu gálle ˈdúúw hai gaa aargira, ameeny gál mú iiy yieká lulle mú hai meeye. Tá itín ˈdaa giri fayam Kiristo ke hí geeyká hí iiy chieká, itín úba it gál kinaal gaa iđa.

Tímote Erká 2:6

gálaat lulle ˈdaalleka, hol gusse-, gáál ríéllá. Hééllá he ˈdeeny ˈdúwa-, a leđugul Waag hí ki muˈdeká ali kí ˈdieká.

Tímote ki Naamaká 1:8

Aaléka, Máá kúnnaa Guđóóllá fayamle ˈdiyeennoká kern hai ko ˈgíˈgin, héétí yáá mú ˈdaalleka hiigin gaa ijóóllá yaalmit chiallá hai úba ko kern ˈgidhîny. Tá ˈdaa fargogint Waaˈgietka, Fayam Midhaballá manyjanyle kí hol ˈgar maanyjaw.

Kí Edhesiny 1:2

Yuána íín hé arge kinaal lulle huogodhe. Hééllá he ˈdeeny Waaˈgiet ubaa hé Yiesu Kirísto hí mú kí edhesieká fayamlé.

Kí Edhesiny 1:9

Yáá nyár kíchia Yuána lééllá, he máá kíchia ˈdaa Yiesuka hí Waag Guch lééllá hol ˈgar iđa-, hí hol ˈgar maanyjayya-, hí mé ki chichirsataká. Yú ˈdaa giri Waag ˈdeenyle ubaa fayam Yiesu gálaat geđieká in gaal ye ˈgiliˈgay, gaal ye koro Batimosallá ká sidhe.

Kí Edhesiny 12:11

Nyaaram kúnnaallá hé mú ka adhdhe. Mú gaalí ka adhdhééllá he ˈdaa giri Eliny gáál ˈdaalleka fásle okodieká. Héétí gaal hé kúfach ma đíin, hé Élíny ˈduuwle huogodhe.

Kí Edhesiny 12:17

Aalé anich đo min ˈdú idhane, kie, giri min umlé les ki ˈgite-, Waag hemuumuritle ki ˈgie-, Yíésu ˈduuwle hogodhoká ˈdú ruruanká.

Kí Edhesiny 19:10

Aalé yú đo mú ˈgas met les kurram gaa ˈdoy, giri mú memeyoká, kor mu đo ye geey, kieye, Ha hééllá ekêny! Yú he gedech, hát kúún ubaa nyaaram kua giri Yíésu ˈduuwle hogodho-, tá ki ˈgieká. Waag tákámle méémesh. ˈDeeny Hím Naasan Waaˈgiet hí gálaat shigichoká he Yíésu ˈduuwlé.

Kí Edhesiny 6:9

Aalé Eliny kat tiiyaká katlé ki chenká sillieká kúb suoryoká gimle gál ˈdaa ˈdeeny Waaˈgiet ubaa ˈdéé ˈdiiyiminyle ˈdugaka gaalí yieská sidhamle yú gaa arge.