Korínto Erká 1:30 - Fayam Midhab Yiesu Kiristoká He Hol Af Iđiny Kaanaká

³⁰ Tá Waag hé itín ubaa Yiesu Kirísto hí hol ˈdú fiiyye, Kirísto ˈdaalimkúnno hoyche. Kirísto ˈdaalleka Waag hé muun gáál gál ˈdúwaká hoyche, gáál gálle hosote, gáál ađaabano gim yé gaa ˈdeeyche.

Korínto Erká 1:30 ပူးပေါင်းရင်းမြစ်များ

Matááyo 1:21

María eiyyo hol nanniyya, veel yab hai ˈdaalla. Véel meenylé shigichoká Yíésu. Hééllá ˈdaa giri veel gálaat ađaabano gaa egew-, gálaat ririanká, muí mú yie.

Lúka 11:49

Aaléka ˈdaalim Waaˈgiet héle hatallá he chie, kieye, Yú gál ˈdeenychú ka shiguoká ubaa gál alb fimiká gálaat alb ha ˈdú fafaa. Gál yú alb fafuo kinaal ˈdáá tikiˈd ha gaalí yeese, ˈdáá tikiˈd ha gaalí maanyjasia, he chie.

Lúka 21:15

Hé hí hol ˈdú hogotoká af ha yú hí ká fafaa, ˈdaalím ha yú hí shigia, giri gál hí met il gaa ˈgieká hí ma ki faalminy-, ubaa hí ma ka aađaanká.

Yuána 1:18

Waag hé kálta máá hí argeká mán. Máá ke Waag gaa onnodheká, he Iny ali ka takach-, Waaˈgiet-, ˈJaalle túmus ki koyká.

Yuána 14:6

Yíésu mú geey, kieye, Yú ˈgierich, ˈduuw he yú, yú luolmíti. Hé máá níínní ye ma gáá naanka, Waag ˈdú seenká mán.

Yuána 17:26

Yáá gáál ˈduuwkú onisie, gaal ko onnodhe, tá gáál taalle ha yú ko oonisia, giri gielmit ye gielká úba gáál gaa iđo-, yú úba gáál gaa ijoká, Yíésu hí ˈJaalle yie.

Yuána 17:8

Fayam ye ka shiicheká yáá gáál shie, hé gaalí iiy yie. Gaal hát yú ko yé gáá ˈdieká hé eiy naate, tá kuun hát ye ali gáá kaayyeká úba hé iiy yie.

Yuána 8:12

Yíésu geđi gálaat ki ˈdiiyime, kieye, Yú he édhúm lésallá ka yimieká. Máá ye el gáá veeroká hé geđi bííy gaa ongʼoˈdeká ma gaa seseminy, édhúm gálaat luolmít shiguoká he ˈgaa, yie.

He Ekeny Gál Alb Fimiká 26:18

giri gáál in eiy ˈdeđicho-, bííy gaa ongʼoˈdeká gaalí hol gáá nannaat-, gaal bííy gaa édhká bala ˈdú gáá nannuoká. Héétí ubaa gaal fargogint Satan gim yé gáá ˈdeˈdeen-, Waag bala ˈdu gáá nannuo-, giri Waag hí ađaabano ubaa nyuogimle gaa egeyyo-, tá alb gál ye iiy yie-, yú saas gaa eeyallá hí gaa ijóóllá gaa yíéđianká, muí ye yie, Báulo hí mú yie.

Róóma 1:17

Fayam Midhaballá héllé gáál geđichoká he ˈgíérích Waag hí gálaat ki ˈduuwaychoká. ˈGíérích kinaallá he iiy yeen kúnnaa er ke Kirísto iiy yie-, tá taalle ke mú iiy yegetallá tákáma, hát giri káána Warˈgat Waaˈgiet hí hote-, kieye, He ˈdaa iiy yeen máádhat hí Waag iiy yie-, hí ˈgúóllá in Waag mú máá ˈdúwaká chie, mú luolmít shiiche, chieká.

Róóma 11:36

He met lulle Waago yé gáá ˈdie, ki ija, tá geđi Máállé íín hí le. Waag taalle bííyyo gaalí meemeyo! Iiy-hí, he hí hát kinaallá yeet.

Róóma 12:5

Kirísto gónle úba hát kinaallá. Múúni ke gál Kiristóóllá he ki gón Kiristo. Hé kinaallá kieye, múún lulkúnno hollo ke hol ki ˈgee.

Róóma 16:11

Nyár chia Yuuˈdi-, Heróˈdion ubaa gál ˈbíl geer Narikiso gaa ijo-, Máá Guđo Kirísto ˈdaalle ki ˈgíéllá ye naa kí yiedhíe.

Róóma 16:7

Andoroníkos ubaa Yóóniya giri nyaaram chia Yuuˈdi-, gaalí nyí hol ˈgar hiigidheká ye naa kí yiedhíe. Gálallá he gál ye met Kirísto iiy yie-, gál alb fimiká hí súm ógká.

Róóma 4:25

Waag Yíésu ká silliche-, gálaat gíl geer gaa kaayye-, gálaat mú yiesallá, he giri mu ađaabanokúnno gáál gáá bibisuoká. Héétí Waag geđi mú loonoyche-, mú uushich yé gáá ˈdeeychééllá, he giri mu múún gáál innum Waaˈgiet gaa ˈduuwasuoká.

Róóma 4:6

ˈDáwuˈd hé úba gál ˈdaa héllé eekemeyká muuninyká Waag hí gál ˈdúwaká ki chieká hélle hodhe. Mu gálallá hát Waag hí ˈdú ˈjiiyyeká úba hodhe, kieye,

Róóma 5:19

ˈDaa giri máá tikiˈde Áˈdamlééllá Waag af đuˈduseká in gálaat lulle ađaabano hile. Héétí, ˈdaa giri máá tikiˈde Kirísto lééllá Waag af ˈduuwayká in gál gúúđo Waag hí gál ˈdúwaká hođicha.

Róóma 5:21

Gálaat lulle érléká ađaabano ubaa nyuogimmo he gim gaa ije. Tá káána, gál Máá kúnnaa Guđo Yiesu Kirísto iiy yegetká, in Waag hí gál ˈdúwaká chegedhe, Waag hí ˈdúˈjímle gim gaa iđimicha, gaal luolmit biiyoká aargira.

Róóma 8:1

Aalé káána ameeny gál Yiesu Kirísto ˈdú fameká, hé Waag hí ma ˈdeđensen.

Róóma 8:23

Múúni giri Waag gáál Hím Naasanle hé shiicho erkobká kí hoychééllá úba hé ke egedhen, ˈdaab ke he lullé Waag hí umle af iđicheká ma árginy-, Waag gónkúnno kúfach ubaa móˈd ma gáá ríinyká. Hééllá feditle hé tág ke súm ˈguo.

Róóma 8:9

Tá itín har Hím Naasan Waaˈgiet hí gaa iđoka, it balt gonniet hí he ma ki mumuriny, Hím Naasan Waaˈgieto hí he ki mumuˈda. Máádhat Hím Naasan Kiristo manítaka, hé Kirísto hí ma lileny.

Korínto Erká 1:2

it gál Kiristo-, ˈjien Korinto gaa iđa-, Waag hí ká viiyye-, Yiesu Kirísto hí saas gaa dhiire-, hí Waag gálle hoyyallá, tá gál biiy lúl gaa ijo-, Máállé tikiˈde úba Máákúnno Guđo Yiesu Kirísto lééllá vivisatallá ke hí ˈdu gáá veere.

Korínto Erká 1:24

Tá gál Waag hí ká viiyye-, gál Yuuˈdi yíekaʼ, gál Hellen yíekaʼ, nyiin nyí fayamééllá ki ˈdiyeennallá, gaal íínka fayamééllá he Kirísto, giri Waag fargogintle ubaa Waag ˈdaalimle hí gaa iđoká.

Korínto Erká 12:18

Tá gon metlé hol ka burnayyééllá alb Waag hí ki feefeˈdeká hí gaa kuokoyye.

Korínto Erká 12:27

Itín hí gón Kiristo. Gón Kiristo met hí hol ka burnayyééllá met ˈbaal hí itíni.

Korínto Erká 12:8

Mááká Hím Naasan Waaˈgiet ˈdéé hót ˈdaalimoká hí shigicha, héétí mááká Hím Naasan Waaˈgiet tikiˈdééllá ˈdéé hót he onyiká hí shigicha.

Korínto Erká 4:15

Har úba káána ˈdaa Kiristoka gál hí ˈdeˈdeenká túóy manânyka, it idhaam burnay-, hí ˈgayyaká mán. ˈDaa giri yú hí Fayam Midhaballá ˈdu gáá sidhe-, hí Yiesu Kirísto iiy chíéllá in yú ˈjaakícho yie.

Korínto Erká 6:11

Itín ˈbaal it hé kinaallá gaa iđe. Tá káána it Máá kúnnaa Guđo Yiesu Kirísto ubaa Hím Naasan Waaˈgiet hí ađaabano kinaal gaa dhiire, hí gál saas mán-, Waag innumleka ˈdúwaká hoy.

Korínto ki Naamaká 12:2

Yú yáá máá Kiristo-, warram tomon tikiˈde a afur beeyéétíá Waag hí ur ki seđeká ˈdú eeteká óg. Máá kinaallá Waag hí egeeteká, gónle ˈgabka, gónle mannabka, yáá muog, Waago hí og.

Korínto ki Naamaká 4:6

Muun Waag tikiˈde kieye, Edhum hí bííy gaa ongʼoˈdeká yé gáá ˈdie, chieká in muun kaskúnno édhúmle gaa iđiche, giri ke mú ˈduuwle oonnootká. Waag ˈduuwlééllá in gálaat hí Kirísto gaa aargira.

Galátia 1:4

ˈJaa kúnnaa Waag hát he fedeká in Kirísto nyuogim ubaa ađaabanokúnno ˈdaalle hol ˈdú sillie, giri mu gáál yaalmit gaa nyakaridhe-, barallóóllá gaa ririanká.

Galátia 3:13

Múúni ke hemuumurít lulle hát ˈdabaanká el ma gaa igíriny-, ke ˈdór ˈgieká Kirísto hé gáál ˈdór kinaallá gaa eey. Mú gaalí ˈgór đarám yaalká ˈdú ˈdoyká mu hé ˈdór kúnnaa kinaallá luut kaadhdhe. Warˈgat Waaˈgiet hát chieká kieye, A meeny máá gaalí ˈgór ˈdú ˈdoyká ˈdórro he ˈgaa, he chie.

Eféso 1:14

Waag Hím Naasanlé muun gáál ki guyyééllá, hát beríka, Waag hé ˈdabaan-, gáál af iđicheká gáál ka shigichoká ki met gaa ógká. Hé ˈdabaan kinaallá, múúni giri ki Waag gálléká af giri Waag gáál rianká ha ke aargira. Héél ˈdugaka, kí Waag ˈduuwle meemeyo.

Eféso 1:7

Múúni giri ke Kirísto gállééllá Kirísto fáslé gáál ki rie, gáál nyuogim ubaa ađaabano gaa eey. Waag ˈdúˈjímle hát fargogoká hééllá.

Eféso 2:10

Múún ke hé lilammo-, Waag hí tág koyyeká. Waag múún gáál gál Kiristo hoycheká, in muun hújích midhab-, Waag hí kíssóótí gáál met tág koyyeká ki nannaa.

Eféso 4:30

Haí Hím Naasan Waaˈgiet geer gaa ˈdeđenêny. Waag hé hí Hím Naasanlé kinaallá ki guyye. Aaléka, Hím Naasan Waaˈgiet afo hí hol yíéđianna, ˈjíig kúlích giri Waag hí gálle gaa riannoká đig.

Eféso 5:26

Kirísto sídhle gáál ˈdú sillíéllá he giri mu gálle ˈjiˈjio-, gáál ˈdeeny Waaˈgiet ki dhiiro-, gáál saas gaa egewká.

Filíbi 3:9

mú nyí hol liiletká. ˈDuuw yú ˈguoká hai ˈduuw máálle nyatalaam el gaa igiroká onnôny, hí ˈduuw Waag hí máá Kirísto iiy yegetká shigichoká onnoyyo. ˈDuuw hatallóóllá Waago yé gáá ˈdeˈdeme, máá hí ˈguoká he máá Kirísto iiy yieká.

Kolosááya 1:14

Mú Inylééllá in muun gáál fásle ki rie, gáál nyuogim ubaa ađaabanokúnno gaa eey.

Kolosááya 3:16

ˈDeeny Kiristo hát ˈdabaanká ger gaa iđitíe. ˈDaalim Waag hí shigichoká lulle hol ki oonisía, hol af ki taatáa. Arram Warˈgat Waaˈgiet gaa ijoká ubaa arram gálaat hí Waag ki ˈdoyká, héétí arram itín hí Waag ki memeycho-, gerkícho yé gáá ˈdeˈdeenká ˈdaaramíe, hol ki guogofsía, Waag gielmít hol ˈdú naannáa.

Dhesaloníke Erká 5:23

Waag naannaká dhúrle hí gál iđiny ˈdúwa-, Waaˈgietká ki ijoká hoycho, hí tawunykícho ubaa sidhamkícho tá gónkícho hát ˈdabaanká chirat, giri Máá kúnnaa Guđo Yiesu Kirísto ká ˈjieka hí ˈdeensen mánká.

Títo 2:14

Mu íín dhúrlé gáál hol ˈdu gáá sillie, giri mu múúni ke mú iiy yíéllá he met lullé gaa nyakarichká gáál gáá bibisuo-, gáál dhidhiro-, gáál gálle hođisat-, gál hé midhabká ekemeyoká gófle ˈguoká gáál hođuoká.

Héberew 9:12

Mu hé Ál Súm ˈDúwa-, Kiato kinaallá ˈdaa fás aiyiet ubaa fás aar rúóreká ma ki híliny, mu fásle ˈdaallé he ali ki hile. Mu ál kinaallá a tikiˈde he ki hile, in muun gáál rúbách luolmit biiyoká ˈgayyoká shie.

Yákob 1:5

Har itín máádhat ˈdaalím ˈdabeka, hí Waag ruogono. Waag hé gíl ma gogonony, máá hí rogononká hé ˈdéé ma ki ˈdaraminy, mú ˈdaalím hai shigicha.

Bétiro Erká 1:2

ˈJaa kúnnaa Waag kíssóótí hé hí kasle ká ˈgie, in hí waaˈde. Mu hí Hím Naasanle taak ki kodhdhe, giri itín hí Yiesu Kirísto met gaa kekeenno-, hí fás Kiristo gim nannaatoká. Waag hí taalle ˈdú ˈjeeˈjeen, hí naanna guđoká shiigicho.

Bétiro ki Naamaká 1:1

Yú he Símon Bétiro, Yiesu Kirísto máállé gedech-, ali gaa kaanyká. Warˈgatééllá it halúg hí iiy yeen tikiˈde-, ˈdúwa-, nyiin nyí ˈdaa Waag kúnnaa Rubachiet-, Yiesu Kirísto ˈduuwle ki argiyyééllá itín úba hí ki argiyyééllá yú hí ˈdú gáá verene.

Yuána Erká 5:6

Yiesu Kirístóóllá he Máá bie ubaa fás kí yimieká. Mu hé bie tákámle ma kí yímen, mu bie ubaa fásso he kí yimie. Hééllá hát ˈdúwaká Hím Naasan Waaˈgiet aadh lulle hé ˈdúwaká hogotóóllá hé hí gáál ká geđicho.

Kí Edhesiny 14:4

Gálallá he gál hé Waag hí ma fedinyká hol ká ridhdhe-, Waag bala ˈdú nie-, Élíny el gaa igiro-, Eliny állé seseenká mé nannuo-, Waag hí yiate-, Waag hí gál lesietká gáá shuunate-, giri Waag ubaa Élíny saanollé erkobká yegetká.

Kí Edhesiny 5:9

Aaléka hé luogol kinaal ubaa káru ár kaanaká ˈdoy, aar kieye, Kuun kó ˈdúúw ˈgayyo, giri warˈgát egeet-, warˈgát kát gaa babiyyoká. Kuun gálaat hé ko yies. Kó fáskú okodiche. Hát kinaallá in gálaat ká yiate. Gál kuuní Waag kí yiatééllá he gál kidh lulle ubaa afano lulle tá émeet lulle, héétí gálaat lulle yé gáá ˈdeˈdeenká.