Korínto Erká 1:18 - Fayam Midhab Yiesu Kiristoká He Hol Af Iđiny Kaanaká

¹⁸ Fayam Kiristo máálle ˈgór đarám yaalká ˈdú kufééllá, gál hí iiy ma yegen-, baađawallá, hé đeeymo hí ká dhaˈgama. Tá múúni ke Waag rúbáchle gaa ijóóllá, fayamééllá muunka he Waag fargogintlé.

Korínto Erká 1:18 ပူးပေါင်းရင်းမြစ်များ

He Ekeny Gál Alb Fimiká 13:41

Bá dhaayyíe, it afka fichilít ˈgayyáal! Gil hí af faan, me hí ˈgidho. Yú bárkícho he ha gaa ekemeye, hé úba máádhat hí geđînyka, hí iiy ma chegenká, Waag hí chie-, gaalí yieká, Báulo hí gáál yie.

He Ekeny Gál Alb Fimiká 17:18

Mu ál gabaaya kinaal gál gaalí Ebekúre yeget-, ubaa gál éíy taaka gaalí Sitóyik yeget-, lullé kas hí he ká shugunat mare hol ˈdéé ˈdú naannie. Gál kinaal ˈbáál hí kieye, Máá éésh mánnal in meete ká hogodho? yie. Aalé gáál ˈdáá tikiˈd kieye, Máállá in taalle waagam éíy taaka kidhdhoká gáál má ki ˈdiyéen? yie. Gaal hatal yíéllá he ˈdaa giri mu gáál fayam Yiesu ubaa gálaat uushim yé gáá ˈdímle ˈdeenyle ki ˈdiiyimeká.

He Ekeny Gál Alb Fimiká 17:32

Aalé gál giri mú af nee kokoyká ˈbaal ˈdeeny uushich yé gaa ˈdímííl maaleká ˈdéé eeshey, ˈbaal hí kieye, Nyíín ˈdeenyééllá aadh éíy taaka ha nyí ko gaa maalla, gaalí mú yie.

He Ekeny Gál Alb Fimiká 2:47

Gaal bar lullé Waag memey, gáál gálaat lulle úba hí geelnedhe. Ram hátlé hol el gaa igiˈdeká Máá Guđoká gál hí iiy yieká gáál af ˈdú faafie.

Róóma 1:16

Fayam Midhab Kiristóóllá ˈdugaka kern hé ye ma ˈgiˈgin, ˈdaa giri fayamééllá Waag hí gál Kirísto iiy yegetká lulle ki ririannoká. Fayamééllá erkob gál Yuuˈdi hí maale, tá gál gál Yuuˈdi muuninyká yé ˈdú ˈdiiyye.

Korínto Erká 1:21

Waag hé ˈdaallé, tá hé ˈdéé murate, giri gál lesalloká ˈdaalimle Waag ma ki kiimisanká. Héél afleka, Waag fayamle ˈdiiyiminylé gál lesalloká hí hé đeeymoká ka dhaˈgasanallá ˈdaalle ˈdugaka in gál fayám iiy yegetká rubach shigicha.

Korínto Erká 15:2

Fayam Midhaballá in hí rubach gaa aargiˈda. Hé kinaal har Fayam yú hí ki ˈdiyimeká hí tág ki taalka. Tá har hí tág ma ki taalinyka, af kinaalka iiy yeenkícho taalle hállééllá.

Korínto Erká 2:14

Tá máá Hím Naasan Waaˈgiet mánká, hé Hím Naasan Waaˈgietallá hélle ma aargiriny. Máá hat kinaalloká mu íínka Hím Naasan Waaˈgietallá hélle hé đeeymo, hé muí eiy ma nanasan. Máá Hím Naasan Waaˈgiet ˈguoká tákáma Hím Naasan Waaˈgiet hélle eiy nannata.

Korínto Erká 2:2

Yáá hééllá lulle gíl sug ki hay. Yiesu Kirísto gaalí ˈgór đarám yaalká ˈdú yieská tákáma yú hí ki ˈdiyime.

Korínto Erká 3:19

ˈDaalim lesalloká innum Waaˈgietka hé đeeymo. Hé kinaallá he hát Warˈgat Waaˈgiet hí hote-, kieye, Waag hé gál ˈdaalle léká điđamle ˈdú ˈgiiliˈgayyo, chieká.

Korínto Erká 4:10

ˈDaa giri nyiin nyí Kirísto hújíchle nanniyyáállá, innum gálaatka nyiin nyí gál đéeská. Itín íín kerka hí gál Kiristo ˈdaallelléká! Nyíín kerka nyí gál đááliská, tá itín kerka hí gál farguogoká. Itín kerka gál gaalí memeyoká, tá nyíín he gál gaalí egesheyoká.

Korínto ki Naamaká 10:4

ˈGulo ooso-, nyí ˈgayyáállá hé ˈgulo ooso-, lesalloká muuniny. ˈGulo ooso-, nyí ˈgayyáállá he fargogint Waag yé gáá ˈdiiyye-, nyí Sátan điđamle ubaa kas lesallóóllá kí aađaatká.

Korínto ki Naamaká 4:3

Nyiin Fayam Midhab-, nyí ˈdiyeennallá har hé gálaat kasle ma higilinyká kátaka, af kinaalka gál Kirísto iiy ma yéen-, bađay-, kas hí chúgká tákáma he mé ma híliny.

Dhesaloníke Erká 1:5

Hééllá he ˈdaa giri ke hí Fayam Midhaballá hát ˈdééká tákámle ke hí ma ˈdú gáá sîn, tá fayám ˈdaa giri fargogint Waaˈgiet ubaa Hím Naasan Waaˈgiet kí chimieká in itín hí fayám ˈduuwle tág og. Af giri ke hol af ijeká itín yaalmit ˈdaakíchoka nyí ki iđeká it óg.

Dhesaloníke ki Naamaká 2:10

Mu ameeny hé hodho-, gálaat ki baađisuoká hai kí yiimedhe, gál Waag hí he il ká aargisichoká hai baađisia, ˈdaa giri gaal ˈduuw Waaˈgiet iiy ma yegen-, gielmitle mán-, gaal rúbách Waag hí gálaat shigichoká ma aargirinyká.

Héberew 12:2

Máá iiy yeenkúnno mé gáá kodhdhe-, iiy yeenkúnno ˈduuwasuo-, Yíésu lééllá kí taalle in gaa kuokuo. Geer gaa meen ka chiimet-, muí onnoy kinaallá ˈdaalle ˈdugaka in mu ˈgór đarám yaalká kúfáchle gaa nadhe, manyjany il hí argiyyeká ubaa eesheny gaalí egesheyká ma đíin. Mú kúfáchlé kinaallá el ˈdaal in mu kara guchi-, Waaˈgietká ˈdaa naaniet yíéđie.

Héberew 4:12

Aalé ˈdeeny Waaˈgiet he ˈdeeny luolmiti-, fargogínt ˈguo-, faaˈd ˈdinnam hullaalle gáá alléká ˈdú alléká. Hát faaˈd laf hol af eiy gaa okodmicho-, ubaa hát faaˈd lafit muˈdeka ˈdiiny ˈdú ˈjeˈjeennokáka, ˈdeeny Waaˈgiet máádháto geer higila, mú tawunyle ubaa mu héllé geer ka ˈguoká og. Héétí mu héllé he geer ka ˈguo-, fedoká har hé Hím Naasan Waaˈgiet hí fedoká kátaka he eiy nannaa.