Korínto Erká 1:12 - Fayam Midhab Yiesu Kiristoká He Hol Af Iđiny Kaanaká

¹² Hé yú hogodhóóllá, itín mú tikiˈd kieye, Yú máá Baulo, máátí kieye, Yú máá Abollos, máátí kieye, Yú máá Kefas, máátí kieye, Yú máá Kiristo, hí chegedhe.

Korínto Erká 1:12 ပူးပေါင်းရင်းမြစ်များ

Matááyo 23:8

Itín ˈdaa giri máá kíchia hí af tatuoká tikiˈde-, tá lulkícho hí hol nyaaramká, haí hol vevéminy, Máá kínyaa ˈdúwáállo, hí hol chégen.

Yuána 1:42

Mu đo Símon Yíésu ˈdú eey. Yíésu Símon ki fuˈjie, kieye, Kúún he Símon, iny Yuanaká. Kúún aaléka Kéfasso gaalí ko yegedhe, muí mú yie. (Meeny Kéfaslééllá hélle kieye, Nyátáábá, af Hellenka Bétiro.)

He Ekeny Gál Alb Fimiká 18:24

Aalé máá Yuuˈdi gaalí Abóllos yegie-, Alekesánđara gaa ˈdalidhe mare Eféso kí ˈjie. Mu íín he máá ˈdaalím hí guđo-, Warˈgat Waaˈgiet hát ˈdabaanká ógká.

He Ekeny Gál Alb Fimiká 19:1

Aalé af giri Abóllos Korínto gaa ijeká, Báulo lés Galatia ubaa lés Firgia gaa kie, mu ˈgíérích ˈdug iifeká nadhe, Eféso ki ˈjie. Mu ál kinaal gál Yíésu iiy yie mare hol gaa arge.

Korínto Erká 1:11

Nyaaramchú, yú hatallá yíéllá, he ˈdaa giri Kilói ˈbíl geerle gáál ˈbáál itín hát hí hol shalal fiiyyééllá fayamle ye shieká.

Korínto Erká 15:5

Kirísto uushich yé gáá ˈdieká, mu Kéfas yé ˈdú gáá ˈdie. Aalé el gaa igíˈdelle mu gál láli tomon a naamaká yé ˈdú gáá ˈdie.

Korínto Erká 15:50

Nyaaramchú, hé yú hogodhoká hééllá: Gón kúnnaa ke ˈgúóllá hé Guch Waaˈgiet ma higiliny, héétí hé kufunan-, mooˈdowká hé ál luolmit biiyóótíá úba ma lileny.

Korínto Erká 16:12

Aaléka, ˈdaa nyár kúnnaa Abolloskáka, yáá mú af burnayká ki guofsie, giri mu gál nyaaramká hol egeet, gaal itín hí af kí ˈdeˈdeenká. Tá mu íínka, káána hé aleđuđugul muí ka yiimetká muuniny. Mu kar argeka, hai ká yiimedhe, af haí kí ˈdeeme.

Korínto Erká 4:6

Nyaaramchú, ˈdaakícho ˈdugaka, hééllá lulle ˈdaachú ubaa ˈdaa Abollosso yú ki hodhe, giri hí hé Warˈgat Waaˈgiet gaa ijoká af yé ma ˈdeeminyká. Haí mú tikiˈd hol bal ki ˈdaráminy, máátí hí egeshêny.

Korínto Erká 7:29

Nyaaramchú, hé yú hogodhoká hééllá: Rám ka ˈgisateká hé tág hol kí chál. Aalé káána ke gaa ijo-, tá biiy met ki suoyééllá, gaal hí kasle Máá kúnnaa Guđoká gaa iđuo, gál ˈdég ˈguoká hai ˈdég tákámle mé ka ˈgíiny,

Korínto Erká 9:5

Nyiin hát tikiˈde gál éíy taaka alb fimiká ubaa Máá kúnnaa Guđoká nyaaramle ˈdegle hol ˈgúóllá, héétí Kéfas úba minle hol ˈgar seseenallá, nyiin nyáá nyí ˈduuw gálle ˈdeg Kirísto iiy chieká hol ˈgar seseenká mân?

Korínto ki Naamaká 10:7

Itín gálaat ˈdugo hí gáá dhaˈgasanna. Hurt kíchiallá gál hol gál Kiristo ka dhaˈgasanallá hí geđi tawuo, hí hééllá met ká ˈguo, hát gaal íín he gál Kiristóóllá nyiin úba nyí gál Kiristo.

Korínto ki Naamaká 9:6

Ebá ˈdéé hótééllá táb ˈdodhdhíe, ár iraam mánká gaalí fieka, aadh ˈdaatika ˈguomle hé iraam mán. Tá ár guđoká gaalí fieka, aadh ˈdaatika ˈguomle hé iraamlé.

Galátia 2:9

Yákob, Kéfas, ubaa Yuána giri gál Kiristo hí gállé méte ka dhaˈgasanká Waag hát ye ˈdúˈjímle ka shiicheká kimiteká, đo yú ubaa Barnábas nyí gil ger gaa ˈgiiliˈgay, giri nyiin nyí gál gál Yuuˈdi muuninyká ki ˈdiyeenne-, gaal íín gál Yuuˈdi ki ˈdiyeenká.

Galátia 3:17

Hé yú hogodhoká hééllá: Har úba Waag warram kúˈd afur tómón eiy seđ he af iđiny el ˈdaal Móshe hemuumurít ká shiicheka, hé kinaallá hé he af iđiny Waag hí Abirááyam af iđicheká ˈdeenyle mán ma hôny. Waag hé úba he af iđinyle gíl sug ma ki hâny.