Korínto Erká 1:10 - Fayam Midhab Yiesu Kiristoká He Hol Af Iđiny Kaanaká

¹⁰ Nyaaramchú, Máá kúnnaa Guđo Yiesu Kirísto meenyle ˈdaalleka, gillo yú hí ki efe, hol af iiy yiegedhíe, haí hol eiy gaa ˈgiˈgísan. Tikiˈd yiedhíe, kás hí tikiˈd cheet, hé me hí igiroká úba hí tikiˈd yeet.

Korínto Erká 1:10 ပူးပေါင်းရင်းမြစ်များ

Matááyo 9:16

Hé máá níínní đafar káánaká toort gáá muuro-, toort đafar guđanteká ki ˈdaraanká mán. Hat muí hát kinaal koyka, toort đo súmmo he đafar guđanteká eiy ˈgiˈgidhicha.

Márko 2:21

Hé máá níínní đafar káánaká toort gáá muuro-, toort đafar guđanteká ki ˈdaraanká mán. Har muí hát kinaal koyka, toort giri kaanaká đo đafar guđanteká hai gaa ˈgite, đafar đo súm hai ˈgiˈgite.

Márko 3:24

Les gálle hol af ká điidhe-, hol tuutuneka, hé hol af ma chochony.

Yuána 10:19

Yíésu hatallá tákáma yie, gál guguđo-, Yuuˈdiká geđi eiy ˈgite.

Yuána 17:23

Hát yú gáál gaa ijo-, kuun ye gaa iđóóllá, gaal hí hát ˈdabaanká tikiˈd yeet, giri les gálle hát kúún ye ali gáá kaayye-, gielmit kuun hí ye gielká, úba kuun hí gáál gielká kiimisatká.

Yuána 7:43

Yaalmitééllá ˈdugaka in nyesebich ˈdee hí hol el ˈgiiˈgite.

Yuána 9:16

Gál Farisaay ˈbáál kieye, Máállá ˈdaa giri Kúlích Hef ˈGisanká nyátálle ma ki yaalinyká, hé gon Waag ma gáá yímen, yie. Gáál ˈbaal hí kieye, Mu har máá ađááb ˈguoká kátaka, mu háteeye hé gálaat af ˈdaˈdabsúóllá ekemeye? yie. Gaal đo hol af ká điidhe, eiy ˈgite.

He Ekeny Gál Alb Fimiká 4:32

Gál Yíésu iiy yieká lulle ger ubaa kas hí tikiˈd yie. Hé máá níínní shókódíchle hol bal ki ˈdarameká mán, gaal shokodaamlé ˈgieká lulle hol ki liledhe.

Róóma 1:13

Nyaaramchú, hééllá mé ka gáa, hát yú af burnayká hí ˈdu gáá yiimetká fedo-, kor hát ˈdabe-, ˈjíig káána đigallá. Hé yú fedoká he giri hát tikiˈde yú gáál kidhóótí Fayam Midhab Kiristóóllá ki ˈdiiyime-, gaal Kirísto enníéllá, in úba it Roomáállá yú hí ki ˈdiyeenká yú fede.

Róóma 12:1

Aaléka, nyaaramchú, gillo yú hí ki efe, ˈdaa giri Waag hí geer guurá argisichééllá, gónkícho hol suor luol-, hé Waag hí feˈdoká ekemeycho-, Waag geer gaa memeychoká Waag ki hoyyíe. ˈGíérích ˈdúwa-, hí Waag ki ˈduuwaychoká hééllá.

Róóma 12:16

Gálaat hol ki midhanáa. Haí gál gálaat ˈdú ˈdúwaká hol ka dhaˈgáminy, tá gál gaalí gál ˈdúwaká ma ka dhaˈgaminyká úba hol ˈdóo. Haí gál súm ˈdaalle léká hol ka dháany.

Róóma 15:30

Nyaaramchú, gillo yú hí ki efe, Máá kúnnaa Guđo Yiesu Kirísto ubaa gielmit Hím Naasan Waaˈgiet hí gáál shigichoká ˈdaalleka, hát yú hol súm Waag ki rogononallá itín úba ye hát ˈdabaanká Waag kí ruogonmíe,

Róóma 16:17

Nyaaramchú, gillo yú hí ki efe, gál gálaat hol eiy gaa ˈgiˈgidhuo-, hé ˈdaa Kiristoka gaalí oonisieká el ˈgiˈgisat-, hí ˈdaa eiy ki riitisuoká hol ˈdeeˈdeemíe, gaa fagandhíe.

Korínto Erká 1:11

Nyaaramchú, yú hatallá yíéllá, he ˈdaa giri Kilói ˈbíl geerle gáál ˈbáál itín hát hí hol shalal fiiyyééllá fayamle ye shieká.

Korínto Erká 11:18

Hé er yú hí geđuoká he hé yú maale-, kieye, itín hí hol ˈdu gáá chiimeto-, hí Waag vivisatoká, hí eiy ˈgiˈgisatoká. Fayam kinaallá yáá a níínni mare ˈdúúw hote.

Korínto Erká 12:25

Hééllá Waag hí ekeychééllá he giri gon hol eiy ma gaa ˈgiˈgisan-, gon lullé met hí hol ká eiyye-, hol ki ˈgiiyyóóllá hol rangʼisamká.

Korínto Erká 3:3

ˈdaa giri itín hátle hí húgúm lesalloká ki iđaká. Hinááf ubaa hol ki fálaam hurtkícho gaa iđóóllá, hé kinaallá hát hí húgúm lesalloká ki iđa-, hí kas gálaat el gaa igiˈdaká ma ká yaalîny?

Korínto Erká 4:16

Aaléka, gillo yú hí ki efe, ˈgíérích chiallá ka ennée.

Korínto ki Naamaká 10:1

Itín ˈbaal hí tawuyyeká, yáá Báulo lééllá, af giri ke hol af ijoká in síer, af giri ke hol in eiy ka láká tákáma nyáálle? Yú hát káána Kirísto abunaʼ-, nog seseenallá, yaalmit hat kinaallóóllá in yú ˈgaa, yú hí gil ki egefe.

Korínto ki Naamaká 13:11

Aaléka, nyaaramchú, ger hí gaa meet, hiráa, gúóf ˈgáa, kas tikiˈdeká ˈgáa, hol naanná ki yíéđía. Waag kúnnaa gielmít ubaa naanná ˈgayyóóllá hí gaa yíéđiyyo.

Korínto ki Naamaká 13:9

Har káána úba nyiin nyí đáális kátaka, af giri iiy yeenkícho fargogiyyoká nyiin ger ha nyí gaa meedhe. Waag visan ke hí kí vivisatká he giri itín hí higirayyo-, hí tagano ˈgiiyyoká.

Korínto ki Naamaká 5:20

Aaléka, nyiin nyí Kirísto gállé nannoká. Nyiin nyí gálaat fayam Kiristo ki ˈdiyeennoká he hát Waag íín gálaat gil ki egefiyyo. Gáál gillo nyí ki egefiyya, in nyí geđicha, ˈDaa Kiristoka Waag hol hiláa, nyí gáál chegedhe.

Korínto ki Naamaká 6:1

Aaléka, nyííni nyí Waag hol hujich ˈgar nanniyyóóllá, gillo ke hí ki efe, Waag ˈdúˈjímlé hí argiyyééllá haí eeshêny.

Galátia 4:12

Nyaaramchú, gillo yú hí ki efe, ˈdaa giri yú hát itín yíéllá yaalmit chia yáálle nyatalaam Yuuˈdi gim gaa láállá ka ennée. It hé hí ye ki ˈdeeneycheká mán.

Filíbi 1:27

Hé ˈdúwaká hééllá: Húgúm fayam Kiristo méé miidhanayyoká ˈgáa. Har hí hát kinaal ˈdiiyyeka, yú hí af kí ˈdeʼ yíekaʼ, fayamkícho yú maal yíekaʼ, yú hát hí kas tikiˈdeká ˈgayya-, hí tág ˈgiiyya-, hí Fayam Midhaballá he onisinyle hol ˈgar lađaanna-,

Filíbi 3:16

Tá hé súm ˈdúwaká hééllá: Hé ki onodhe-, ki álle nyuoreká kí húgúmkúnno hosot.

Dhesaloníke Erká 5:13

Hújích gaal hí ki nannuo kinaal ˈdaalle ˈdugaka gáál gál ˈdúwaká ka dhaayyíe, gáál geelnedhíe. Lulkícho hol naanná ki yíéđía.

Dhesaloníke ki Naamaká 2:1

Nyaaramkínyo, ˈdaa Máá kúnnaa Guđo Yiesu Kirísto hol ká naanle ubaa múún gáál hol ˈdú gáá shuunanle ˈdéé hótle ˈdaalleka, gillo yú hí ki efe,

Tímote Erká 5:21

Waag ubaa Yiesu Kirísto tá gál ˈgasso-, urru-, Waag hí waarateká metleka, ha yú ko geey, atim yú ko atíéllá tág chíro, ha gálaat hol eiy gaa nannîny, ˈbaal tírtir ˈdú kokôny, gálatí hélle mé yuyûny.

Tímote ki Naamaká 4:1

Waag metle ubaa Yiesu Kirísto giri gál luogolká ubaa gál kufeká bár ka chiimetóótíá ˈdéé ki iđimuo-, hol ká nadheka, Guchle biiy yé gáá ˈdeđuoká metle hé yú ko ki mureká hééllá:

Bétiro Erká 2:11

Sheel chia yú gielallo, gillo yú hí ki efe, ˈdaa giri itín hí lésal ma lileny-, égetkícho úratíká, balt gaa nyakaridhe-, sidhamkícho baađisichoká hol ka ridhdhíe.

Bétiro Erká 5:10

Aalé hí á níínni mare manyjayyeka, Waag gáál hát lulle ˈdú ˈjeˈjeenno-, hí ka viiyye-, hí Yiesu Kirísto gáá naate-, hí Waag ˈduuwlé biiyoká ka hilleká, Waag íín dhúrle haí biisicha, haí ˈdiita, far haí googonoycho, hidh haí aruanna.