Korínto Erká 1:1 - Fayam Midhab Yiesu Kiristoká He Hol Af Iđiny Kaanaká

¹ Yú he Báulo, máá Waag hát hí ki feˈdeká hí ká viiyye-, hí máá ali gaa kaany-, Yiesu Kiristoká hoycheká. Warˈgatééllá yú ubaa nyár kúnnaa Sóstenes,

Korínto Erká 1:1 ပူးပေါင်းရင်းမြစ်များ

Lúka 6:13

Biiy ka biˈdeká mu lalille hol ˈdú gáá vie, gál kinaallá tomon a naama muí waaˈde, muí gál alb fimiká hoy.

Yuána 15:16

Itín it ye ma ka éeny, yaa hí ká shuune, hí hujichaam met ki kuokoy, giri hí seseenne-, saano hí gáá higisso-, saano kinaal bííyyo ali ijo-, hé hí ˈdaa meenychú ˈJaachú ki hegesetoká muí ká shiguoká.

Yuána 20:21

Yíésu geđi kieye, Naanná gaa yíéđía! Hát yú ˈJaachú ye ali gáá kaayallá, yú úba alb haí fafaa, muí gáál yie.

He Ekeny Gál Alb Fimiká 1:15

Af kinaal Bétiro les gaa kie, gál giri nyaaram-, Yíésu iiy yieká hurt ki ˈdie. Gál kinaallá amú kúˈd tikiˈde tómón eiy naama giri hol ˈdú gáá yimieká.

He Ekeny Gál Alb Fimiká 18:17

Aalé gaal lulle Sóstenes giri ˈbíl ˈdiiyiminy mé ki yielká fame, mú ˈbíl gaalí gálaat ˈdéé ki iđimuo kinaal met gaa tune. Kor Gallíyo íín hé ˈgúl kinaal hol ma héésen.

He Ekeny Gál Alb Fimiká 22:21

Aalé Máá Guđoká ye geey, kieye, Keʼ, sí, yú kidh fágatíá ko ali ˈdú kakaa, muí ye yie, Báulo hí gáál yie.

Róóma 1:1

Yú he Báulo, gédéch Yiesu Kiristo-, Waag hí ká viiyye-, hí máállé ali gaa kaanyká hosote-, Waag hí Fayamlé Midhaballá hol gaa sinle mé ki koyyeká.

Róóma 1:10

Yáá úba aadh lulle Waag vivisat, giri har Waag hí feˈdoka, Waag ye kar shigicho-, yú hí ál ˈjob af kí ˈdeˈdeenká.

Róóma 1:5

Mu íín ˈdaalleka in Waag nyí ˈdúˈjímle ká shiiche, nyí gállé alb fimiká hosote, giri kidh hátlé met hí hol ká eiyyeká nyí Fayam Midhaballá ki ˈdiyeenne-, gaal fayám iiy yeget-, Waag met gaa kekeen-, meeny Kiristo ˈduuwayoká.

Korínto Erká 15:9

Yú Kirísto gállé alb fimiká máállé biiy el ˈdaˈdká. ˈDaa giri yú kis gál Kiristo manyjasieká, yú onnônyka, gaal hé ye mú máállé ali gaa kaanyká ma yégen.

Korínto Erká 3:9

Nyiin hullaakínyo hújích Waaˈgieto nyí hol ˈgar nanniyya, itín íín he lés Waaˈgiet ke hí fieká. Héétí itín hí ˈbíl Waag hí ˈdiˈditoká.

Korínto ki Naamaká 1:1

Yú he Báulo, máá Waag hát hí ki feˈdeká hí máá ali gaa kaany-, Yiesu Kiristoká hoycheká. Warˈgatééllá yú ubaa nyár kúnnaa Tímote it Kirísto iiy chie-, hí ˈjien Korinto gaa iđáállá ubaa gál Kiristo lulle lés Akaya gaa ijoká lul kíchia ke hí ˈdu gáá veere.

Korínto ki Naamaká 11:5

Gál hol gál ˈdúwa-, alb fimiká hol ka hoyallá, tawunychúka, hé ye ma ˈdú ˈduwanany.

Korínto ki Naamaká 12:12

Hé ˈduuˈdúwa-, yú hurtkícho gaa eekemeyká, he hé máá Kirísto hí ali gáá kaayká hí ekemeyoká. Yáá mé ki chichirte, it hé hí af ˈdaˈdabsie-, farguogoká il ki argiyye.

Korínto ki Naamaká 8:5

Gaal hé úba nyiin nyí mé ka mannayyeká ekey, gaal hát Waag hí ki feˈdeká er Máá kúnnaa Guđoká hol ˈdú sillie, in úba nyíín nyí hol ˈdú gáá sillie.

Galátia 1:1

Yú he Báulo, máá ali gaa kaany-, gálaat, muuninyka, máádhat hí ali ma gáá káany-, Yiesu Kirísto dhúrle ubaa ˈJaa kúnnaa Waag Yíésu uushich yé gáá ˈdeeyká hí ali gáá kaayká.

Eféso 1:1

Yú he Báulo, máá Waag hát hí ki feˈdeká, hí máá ali gaa kaany-, Yiesu Kiristoká hoycheká. Warˈgatééllá it Waaˈgiet, hí Eféso gaa iđa-, hí Kirísto iiy chie-, hí mú hát ˈdabaanká el gaa igiˈdaká, yú hí ˈdu gáá verene.

Eféso 4:11

Kirísto ííni gáál hujichaam met eiy ki kuokoy. Mu gáál ˈbáál gál alb fimi hoy, gáál ˈbáál gál Waag hí ˈdéé ka shigichoká hoy, gáál ˈbáál gál gálaat Fayam Midhabká ki ˈdiyeenká hoy, tá gáál ˈbáál gál gál Kirísto iiy yieká ˈdeˈdeen-, he oonisuoká hoy.

Kolosááya 1:1

Yú he Báulo, máá Waag hát hí ki feˈdeká hí máá ali gaa kaany-, Yiesu Kiristoká hoycheká. Warˈgatééllá yú ubaa nyár kúnnaa Tímote nyí ká verenne.

Tímote Erká 1:1

Yú he Báulo. ˈDaa hemurit Waag kúnnaa gáál rubach shigichóóllá ubaa Yiesu Kirísto ke luolmit biiyo-, ke met egesóóllá gaa argééllá ˈdaalleka, yú he máá ali gaa kaany-, Yiesu Kiristoká.

Tímote Erká 2:7

Yú hé ˈdúwaká hogodho, yáá hódho ma hogon. ˈDeenyéél ˈdugaka in Waag ye máá ˈdiiyiminy-, ubaa máá ali gaa kaany-, tá máá gál gál Yuuˈdi muuninyká iiy yeen ubaa hé ˈdúwa-, Waaˈgietká fayamle oonisuoká hoyche.

Tímote ki Naamaká 1:1

Yú he Báulo, máá Waag hát hí ki feˈdeká hí máá ali gaa kaany-, Yiesu Kiristoká hoycheká. Yú Waag he af iđinylé gálaat ki ˈdiyime, giri gál Yiesu Kirísto iiy yegetká luolmit biiyoká aargiroká.