Kolosááya 4:8 - Fayam Midhab Yiesu Kiristoká He Hol Af Iđiny Kaanaká

⁸ Yú mú hí ali ˈdú gáá kakawallá he ˈdaa yaalmit nyí állá ki iđoká hí mamallo-, mu hí gogofsuoká.

Kolosááya 4:8 ပူးပေါင်းရင်းမြစ်များ

Korínto Erká 4:17

Hééllá ˈdaalle ˈdugaka in yú hí iny chia yú giel-, ˈdaa Máá kúnnaa Guđokáka ˈduuwle yú kimite-, Tímote lééllá yú hí ali ˈdu gáá kaay. Mu ˈgíérích Kiristo yú ki ijo-, yáállé hí alb lulle gál Kiristo me hí hol gaa aargiroká gaa oonisuoká táb haí kí gaadha.

Korínto ki Naamaká 1:4

Mu manyjany nyiin il hí nyí argiyyééllá lulle ˈdaalleka in mu nyí gogofsia, giri gál mákárta-, manyjany il hí argiyyeká ˈdaalleka nyiin úba nyí gál kinaal gogofsichoká. Góf muí nyí gogofsúóllá in nyiin úba nyí gál manyjany il hí argiyyééllá nyí ki gogofsicha.

Korínto ki Naamaká 12:18

Af giri yú Títo gil ki efe-, mu ubaa nyárkúnno yú hí ali ˈdú gáá fieká, Títo úba bal mé hí ki káádhdhe? Yú ubaa mu íín Hím Naasan Waaˈgiet he nyí a tatiyyoká muunîny? Nyiin ˈgas hé nyí tikiˈd muunîny?

Korínto ki Naamaká 2:7

Hééllá káána he af giri hí mú ˈdú ˈjeˈjeenne-, hí mú gogofsichaká, giri mú geer ˈdéént hí ma ˈdú iilshananká.

Eféso 6:22

Yú hí mú ali ˈdu gáá kakawallá he giri hí yaalmitkínyo maalla-, tá muí gogofsuoká.

Filíbi 2:28

Aaléka mú yú hí ali ˈdú gáá kakawká yáá tág fedo, giri hí mú geđi argiyyeka, ger hí gaa memeet-, héétí geer giri ye gaa ˈdeenedheká ye fuuranká.

Kolosááya 2:2

Laatééllá yú hatallá lađaanallá he giri lulkícho hí gofononno-, hí hol gielmít ka ˈgayya-, hí ˈdúˈjím Waaˈgiet aargiˈda-, giri Waag héllé geer geđi-, ˈdaa Kirístoká hí hát ˈdabaanká eiy nannasataká.

Dhesaloníke Erká 2:11

Nyiin hát urgúaka baabá hí umle ki seseenká úba ke hí ki sedheká, it óg.

Dhesaloníke Erká 3:2

in nyí Tímote giri nyár kínyaa ˈdaa Waaˈgietka nyí hol hújích Fayam Midhab Kiristóóllá ˈgar nanniyyáállá ke hí ali ˈdu gáá kaay, giri mu itín hí iiy yeenkícho gaa higirasuo-, hí gogofsuo-,

Dhesaloníke Erká 3:5

In aaléka hééllá hát níínní yú hol gaa tuo-, mánká, in yú hí Tímote ali ˈdú gáá kaay, giri iiy yeenkícho yaalmitle muí ká aargiroká. Yú kieye, Sátan taalle gáál má ki egesen, laat ˈdaa kíchoka nyí laađaanneká laat halleelloká má cheen? yú yie.

Dhesaloníke Erká 4:18

Héétí aaléka, hol ˈdéé hótééllá ki guogofsía.

Dhesaloníke Erká 5:11

Aaléka, hát káána hí gaa iđa-, hí ekemeychóóllá, hol guogofsía, hol yiir gaa chiichiˈdíe.

Dhesaloníke Erká 5:14

Nyaaramkínyo, héétí ha ki hí gogofsia, gál he ma uu-urinyká af taatáa, gál síéramká guogofsía, gál đááliská yiir gaa chiˈdíe, tá gáál lulle ger gaa gúch aargisía.

Dhesaloníke ki Naamaká 2:17

hí gúóf shiiguo, hí farguogoyo, giri aadh lulle hé hí ekemeychoká ubaa hé hí hogotoká ˈdúwaká.