Kolosááya 4:12 - Fayam Midhab Yiesu Kiristoká He Hol Af Iđiny Kaanaká

¹² Máá kíchia Ebáfaros giri gédéch Yiesu Kiristoká úba hé hí naa ká yie. Mu hé aadh lulle lađaan-, hí Waag kí vivisat-, giri itín hát Waag hí feˈdoká hí kiimisata-, hí higirayya-, hí tág ˈgiiyyaká.

Kolosááya 4:12 ပူးပေါင်းရင်းမြစ်များ

Matááyo 5:48

Aaléka, hát ˈJaa kíchia úr ijoká hí tagléélláka, itín úba gál tagléká yiedhíe, Yíésu hí gáál yie.

Lúka 1:1

Kó súm ˈdúwaʼ, Tíáfeles lééllo, gál burnayká hé hib hélle gáál hurt yé gáá ˈdieká hol ˈdú shuune, veere.

Lúka 22:44

Mú geer hí súm gaa ˈdeenedhe, mu geđi hát ˈdabaanká Waag vite. Mu simidhe, simis hát fáská mú gáá ˈjiibime, les ˈdane.

Yuána 12:26

Máá hújíchchú nannuoká, hí ye el gáá veero. Ál yú ijoká in gédéchchú úba hí ija. Máá hújíchchú nannuoká, ˈJaachú haí ˈduuwaya.

Róóma 15:14

Nyaaramchú, itín hát hí súm ger gaa ˈdabaan-, ˈdaalim hí hol af ki tatiyyaká lulle hí ˈgayyaká, yáá tág óg.

Róóma 15:30

Nyaaramchú, gillo yú hí ki efe, Máá kúnnaa Guđo Yiesu Kirísto ubaa gielmit Hím Naasan Waaˈgiet hí gáál shigichoká ˈdaalleka, hát yú hol súm Waag ki rogononallá itín úba ye hát ˈdabaanká Waag kí ruogonmíe,

Korínto Erká 14:20

Nyaaramchú, kaskícho hai kas um niginiká onnôny. Hát um nigini-, hé ˈdeđewká muogká yeedhíe, tá kaskícho hí kas gál hirayká cheet.

Korínto Erká 2:6

Tá nyiin nyáá nyí ˈdeem ˈdaalimoká gál hirayká ki ˈdiyeenne. ˈDaalimééllá hé ˈdaalim lesalloká ubaa ˈdaalim guguch lésallá met ki ˈgiiyyo-, guguchle el met hí ˈgiidhóóllá muuniny.

Korínto ki Naamaká 13:11

Aaléka, nyaaramchú, ger hí gaa meet, hiráa, gúóf ˈgáa, kas tikiˈdeká ˈgáa, hol naanná ki yíéđía. Waag kúnnaa gielmít ubaa naanná ˈgayyóóllá hí gaa yíéđiyyo.

Galátia 1:10

Yú hatallá yegetallá in gálaato ger gaa memeyee? Ebá Waago geer gaa memeye? Yú meeny gálaat hí ye memeyoká hol gaa ˈgéˈgédhe? Híʼi, yú hátle meeny gálaat hí ye memeyoká hol gaa ˈgéˈgenka, yáá onnônyka gédéch Kiristo ma yégen.

Galátia 4:19

Umchú, geer kúl ˈdaakíchoka yú geđi ˈgúóllá hát geer kul min ˈdaˈdalloká verennoká. Itín hí hát Kirísto chegetoká yú fede.

Kolosááya 1:22

Tá káánaka, ˈdaa Kirísto hí gón hát gón kúnnaallá kaadhdhe-, kuféélláka, it ubaa Waag hol hille, giri Waag innumleka hí saas ubaa ˈdeensen ˈdaabiyyoká.

Kolosááya 1:28

Aaléka, nyáá nyí fayam Kiristo gálaat lulle ki ˈdiyeenne. ˈDaalim kínyaa lúl nyí ˈgayyaká nyáá nyí gálaat af ki tatiyya, nyí gáál ki oonisicha, giri gáál lulle nyí Waag metle egeyyo-, gaal Kirísto ki higirawká.

Kolosááya 1:29

Hééllá ˈdugaka in yú lađama, fargogint Kiristo ye gaa iđo-, ye hujich ki nannasatallá yú hujich ki nannaa.

Kolosááya 1:7

It Waag ˈdúˈjímle Fayam Midhab Kiristóóllá Ebáfaros gaa onnote. Máállá tág nyáá nyí giel, mu íín he máá kúnnaa ke hol ˈgar gede Waaˈgiet-, ˈdúwa-, ke hol hújích Kiristóóllá yiir ki chichiratká.

Kolosááya 1:9

ˈDaa kinaallá ˈdugaka in a meeny giri nyí fayamkícho maalleká, Waag ke hí kí vivisatká nyí ali ma kôny. Waag ke hí kí rogononallá he giri Waag hí ˈdaalím ubaa kas hí he eiy ki nannasatoká hí ˈdaa Hím Naasanle kí shigicho-, hát feˈdoká hí hát ˈdabaanká kiimisatoká.

Kolosááya 4:9

Mu nyár kúnnaa ki giel-, ˈdúwa-, Onésimo kíchiallá hollo hol ká egedhdhe. Gaal yaalmit alloká fayamle lulle haí shigia.

Dhesaloníke Erká 5:23

Waag naannaká dhúrle hí gál iđiny ˈdúwa-, Waaˈgietká ki ijoká hoycho, hí tawunykícho ubaa sidhamkícho tá gónkícho hát ˈdabaanká chirat, giri Máá kúnnaa Guđo Yiesu Kirísto ká ˈjieka hí ˈdeensen mánká.

Fílemon 1:23

Aaléka, Ebáfaros ˈdaa Yiesu Kiristoka gaalí nyí hol ˈgar hiigidhééllá, hé ko naa ká yie.

Héberew 5:14

Tá ˈguom gogiyyoká gálle íín he gál ˈdeeny Waaˈgiet ki hiray-, kás kaadhdhe-, hé midhabká ubaa hé ˈdeewká hol eiy gaa nannasatká.

Héberew 5:7

Bár giri Yíésu les ˈdug ˈdú ijeká mu hé Máá fargogint gálaat kúfach gáá bibisichoká ˈguoká gil ki egefe, hé mú af gaa guđoká ki vivite, imiro ˈjiibie. Tá ˈdaa giri mu Waag kian ka ˈguoká mú hé Waag hí af maalle.

Yákob 1:1

Yú he Yákob, Waag ubaa Máá Guđo Yiesu Kirísto gédéchlé. Warˈgatééllá it é meet tomon a naama-, biiyano hí ma lilenyká gaa iđáállá yú hí ˈdu gáá verene. Náa!

Yákob 1:4

Aaléka, mé ki chirsankícho hí hújíchle beeset, giri itín hí gaa higirayyo-, hí tagle cheet-, hé hí gaa láká mánká.

Yákob 5:16

Aaléka, hé kíchia ˈdeđewká fayamle hol shía, tá hol Waag ki viivitíe, Waag hí bisicho. Máá Waag hát feˈdoká el gaa igiroká Waag visanle hé fargogínt ˈgayyo, hujich hai nanniyya.

Bétiro ki Naamaká 1:1

Yú he Símon Bétiro, Yiesu Kirísto máállé gedech-, ali gaa kaanyká. Warˈgatééllá it halúg hí iiy yeen tikiˈde-, ˈdúwa-, nyiin nyí ˈdaa Waag kúnnaa Rubachiet-, Yiesu Kirísto ˈduuwle ki argiyyééllá itín úba hí ki argiyyééllá yú hí ˈdú gáá verene.

Yúúa 1:24

Waagkúnno he Waag fargogínt ˈgayyo-, hí ˈdeˈdeenno-, hí ma riigiriny-, hí metlé gúch ˈgayyo-, geyyiny hí guđoká hát ˈdeensen mantiká hí ˈdú egeetoká.