Kolosááya 4:10 - Fayam Midhab Yiesu Kiristoká He Hol Af Iđiny Kaanaká

¹⁰ Máá chia nyí hol ˈbíl hiiginallá af iđa-, Aristákos, ubaa Márko giri Barnábas iny awléká hé hí naa ká yie. It Márko fayamlé kieye, mu har ká yimieka, mú mé guđáan yeedhíe, chieká, maalle.

Kolosááya 4:10 ပူးပေါင်းရင်းမြစ်များ

He Ekeny Gál Alb Fimiká 12:12

Aalé mu héél kimiteká mu đo María ˈbílle sedhe. (María he Yuána giri Márko léká ˈjiellé.) Bétiro hátlé lalayká gál burnayká ˈbíl Maria kinaal hol ˈdú sedhe, he gaa ije, Waag gaa vivite.

He Ekeny Gál Alb Fimiká 12:25

Aalé Barnábas ubaa Sáwul hújíchlé gaalí mé ki koyká beeteká gaal Yerúsalem gaa kie. Gaal Yuána giri Márko léká eedhdhe, Ántiok hol ˈdú nadhe.

He Ekeny Gál Alb Fimiká 13:13

Aalé Báulo ubaa gállé hol ˈgieká kadich hile, Báfos gaa kie, Bérga giri lés Bamfiliaká ki fame. Yuána giri Márko léká gáál ál kinaal ki hay, Yerúsalem hol ˈdú nadhe.

He Ekeny Gál Alb Fimiká 13:5

Aalé gaal he ˈjien Salamis ki fameká gaal ény gál Yuuˈdi ˈdiiyiminyká ˈdeeny Waaˈgiet gaa ˈdiiyime. Yuána giri Márko léká úba gáál hol eedhdhe, giri gáál rangʼitle yegetká.

He Ekeny Gál Alb Fimiká 19:29

ˈJien lulle ós kaadhdhe, gaal máá gaalí Gáyyos yegie-, ubaa máá gaalí Aristákos yegie-, Báulo hol Makeˈdónia gáá eedhdhe mare kas tikiˈdeká ki ˈgiiliˈgay, gáál ki ˈdoˈdodhe, gáál ˈjien náble ˈdú eedhdhe.

He Ekeny Gál Alb Fimiká 20:4

Gál mú hol eedhdheká he Sobátiros giri iny Burros-, giri ˈjaallé kinaal máá Beryaká, mú Aristákos tá Sekúónoˈdos giri gál Dhesalonikeká, Gáyyos giri máá ˈDerbeká, ubaa Tímote, héétí mú Túkiko tá Torofímos giri Asiaká.

He Ekeny Gál Alb Fimiká 27:2

Aalé kádích Ađaramúten gáá yimie-, lés Asia hol ˈdú nannaat-, malgam les kinaalloká ki ˈdeˈdeen mare nyí hille, đo nyí kiiyye. Aristákos giri máá lés Makeˈdonia-, éget hí Dhesalonikeká úba nyáá nyí hol ˈgayye.

He Ekeny Gál Alb Fimiká 4:36

Yúósef giri máá Levi, tá máá lés Kuburos, giri gál alb fimiká hí meeny Barnábas léká shieká léslé he lilayká úba bíre hidhdhe, bíre kinaal gál alb fimiká met ká sidhe. (Barnábas hélle kieye, Máá gáál gogofsuoká.)

Róóma 16:2

Aaléka, ˈdaa giri minnééllá úba he Máá kúnnaa Guđoká máálléká, hát ˈduwantiká mé guđáan yiedhíe, hé hí ki ˈgierˈgereká ˈdú chiichiˈdíe. Minnééllá yú ubaa gál burnayká hé tág nyí yiir gaa chirate.

Róóma 16:7

Andoroníkos ubaa Yóóniya giri nyaaram chia Yuuˈdi-, gaalí nyí hol ˈgar hiigidheká ye naa kí yiedhíe. Gálallá he gál ye met Kirísto iiy yie-, gál alb fimiká hí súm ógká.

Tímote ki Naamaká 4:11

Lúka tákáma nyí hol af iđa. Af giri ka chiimetoká Márko hol ka eedhdhíe, ˈdaa giri hújích yú nannúólláka mu ye rangʼiteká.

Fílemon 1:23

Aaléka, Ebáfaros ˈdaa Yiesu Kiristoka gaalí nyí hol ˈgar hiigidhééllá, hé ko naa ká yie.

Fílemon 1:24

Mú Márko, Arístakos, ˈDémas, tá Lúka nyí hol hújích Kiristo ˈgar nanniyyáállá hé úba ko naa ká yie.

Bétiro Erká 5:13

Gál Kiristo-, Waag hí itín hol ˈgar waarate-, Bábilon gaa ijóóllá hé hí naa ká yie. Iny chia Márko úba hé hí naa ká yie.