Kolosááya 3:8 - Fayam Midhab Yiesu Kiristoká He Hol Af Iđiny Kaanaká

⁸ Aaléka, yaalmisano hát káána ídho ˈgany ubaa idho hol gáá mony mánká ˈgany, điđám ˈgany, gálaat méé ˈdeeneny, ubaa af ka húrt mánt, lulle hol ka ridhdhíe.

Kolosááya 3:8 ပူးပေါင်းရင်းမြစ်များ

Matááyo 5:22

Tá yú íín hí geeye, máá nyárle ˈdú idhanoká hé ˈdéé ki iđiny hí met egeto. Máá nyárle chaaro-, kieye, Kó đeechal, yeetká, hé ˈdéé ki iđiny Waaˈgiet hí met egeto. Tá máá nyárle chaaro-, kieye, Kó ˈdúúw mánnal, yeetká hí ˈjiet biiyoká met gaa onnow.

Márko 7:22

hol buraa, gajálti, féén, nyimisan, kern mánti, il ˈgany, máádhat méé ˈdeeneny, hol meeny, tá hol mé rími.

Róóma 13:13

Kí hé midhab-, gaalí bííy kulichká gaa ekemeyoká eekemeyo, ha ke hé ˈdeđew-, hát káána herginy kern mantiká, bersh famíti, herginy gálle hol ma shúúnanká, hé gaa nyakarichká, hol gáá mony mánti, héétí hol oosó, ubaa hinááf ˈgany ha ke ˈgíiny.

Korínto Erká 3:3

ˈdaa giri itín hátle hí húgúm lesalloká ki iđaká. Hinááf ubaa hol ki fálaam hurtkícho gaa iđóóllá, hé kinaallá hát hí húgúm lesalloká ki iđa-, hí kas gálaat el gaa igiˈdaká ma ká yaalîny?

Korínto ki Naamaká 12:20

Hé geerle ye gaa ˈdeewká, he yú bííykícho ká yimieka, it kálmaréél hát yú hí ki fedoká ma ká iđiny, in aaléka hé yú hí geđuoká kálmareka hí ma fediny. Hé yú hí ma gaa fedinyká, he hol ki fálaam, hinááf, ídho, hol eiy gaa ˈgiiˈgisan, hol méé ˈdeeneny, heengʼeen, hol gál ˈdúwaká ká dhaany, tá hol shalal fiiny.

Galátia 5:15

Har hí hol ˈdéé verenne-, hí hol ˈdeđenseteka, hol ˈdeeˈdemíe, hát hí hol eiy fufumichoká onnóo.

Galátia 5:20

héétí hé Waag muuninyká visan, gil ka he ním ˈgany, nebíti, hol af ká điiny, hinááf ˈgany, idho hol gáá mony mánká, hol he ki fedíti, hol eiy gaa ˈgiiˈgidhiny, he onisiny hódhoká,

Galátia 5:26

Ha ke hol gál ˈdúwaká ka dhaˈgáminy, ke hol ídho yé gáá ˈdeđîny, ke gajált ˈgíiny.

Eféso 4:22

Yaalmit kisso-, hí ki iđeká, hát gon hí hađichaká it gaalí onisie. Kíssóótí balt kíchia gaa nyakaridheká hé hí nyimisate, hí bađisiche.

Eféso 4:25

Aaléka, ˈdaa giri múún ki gon tikiˈdeká lulkícho ˈdeem hódhoká hayyíe, hol hé ˈdúwaká geeđía.

Eféso 4:26

Har hí idhanneka, idhokícho haí ađááb mé ki kôny, hí ger ubaa met ka ˈgíiny, aadh hí dhúú ˈdú ˈjíiny,

Eféso 4:29

ˈDeem ˈdeđewká haí af ger yé gáá ˈdeˈdéminy, gál hí af nee kokuoká ˈdeeny hí ki midhab-, hí gogofsuoká geeđía.

Eféso 5:4

Héétí haí ˈdeem đeemoká hógon, ádúm kern mantiká ubaa ˈdéé hót kern manti-, gálle af ka húrt mánká haí ˈgíiny. Yaalmitééllá hé tagle muuniny, Waag gielmít hol ˈdú niiny tákáma ˈdúwa.

Kolosááya 3:5

Aaléka, húgúm lesalloká, hát káána herginy gálle hol ma shúúnanká, féén ˈgany, babát ˈgany, he fedit gaa nyakaridheká, tá gajálti, hol ka ridhdhíe. Máá gajált ˈguoká hé fedo kinaallá he waagle hođita.

Kolosááya 3:9

Haí hol hódho geđîny, ˈdaa giri húgúm kíchia kissoká, héllé ˈdeđew-, hí gaa seseenneká hí gíl sug ki hayche-,

Tímote Erká 1:13

Har káána úba kíssóótí yú mú chachare-, gál mú iiy yieká úba egeshey-, gáál maanyjasieka, mu hé ye geer guurá argisie. Mu ye geer guurá argisíéllá, he ˈdaa giri hééllá yú ekemeyká yú mú moonnoy-, mú iiy ma yéenká.

Tímote Erká 1:20

Gál hatallóóllá ˈbaal he mú Heméneyas ubaa Alekesánda giri yú Sátan ˈdú hay-, Sátan gáál he il ká argisicho-, gaal hé ˈdaa Waaˈgietka hódhóóllá haađuoká.

Héberew 12:1

Aaléka, gál burnay-, Waag iiy yeen ká ˈgie-, hát nyáˈdowka gáál ki madééllá ˈdaalle ˈdugaka, he lullé giri iđiny Waag hí gáál ki feˈdoká gáál gáá momoyóóllá ubaa hé kúnnaa ˈdeđew-, ke ekemeyo-, gáál ki ˈdaˈdananallá kí hayo. Kí mé ki chirsat, kí đuul kúnnaa ke gaa igiro-, ke ma béésenallá beeset.

Yákob 2:7

Gál meeny ˈdúwa-, máálle ˈdaalle hí ki ˈgiiyyáállá fiichiloká hé gaal íín muunîny?

Bétiro Erká 2:1

Aaléka, he lullé ˈdeđew-, hát káána điđám, nyiimisan, hódho, ubaa hinááf, tá kolkól hí gaa iđoká lulle hol ka ridhdhíe.

Bétiro ki Naamaká 2:18

Gaal ˈdeem churshamo-, ˈdúúw mánká he hogodho. Gaal gál ˈjobintéél hé gaa nyakarichká kar gáá ˈdaneká he laladhdha, balt gónlé gaa nyakaridheká he gáál af ki ˈgoˈgoˈdo.

Bétiro ki Naamaká 2:7

Waag erkob hátlé ˈjien kinaal ˈjiet ma gaa véérinyká, hé Lóot giri máá ˈdúwa-, gál ˈjien kinaalloká yaalmitlé gaa nyakaridhe-, nyátál mannayyeká hí geer gaa ˈdeeneycheká riiyye.

Yúúa 1:13

Hát tikiˈde húđúm basietká oshony lalaannallá in gálallá kern mantle úba ká eedhesia. Gálallá hát hidhino hol gaa seseen-, Waag hí ál súm gaa ongʼoˈdeká taak ki koyyeká.

Yúúa 1:8

Hát hatallóóllá, gál amatle el gaa igiroká amatlé kinaallá in hí hé seđééllá mé ki kokoyyo, in gaal gónle ˈdeđeneye, hemuumurít điđidhma, héétí gál ˈgasso-, urruká fiichila.

Kí Edhesiny 16:9

Aalé gálaat kúlkúl súm ˈdeew kinaal hí bodbodsie. Gaal Waag hééllá lulle fargogintle ˈgayyóóllá chaachare, hé héllé ˈdeđewká ma hâny, Waag bala ma ˈdú níiny, Waag ˈdúúw ma shíiny.