Kolosááya 3:4 - Fayam Midhab Yiesu Kiristoká He Hol Af Iđiny Kaanaká

⁴ Af giri rúbách kíchia Kirísto hol ká nannaat-, ˈduuwle ká eedheyyoká in itín úba hí luolmit kíchia biiyóóllá ˈduuwle higilla.

Kolosááya 3:4 ပူးပေါင်းရင်းမြစ်များ

Matááyo 13:43

Gál giri Waag gálléká ˈJaa kúnnaa Waag Guchle hai gaa yíéđima, hát aadhka hai ˈjiimiˈda. Máá nee ˈguoká hí hééllá maalo, Yíésu hí lalille yie.

Lúka 17:30

Kúlích Iny Máádhat hí gáá ˈjeen-, hí gálaat hol gaa aargisuoká úba hát bár Nowa ubaa Loot kinaallá hai cheedhe.

Yuána 11:25

Aalé Yíésu kieye, Uushim yiem gáá ˈdeeny ubaa luolmít he yú. Máá ye iiy yeetká har úba kufúminyka hai loolnodho.

Yuána 14:3

Yú sedhe-, hí ali tág kí koyka, hollo hol ká naadha, haí egedhdhe, giri itín úba ál yú ijoká hí yíéđiannoká.

Yuána 14:6

Yíésu mú geey, kieye, Yú ˈgierich, ˈduuw he yú, yú luolmíti. Hé máá níínní ye ma gáá naanka, Waag ˈdú seenká mán.

Yuána 17:24

Baabá, gál ye ka shiichééllá, ál yú gaa ijoká úba yíéđian-, guch chia ye ka shiichééllá úba aargiroká yú fede. Kuun les hátle biiy gaa mán, in ye giel, ye guchééllá ká shiiche.

Yuána 20:31

Máá warˈgatééllá ka veerééllá hé he veerééllá, he giri itín Yíésu hát he Messíya-, Iny Waaˈgietká hí iiy chegeto-, tá hí mú iiy chieka, hí luolmit biiyoká mú meenyle ki aargiˈdoká.

He Ekeny Gál Alb Fimiká 3:15

It Máá sidh léká chies, tá Waag íín hé mú uushich yé gáá ˈdeeyche. Nyíín nyáá nyí hééllá ˈduuwle argiyye.

Róóma 8:18

ˈDuuw bár ˈdaatika Waag hí gáál ka shigichóótíá hé manyjany ke lésallá gaa maanyjawallá ke hol ma ki ekemeny. Manyjanyééllá hát hé káta mánká yú ká dhaˈgama.

Róóma 8:19

He lullé Waag hí ka kuonnééllá bár ka chiimeto-, Waag umle ˈduuwasichoká ali kí ˈdeˈdeenká hé tág fedo, met egeso.

Korínto Erká 1:7

Aalé káána ˈdaab Máá kúnnaa Guđo Yiesu Kirísto hol ká naanle hí súm met egetóóllá, it hé shiicho Waaˈgiet tikiˈd úba ma gaa ˈdaabiny.

Korínto Erká 15:43

Gón gaalí ˈgoˈgodhóóllá he gón kuyye-, ˈdúúw mánká, tá gón Waag hí uushim yiem gáá ˈdeđichoká he gón fargogiyyo-, ˈdúúw ˈgayyoká.

Korínto ki Naamaká 4:17

He il ká argisiny kínyaa nigini-, káána nyí gaa iđáállá in ˈduuw guđo-, biiyo-, tawuny lulle af mé gíriká nyí yé ˈdú ˈdeđicha. ˈDuuw kinaallá hé il ká argisiny-, hé káta-, mánnallá hol ma nyuoriny.

Galátia 2:20

Aaléka, hát Kirísto ˈgór đarám yaalká ˈdú kufééllá in yíéđiny chia kis yú ki ijeká úba kuyye. Luolmit káána yú ˈgúóllá hé luolmitchú muuniny, he Kirísto luolmitlé ye gaa iđa. Luolmit yú ˈgúóllá iiy yeen chia-, yáálle Iny Waaˈgiet ye giel-, ye hol ˈdu gáá sillie-, yú iiy yieká ˈdaallé ki taalla.

Filíbi 3:21

Mu ííni gón kúnnaa les higillóóllá hol gaa laama, giri gónkúnno hát mú gónlé ˈdúúw ˈgayyoká chegetoká. Fargogint muí hééllá ki ekemeyoká he fargogint tikiˈde muí he met lulle gim kí fafaat-, muí he gaa mumuroká.

Dhesaloníke Erká 4:17

Đueka, múúni ke gál Kiristo-, ke hátle luogol-, ke les ˈdug ˈdú ijoká, tíkíˈdé kinaal ál nyáˈdow hí iđo-, gál uushim yiem gáá ˈdieká hí ijoká Waag haí gáál ˈdú egeete, Máá kúnnaa Guđóóllá úr hollo ke hol gaa aargira. Aaléka, Máá kúnnaa Guđóóllá taalle bííyyo afo ke hol ija.

Tímote Erká 6:14

giri hemuritééllá ˈdaab Máá kúnnaa Guđo Yiesu Kirísto hol ma ka náanká hát ˈdabaanká ki taallo-, gaalí ko ma ˈdú ˈdeđensenká.

Tímote ki Naamaká 1:1

Yú he Báulo, máá Waag hát hí ki feˈdeká hí máá ali gaa kaany-, Yiesu Kiristoká hoycheká. Yú Waag he af iđinylé gálaat ki ˈdiyime, giri gál Yiesu Kirísto iiy yegetká luolmit biiyoká aargiroká.

Tímote ki Naamaká 4:8

Aaléka, hé shiicho gál Waag hí gál ˈdúwaká chegetoká hí aargiroká hé úba ye úratíá kí egesso. Hé shiicho kinaallá Máá kúnnaa Guđo-, gálaat hát ˈduwantiká hol eiy gaa nannuoká Kúlích ˈDéé ki Iđiny ka chiimetóótíá ha muí ye gáá shigia. Hé shiicho hat kinaallóóllá hé muí ye tákámchú ma ká shiginy, ameeny gál mú fiiritle ˈguo-, mú hol ká naanle met egesóóllá úba ha muí shigia.

Títo 2:13

Taalle ki ali ijóóllá muun Yiesu Kirísto Waag kúnnaa guđo-, Máá kúnnaa Rubachietallá af giri he guchle kí yiimet-, ki aargiroká geyyiny kinaallá ki met egese.

Héberew 9:28

Hát tikiˈdééllá in Kirísto a tikiˈd hol suor ki hoy, giri gálaat ađaabano ubaa nyuogim gaa egewká. Mu hollo hol ká naadha, tá mú hol ka naanlééllá hé ađaabano ubaa nyuogim gálaat ˈdaalle ˈdugaka muuniny, he gál mú met egesoká muí luolmit biiyoká ˈdú gáá siidhoká.

Bétiro Erká 1:13

Aaléka, hol táa, kaskícho tág kodhdhíe. Af giri Yiesu Kirísto ká ˈjeenká mu ˈdúˈjím Waaˈgiet haí ˈdu gáá siidha. ˈDúˈjím hí met egetééllá, hát ˈdabaanká mé ka ˈgáa.

Bétiro Erká 5:4

Aalé gál gál Kiristo ˈdeˈdeenká Máállé hí mé ki yaalká hol ká nadheka, itín hé shiicho Waaˈgiet ˈdúúw ˈguo-, taalle bííyyo-, el met hí ma ˈgiˈginká haí aargiˈda.

Yuána Erká 2:28

Aaléka, umééllo, mú gaa yíéđía, giri mu hol ká nadhe-, ke mú il ki argeka, ke sierm mán-, mú metle kern hí gáál ma gaa ˈgiˈginká.

Yuána Erká 3:2

Sheel chia yú gielallo, muun káána ki um Waaˈgiet. Bár ka chiimetóótíá yaalmit kúnnaa ke kakaatká hátle hé ke muog. Tá Kirísto he hol ká nadheka, hát ke Kirísto yaalmitle kaatká hé ke óg, ˈdaa giri yaalmit muí yaal kinaallá ke il ki argoká.

Yuána Erká 5:12

Máá Iny Waaˈgiet hí gaa ijoká hé luolmitééllá hí gaa iđo. Tá máá Iny Waaˈgiet hí ma gaa iđinyká hé luolmitééllá úba hí ma gaa iđiny.

Yúúa 1:24

Waagkúnno he Waag fargogínt ˈgayyo-, hí ˈdeˈdeenno-, hí ma riigiriny-, hí metlé gúch ˈgayyo-, geyyiny hí guđoká hát ˈdeensen mantiká hí ˈdú egeetoká.

Kí Edhesiny 2:7

Máá nee ˈguoká hí hé Hím Naasan Waaˈgiet hí gál Kiristo geđichóóllá maalo. Máá hé lesalloká ká adhatká ˈgór luolmiti-, ođo Waaˈgiet gaa yaalká saanolle ha yú shigia, hai kokoo.

Kí Edhesiny 22:1

Aalé máá ˈgasso-, urru kinaal ye wár bíé luolmitiká hí gaa ijo-, dhát-, ˈjiimiˈdat-, kara guchi-, Waaˈgiet-, ubaa Elinyiká gáá fafaanká ye ká argisie.

Kí Edhesiny 22:14

Gál gielolle ˈjieká ebá Waag hí ˈdú ˈjiiy! Gál kinaallá ˈduuw gálle ˈjien Waaˈgiet karafanolle ki higilo-, ˈgór luolmitiká saanolle kokuoká Waag haí shigicha.