Kolosááya 3:3 - Fayam Midhab Yiesu Kiristoká He Hol Af Iđiny Kaanaká

³ Atimééllá he ˈdaa giri itín hí Kirísto hol ˈgar kuyye-, Kirísto luolmitkícho hol gaa iđite-, luolmit kíchiallá úratí Waag hol af ijoká.

Kolosááya 3:3 ပူးပေါင်းရင်းမြစ်များ

Matááyo 11:25

Bár kinaal Yíésu kieye, Baabá, Máá Guđo úr ubaa les lééllo! ˈDaa giri kuun hé gál ˈdaalelle-, hínyaská in ká kaayyeká đalbááya eiy naasanle shiicheká, gielmitlé yú ko hol ˈdú gáá nannaa.

Yuána 14:19

Aleđuđugul gálaat hí ye ma gaa aargirinyká hé ma faganany, tá itín geđi haí ye aargiˈda. ˈDaa giri yú ali ijoká itín úba taalle ali haí iđa.

Yuána 3:16

ˈDaa giri Waag gálaat lullé les gaa ijoká súm gielká in gáál Inylé ali ka takachká ká shiiche. Máá Íny iiy yeetká sídhle hé ma baađany, taalle luolmit biiyoká hai gaa yíéđima.

Yuána 4:14

tá máá bíé yú shuoká ˈjioká hé geđ báre hí ma chiesiny. Bíé yú mú shuoká hát haˈd fefeennokáka, mú hai gaa ija, mú luolmit biiyoká hai shigia, yie.

Yuána 5:21

Hát Íny ˈJaalle gál kufeká uushim yiem gáá ˈdeđuo-, gáál logolnoyóóllá, hát tikiˈde kinaallá in Iny gál he fedoká logolnoyo.

Yuána 5:24

Yú hí hé ˈdúwaká geeye, máá ˈdeenychú maalo-, Máá ye ali gáá kaayká iiy yeetká, hé luolmit biiyoká ˈguo, mú álle hé ˈdéé ki iđiny mán. Máá kinaallá kisso kúfach yé gaa ˈdie, luolmít hile.

Yuána 5:40

He veerít har úba ˈduuwchú hogotoka, it hí ye ˈdu gáá chiimeto-, hí luolmit biiyoká aargiˈdoká ma fediny.

Róóma 5:10

Har káána úba ke Waag hol ka kídh onnoyka, Waag kúfách Inylééllá hé muun ubaa Waag gáál hol hilsie. Aalé káána ke Waag hol ka kídh muuninyallá, hát gon ke rubach aargiroká hé ke óg. Waag Inylé luolallá in muun gáál luolmit biiyoká shigia.

Róóma 5:21

Gálaat lulle érléká ađaabano ubaa nyuogimmo he gim gaa ije. Tá káána, gál Máá kúnnaa Guđo Yiesu Kirísto iiy yegetká, in Waag hí gál ˈdúwaká chegedhe, Waag hí ˈdúˈjímle gim gaa iđimicha, gaal luolmit biiyoká aargira.

Róóma 6:11

Aalé hát hí ađaabano farguoginsamle gim yé gáá ˈdiiyye-, luolmit kíchia hí ˈdaa Yiesu Kiristo ka ˈgayyáállá, hí Waag ki ˈduuwaychoká mé ka ˈgáa.

Róóma 6:2

Hé kinaal Waag hí điito! Múúni ki ađaabano gim yé gáá ˈdíéllá, háteeye geđi ki ađaabano hátle gim gaa ija?

Róóma 8:2

Aalé itín ˈdaa Yiesu Kiristoka, fargogint Hím Naasan Waaˈgiet hí luolmít shigichóóllá hé fargogint ađaabano hí kúfach mé ki kokoyyoká hé hí gim yé gáá ˈdeeyche.

Korínto Erká 15:45

Warˈgat Waaˈgiet kieye, Áˈdám erkoballá hé máá sidh ˈguoká yie, he chie. Tá Yiesu Kirísto-, ke Áˈdám biiy el ˈdaˈdká yegetallá, he máá uriet-, Hím Naasanle gálaat luolmít shigichoká.

Korínto Erká 2:14

Tá máá Hím Naasan Waaˈgiet mánká, hé Hím Naasan Waaˈgietallá hélle ma aargiriny. Máá hat kinaalloká mu íínka Hím Naasan Waaˈgietallá hélle hé đeeymo, hé muí eiy ma nanasan. Máá Hím Naasan Waaˈgiet ˈguoká tákáma Hím Naasan Waaˈgiet hélle eiy nannata.

Korínto ki Naamaká 5:14

Nyiin hé nyí af tatuoká he gielmit Kiristo. Hééllá he ˈdaa giri ke óg-, mú tikiˈd tákámle gálaat lulle ˈdú kufeká. Aaléka, múúnííllá hé ke mú hol ˈgar kufe, ke húgúm kúnnaa kissoká ke yé gaa ˈdie.

Korínto ki Naamaká 5:7

Nyiin káána nyí ali iđóóllá nyáá hé nyí il ki aargiˈdoká nyí ma ki iđiny, nyiin hé nyí ma árginy-, kor nyí iiy chieká nyí ki iđa.

Galátia 2:20

Aaléka, hát Kirísto ˈgór đarám yaalká ˈdú kufééllá in yíéđiny chia kis yú ki ijeká úba kuyye. Luolmit káána yú ˈgúóllá hé luolmitchú muuniny, he Kirísto luolmitlé ye gaa iđa. Luolmit yú ˈgúóllá iiy yeen chia-, yáálle Iny Waaˈgiet ye giel-, ye hol ˈdu gáá sillie-, yú iiy yieká ˈdaallé ki taalla.

Eféso 3:9

Waag úba hé ye ˈdú ˈjiiyye, giri ˈdeenylé geer geđiká hát he ˈduuwawká yú gálaat eiy ki nannuoká. ˈDeeny kinaallá Waag ameeny he met lulle ka kuonneká hé hí geerle ká ˈgayye.

Filíbi 4:7

Tá naanna Waaˈgiet giri kas gálaat lulle af mé ˈdú gíriká ger kíchia ubaa kas kíchia itle ubaa Yiesu Kirísto hí hol ˈdú faannééllá in hai ki ˈdeenne.

Kolosááya 1:5

Iiy yeen ubaa gielmit hí ˈgayyáállá he ˈdaa giri Waag hát hí he lullé ˈdabaan-, hí úr ali kí iđicheká hí met gaa ógká. He met esiny kinaallá ˈdeenyle it kis Fayam ˈdúwa-, Midhab-, Kiristoká gaa maalle.

Kolosááya 2:20

Itín in hí húgúm lesalloká gíl sug ki hayche, hí Kirísto hol ˈgar kuyye háluke, tá háteka hátle hí gál nyatalaam lesalloká gim gaa ijoká ka iđáal?

Kolosááya 2:3

Máá Kirísto lééllá in ke kamur ˈdaalimoká ubaa kamur onyiká lulle ke gaa aargira.

Kolosááya 3:4

Af giri rúbách kíchia Kirísto hol ká nannaat-, ˈduuwle ká eedheyyoká in itín úba hí luolmit kíchia biiyóóllá ˈduuwle higilla.

Héberew 7:25

ˈDaa kinaallá in mu fargogínt ˈgaa, giri gál mú ˈdaalleka Waag ˈdú gáá yiimetká muí ririanká. Mu íín taalle bííyyo hé ali ijo, giri gál hí gáá nannaatká ˈdaalle ˈdugaka gáál Waag ki ruogononká.

Bétiro Erká 3:4

Verekícho hí vere hí hodhinaam ká ˈgayyaká onnoyyo, úba hí vere hugumiet ma ˈdeđenen-, abuniyyo-, sáaká onnoyyo. Vere hat kinaallóóllá innum Waaˈgietka hé ˈdúwa.

Bétiro Erká 4:2

Máá gon hí hatallá boloyyeká iđinylé lésallá ˈdú ijoká hé hát gálaat hí fedoká ma enniminy, mu hát Waag hí feˈdoká he yíéđima.

Yuána Erká 3:2

Sheel chia yú gielallo, muun káána ki um Waaˈgiet. Bár ka chiimetóótíá yaalmit kúnnaa ke kakaatká hátle hé ke muog. Tá Kirísto he hol ká nadheka, hát ke Kirísto yaalmitle kaatká hé ke óg, ˈdaa giri yaalmit muí yaal kinaallá ke il ki argoká.

Kí Edhesiny 2:17

Máá nee ˈguoká hí hé Hím Naasan Waaˈgiet hí gál Kiristo geđichóóllá maalo. Máá hé lesalloká ká adhatká mánna kaany gaa iđoká ˈbaal ha yú shigia. Wár édh-, yú meeny kaanaká ˈdug gaa veere-, meenyle máá éíy taaka hí ogká mán-, máá hí lé-, hí ˈguoká tákámle hí ógká úba ha yú shigia.