Kolosááya 3:22 - Fayam Midhab Yiesu Kiristoká He Hol Af Iđiny Kaanaká

²² Géde, gál hí léká hát lulle met gaa keekeemíe, haí gál gállé guguđoká af giri he alb ijoká tákámle hujich hát ˈdabaanká nannuo-, gáál ger gaa memeyoká onnôny. Hújích kíchia hí nanniyyaká hát ˈduwanti-, itle hí Waag kikiatoká ka naannáa.

Kolosááya 3:22 ပူးပေါင်းရင်းမြစ်များ

Matááyo 6:22

In he gon nyátáállé. Har inkú ˈdabíntaka, gónkú lulle édhumo he ˈgayya.

Matááyo 8:9

Yú yáá máá ye ˈdú kansichká ˈguo, yú íín yuoyó mé ki yaalla, he ki mumura. Máá yú sí yeetká, đo hai sedhe, máá yú káde yeetká đo hai ká yimie. Héétí máá chia gedechká yú geey-, Hééllá naʼ, yú yieka, mu đo he hai nie, muí Yíésu yie.

Lúka 6:46

Háteka hí ye veveenne-, Máá Guđo! Máá Guđo! hí ye chegete-, kor hé yú hí geđuoká hí el ma gaa igirinyal?

Lúka 7:8

Yú úba yáá gál ye ˈdú guguđo-, yú el gaa yaalká ˈguo. Yáá úba yuoy mé ki yaalká ˈguo. Máádhat yú geey-, Sí, yú yieka, mu đo met hai ye gaa sedhe. Máá éíy taaka yú geey-, Káde, yú yieka, mu đo hai ká yimie. Gédéchchú yú geey-, Hatallá ˈdé, yú yieka, mu đo hát kinaal hai ˈdie, gaalí Yíésu hatal yegetká.

He Ekeny Gál Alb Fimiká 2:46

Gaal aadh lulle ˈBíl Waaˈgiet nyáláárle geerle hol ˈdú gáá yiimie. Gaal lúl hol af yíéđie, ˈjienle hát gielmitiká hol ˈgar gaa golmote, ger hí gaa memeedhe.

Korínto ki Naamaká 7:1

Nyaaram chia yú gielallo, ˈdaa giri Waag muun gáál hééllá lulle af iđicheká, ameeny hé ˈdeđew-, gón gelle ubaa sídh gelle gaa ijo-, muun gáál ˈdeđeneyoká lulle kí hol gaa dhiiro, kí Waag kiikiat, kí gál Waag hát ˈdabaanká ennianká yeet.

Galátia 1:10

Yú hatallá yegetallá in gálaato ger gaa memeyee? Ebá Waago geer gaa memeye? Yú meeny gálaat hí ye memeyoká hol gaa ˈgéˈgédhe? Híʼi, yú hátle meeny gálaat hí ye memeyoká hol gaa ˈgéˈgenka, yáá onnônyka gédéch Kiristo ma yégen.

Kolosááya 3:20

Ummo, gál hí ˈdaleká hát lulle met gaa keekeemíe, ˈdaa giri hééllá Máá kúnnaa Guđoká geer gaa memeyoká.

Dhesaloníke Erká 2:4

Hé kinaallá afle in nyiin hát gál Waag hí galayche-, Waag hí Fayam Midhaballá af kí haycheká nyí ˈdéé ká hogoto. Af giri nyí Waag ˈdeenyle ˈdiyeennoká he gálaato nyí ger gaa memesicha muuniny, Waag ííni hé kúnnaa ger geđiká ógallá nyí geer gaa memesicha.

Fílemon 1:16

Máállá érléká he gédéchkú, kor káána mu hé máá gedech ˈdú ˈdúwaká yie, mu he nyár kúnnaa ki gielká. Yáá tág mú geelnedhe, tá kuun hát mú dhúrle súm geelneto-, mú nyár kua Kiristoká úba ka geelnetoká yáá óg.