Kolosááya 3:12 - Fayam Midhab Yiesu Kiristoká He Hol Af Iđiny Kaanaká

¹² Aaléka, it Waag hí waarate-, muí gálle hote-, muí súm gielallá, geer shâw ubaa geer guurá ˈgáa, hol ˈdúúw ría, sáa yeedhíe, he ˈdú faafadhíe.

Kolosááya 3:12 ပူးပေါင်းရင်းမြစ်များ

Matááyo 24:22

Tá Waag har rám ka chiimetóóllá iraam ma rinyka, máá níínní les ˈdug ˈdú ijoká mán. Tá Waag gállé waarateká ˈdaalle ˈdugaka, rám kinaallá Waag iraam haí rianna.

Matááyo 24:24

Biiy gál hođomlé-, hol Kirísto ká hođuo-, ubaa gál hođomlé-, gál Waag hí ˈdeem ka shigichoká hol ká hođuoká yiem haí gáá ˈdeeme. Gálallá hé farguogo-, gálaat il hí aargiˈdo-, gálaat hí af ˈdaˈdaboká hai ekemeye. Hé gaalí ekemeyóóllá har hé gaalí hát gaa ˈguoká onnônyka hé gál Waag hí waarateká úba bađisie.

Matááyo 24:31

Gál chia urru-, ˈgassoká faˈd súm ére léká hai ˈdarama, gáál biiy ˈdinnam afuraalle ali ha yú ˈdú fafaa, giri gál chia yú waaˈdeká gaalí hol ˈdu gáá shugunoká.

Márko 13:20

Tá Máá Guđo Waag har rám ka chiimetóóllá iraam ma rinyka, máá níínní les ˈdug ˈdú ijoká mán. Tá Waag gállé waarateká ˈdaalle ˈdugaka, rám kinaallá hé Waag hí iraam riiyye.

Márko 13:22

Gál hođomlé-, hol Kirísto ka hođuoká ubaa gál Waag hí ˈdeem ka shigichoká hol ka hođuoká biiy hai gáá ˈdeeme. Gaal hé farguogo-, kálta gálaat hí il ma ki árginy-, gálaat hí af ˈdaˈdaboká hai ekemeye. Hé gaalí ekemeyóóllá har hé gaalí hát gaa ˈguoká onnônyka hé gál Waag hí waarateká úba bađisie.

Márko 13:27

Mu gállé ˈgasso-, urruká ali hai ká fafaa, gaal mu gállé waaˈdeká biiy ˈdinnam afuraalle hollo hol ˈdu gáá shuguna, ˈjíig biiy lulle a metlé ki taalká đig.

Lúka 1:78

Rúbách kinaallá Waagkúnno geer kurshamlé yé gáá ˈdeeme, édhum hai gáál shigia, hát giri aadh bur yé ká ˈdeˈdeenno-, gálaat gáá verenoká.

Lúka 18:7

Waag íín hé gállé waarate-, hí chúúre ubaa kúlíchle ki bebeenká hé ˈdéé hát ˈdabaanká ma ki iđiminy? Mu hé gáál geer hí ma ˈdú guguan?

Róóma 1:7

Warˈgatééllá it Waag hí giel-, Waag hí ká viiyye-, hí gálle hosote-, hí Róóma gaa iđoká yú hí ˈdu gáá veere. ˈJaa kúnnaa Waag ubaa Máá kúnnaa Guđo Yiesu Kirísto hí ˈdú ˈjeeˈjeen, hí naanná shiiguo.

Róóma 13:14

Héél afleka, kí Máá Guđo Yiesu Kirísto húgúmle ˈguo, ha ke balt gaa nyakaridhe-, gonnietká tawunyle ˈgíiny.

Róóma 9:11

Umééllá hátlé ma ka ˈdaláan-, hé midhabká ubaa hé ˈdeđewká ma ekênyká, gáál ˈjiellé Rebéka Waag hí geeyche, kieye, Um kuallá máá guđoká máá ninniká gédéchle hai yeedhe, chie. Hééllá hé kieye, máádhat héllé ekeyká ˈdaalle in Waag hí kí veveenne muuniny, Waag hátlé he feˈdoká in máádhat kí veveenne.

Korínto Erká 13:4

Gielmít he geer gaa gúchi, gielmít hé geer ka guurá ˈgayyo, hé hinááf mán. Gielmít hé hol meeny mán, hé ma muurshany.

Korínto ki Naamaká 6:6

Hé Waag hí ma fedinyká nyí hol gáá momoycho, nyí ˈdaalím ubaa ger gaa gúch, tá ger guurá ki seseenne. Hím Naasan Waaˈgiet nyí gaa iđóóllá nyí af tatiyya, nyí gielmit ˈdúwaká gálaat ká ˈgayya.

Galátia 5:6

ˈDaa Yiesu Kiristoka, ke hermita yíekaʼ, ke má hermisan yíekaʼ hé kinaallá hé kátaká mán. Hé súm ˈdúwaká he iiy yeen ke Kirísto ka ˈguoká ubaa gielmit iiy yeen kinaallá yé gáá ˈdeˈdeen-, ke gálaat ki gielká.

Eféso 1:4

Waag hátlé les ma ka kúóninyká in muun gáál waarate, gáál Kirísto ˈdú fiiyye, giri Waag innumleka, ke saas mán-, Waag gáál ma ˈdeđensenká.

Eféso 4:2

He met lulle hol ˈdúúw gaa ría, sáa yiedhíe, hol táa, he ˈdú faafadhdhíe, hát gielmitiká hol ˈdú ˈjeeˈjemíe.

Eféso 4:24

Waag hí gál kaanaká hoychééllá, hí húgúmle kaataká he feˈde. Aalé mú húgúmlé ˈdúwa-, saas mánnallá gaa yíéđía.

Eféso 4:32

Midhánt ubaa geer guurá hol ka ˈgáa, hát Waag ˈdaa Kiristoka, hí ˈdú ˈjiiyyééllá hol ˈdú ˈjeeˈjemíe.

Filíbi 1:8

Waag hé ye ˈdúúw ˈdú ˈdiiyye, yáá tág lulkícho hí gielmit Yiesu Kiristo ki fiirie.

Kolosááya 3:10

hí húgúm kaanaká kaateká. Húgúm kíchia kaana Waag hí ka kuonnééllá, Waag kas midhab kasle hol ki égká hí ká shigicha.

Dhesaloníke Erká 5:15

Máádhat hai hé ˈdeewká héllé ˈdeewká akaˈd madîny, tá aadh lulle hé midhabká hol ki eekemeyyíe, gálaat lulle hé midhabká úba ki eekemeyyíe.

Tímote ki Naamaká 1:9

Waagééllá in muun gáál rubach shiiche, gáál yíéđiny hí geer gaa memesichoká kí viiyye. Hééllá Waag hí muun gáál ki ekeychééllá he hé kieye, muun hé mákárta-, midhabká ki ekey, muuniny. Waag hátlé les ma ka kúóninyká hé hééllá mé ka ˈgayye, giri ˈdúˈjímle ˈdaa Yiesu Kiristoka muun gáál ka shigichoká.

Tímote ki Naamaká 2:10

Aalé gál Waag hí waarateká ˈdaalle ˈdugaka, yú he met lullé mé ki chiirta, giri gaal íín úba rúbách Yiesu Kirísto hí gáál shiguo-, ˈduuwle bííyyóóllá aargiroká.

Títo 1:1

Yú he Báulo, gédéch Waaˈgiet. Yú Waago ye máá ali gaa kaany-, Yiesu Kiristoká hoyche, giri gál Waag hí waarateká ki ˈdiyeen-, gaal Kirísto iiy yeget-, ˈdeeny ˈdúwa Waaˈgietallá lulle gaalí hát ˈdabaanká chiirat-, gaal hát Waag hí feˈdoká yíéđianká.

Bétiro Erká 1:2

ˈJaa kúnnaa Waag kíssóótí hé hí kasle ká ˈgie, in hí waaˈde. Mu hí Hím Naasanle taak ki kodhdhe, giri itín hí Yiesu Kirísto met gaa kekeenno-, hí fás Kiristo gim nannaatoká. Waag hí taalle ˈdú ˈjeeˈjeen, hí naanna guđoká shiigicho.

Bétiro ki Naamaká 1:10

Aaléka, nyaaramchú, laađamíe, hát ˈdabaanká yíéđía, hát itín Waag hí ká viiyye-, hí waarate-, hí gálle hosoteká kiimitíe, gálaat hí argo. Yaalmisano hatallóóllá hí ˈgayyoka, it ma riiteen, les ma ˈdaraminy.

Yuána Erká 4:19

ˈDaa giri mu íín er gáál gielká in múún úba ke gielmít ˈgaa.

Yuána ki Naamaká 1:13

Aaléka, nyaar kua Waag hí ka viiyyééllá umle hé ko naa ká yie.

Kí Edhesiny 17:14

Gaal Élíny hai ˈdú ruuma, kor Eliny ˈdaa giri he Kánsích kansím lulle mé ki yaalká gáál hai ká aađadhdha. Tá gál Élíny hol ˈguoká he gál Waag hí viiyye-, Waag hí gálle hosote-, Waag af ˈduwasieká, muí ye yie.