Kolosááya 3:11 - Fayam Midhab Yiesu Kiristoká He Hol Af Iđiny Kaanaká

¹¹ Aalé káána it ál níínní hol ki fooˈdo-, hí kieye, Máállá máá Hellen, máállá máá Yuuˈdi, máállá hé hermite, máállá hé ma hermísan, máállá máá kídh éíy, máállá máákúnno muuniny, máállá he gedech, máállá he máá ˈdúwaká hí hol ki chegetoká mán. Kirísto ííni gúúđo, gál hí iiy yieká lulle gaa ija.

Kolosááya 3:11 ပူးပေါင်းရင်းမြစ်များ

Yuána 14:23

Yíésu mú ˈdéé hol ˈdú nie, kieye, Máádhát ye geelnedheka, he onisinychú el hai gaa verene. ˈJaachú mú hai geelnedhe, mú ha nyí ˈdu gáá chiimedhe, afo nyí hol yíéđianna.

Yuána 15:5

Yú he ˈgór, itín hí kolmo. Máá ye gaa yíéđuo-, yú gaa yíéđuoká, súmmo higissa. Itín hí ye gaa líítaka, it hé níínní hí uˈdaká mán.

Yuána 17:23

Hát yú gáál gaa ijo-, kuun ye gaa iđóóllá, gaal hí hát ˈdabaanká tikiˈd yeet, giri les gálle hát kúún ye ali gáá kaayye-, gielmit kuun hí ye gielká, úba kuun hí gáál gielká kiimisatká.

He Ekeny Gál Alb Fimiká 15:17

giri gáláát ka ˈgiteká ubaa kidh lullé meenychú ˈguoká yáá Máá Guđóóllá hí ye ˈdu gáá kirmisatká. Hééllá hé Máá Guđo giri héél hélle kísóótí gáál ka mamalsieká hí yieká, chieká, Yákob hí yie.

He Ekeny Gál Alb Fimiká 28:2

Koro kinaal gálle nyí ˈbule. Gaal ˈdaa giri les ir hí gaa tutune-, ali ˈdéeny ˈgayyeká, gaal ˈjiet iđie, nyí ká vie, nyí ˈjiet ˈbuusate.

He Ekeny Gál Alb Fimiká 28:4

Gál giri koro kinaalloká mú reew hí gíl gáá rereenne-, argeká hol af ki helie, kieye, Máállá gon máádhato he yies. Har úba bás kúfáchle kar gáá ˈdoyka, nyúógích kinaallá ađaable hé hí chiesalâm! gaalí yie.

Róóma 1:14

Hújích chiallá gál ushúmbaká ubaa gál ushúm muuninyká, tá gál ˈdaalim warˈgasano ˈguoká ubaa gál ˈdaalim warˈgasano mánká ˈdaallé he ki yaalla.

Róóma 10:12

Hééllá ˈdaa gál Yuuˈdi-, ubaa gál gál Yuuˈdi muuniny-, Yiesu Kirísto iiy yieká ˈdaallé he ki yaalla. Gáál Máállé Guđoká íín tikiˈde. Ameeny gál mú veveenká ha muí ˈdú ˈjeeme.

Róóma 3:22

Kar ˈdaa Yiesu Kiristo he ki taalla. Gálaat lulle Yiesu Kirísto iiy yeget-, har káána úba gál kídh mákártaká kátaka, Waag saas haí gaa egeyye, innum Waaˈgietka gaal gál ˈdúwaká hai yegedhe.

Róóma 3:29

Waag íín he Waag gál Yuuˈdi tákáma? Hé úba gál gál Yuuˈdi muuninyká Waagle muuniny? Iiy-hí, Waag úba he Waag gál gál Yuuˈdi muuninyká.

Korínto Erká 12:13

Múúni ke gál Yuuˈdi yíekaʼ, ke gál gál Yuuˈdi muuninyká yíekaʼ, héétí ke gál gédeká yíekaʼ, ke gál géde muuninyká yíekaʼ, lul kúnnaallá ke Hím Naasan Waaˈgiet tikiˈdééllá gim nadhe, ke gál gon tikiˈdeká yie, Waag Hím Naasanlé tikiˈdééllá hé muun gáál gaa iđiche.

Korínto Erká 14:11

Tá har af máádhat hí hogodhoká yú móíytaka, af kinaalka yú mu íínka, hát máá kídh éíyyo muí ye ká dhaˈgama, mu íín úba yúka, hát máá kídh éíyyo yú ká dhaˈgama.

Korínto Erká 7:19

Máádhat hermíte yíekaʼ, má hermisan yíekaʼ, hééllá lulle hé kátaká mán. Hé muun gáál ki ˈdúwa-, ke ekemeyoká, he giri muun ke hemuumurit Waaˈgiet el gaa igiroká.

Galátia 2:20

Aaléka, hát Kirísto ˈgór đarám yaalká ˈdú kufééllá in yíéđiny chia kis yú ki ijeká úba kuyye. Luolmit káána yú ˈgúóllá hé luolmitchú muuniny, he Kirísto luolmitlé ye gaa iđa. Luolmit yú ˈgúóllá iiy yeen chia-, yáálle Iny Waaˈgiet ye giel-, ye hol ˈdu gáá sillie-, yú iiy yieká ˈdaallé ki taalla.

Galátia 5:6

ˈDaa Yiesu Kiristoka, ke hermita yíekaʼ, ke má hermisan yíekaʼ hé kinaallá hé kátaká mán. Hé súm ˈdúwaká he iiy yeen ke Kirísto ka ˈguoká ubaa gielmit iiy yeen kinaallá yé gáá ˈdeˈdeen-, ke gálaat ki gielká.

Eféso 1:23

Gál Kiristo he Kirísto gónlé. Kirísto he lullé biiy lulle gaa ijoká hí ki ijóóllá hé fargogintle gálle koch ki hoy.

Eféso 2:14

Yiesu Kirísto íín he máá kúnnaa shimitiká. Mu hé gál Yuuˈdi ubaa it gál Yuuˈdi muuninyallá hí hol fie, hí tikiˈd hoy. Gál met hí naamáállá nebitlé hol nebeneey-, hát đírka, gáál toom gaa tielká hé Yíésu hí eiy fufue.

Eféso 2:15

Mu hé hemuumurít ubaa nyatalaam gál Yuuˈdi-, gáál hol nebesicheká kúfáchle úba ali ki koy. Mu hééllá ekeyallá, he giri gál met hí naama-, hol ka kídh onnoyká mú ˈdaalleka, hol ˈdú fafaan-, gaal tikiˈd yegetká. Mu hatallá in gáál hol shimít ki mure.

Eféso 3:17

Yáá úba hí Waag kí rogonon, giri Kirísto ˈdaa iiy yeenkíchoka, gerkícho gaa yíéđianká. Héétí gielmit hí Waag ubaa gálaat ka ˈgayyaká hí hidh ki aruanna-,

Eféso 3:6

Hé geer geđi-, Waaˈgietallá hééllá: ˈDaa Fayam Midhab Kiristóólláka, gál gál Yuuˈdi muuninyká hát gál Yuuˈdi hí aˈjibaat Waaˈgiet aargiróóllá íín úba hai aargira. Gálallá met hullaalle he gon tikiˈde, ˈdaa Kiristoka, he af iđiny Waaˈgiet úba ˈgarro hol aargira.

Eféso 6:8

ˈdaa giri gedech yíekaʼ, máá aađaká yíekaʼ, héllé midhab-, ekemeyoká Máá kúnnaa Guđoká hí he gaa shiguoká, hí ógká.

Kolosááya 2:10

Aalé ˈdaa giri itín hí Kirísto hol ˈdú faanneká, Kirísto hé hí gaa ijo, it he lullé luolmit kíchia kaana-, hí argiyyééllá ˈduwasichoká argiyye. Kiristóóllá in kansimano lulle mé.

Yuána Erká 5:20

Iny Waaˈgiet hát ka yimie-, ˈdaalim ke Waag ˈdúwaká ke ki kiimisatká gáál ka shieká hé ke óg. Múún Máá ˈdúwa-, Waag Inylé-, Yiesu Kirísto lééllá ke gaa ija. Mu íínííllá he Waag ˈdúwaká ubaa luolmit biiyoká.

Yuána ki Naamaká 1:9

Ameeny máá he onisiny Kiristóóllá ma ki yaaliny-, he onisiny hol gaa lalaanká hé Waag hí ma gaa iđiny. Tá máá he onisiny Kiristóóllá ki yaalká hé ˈJaa kúnnaa Waag ubaa Inyle hí gaa ijo.