Kolosááya 3:1 - Fayam Midhab Yiesu Kiristoká He Hol Af Iđiny Kaanaká

¹ Aalé ˈdaa giri itín Waag hí Kirísto hol ˈgar uushich yé ká ˈdeeycheká, hé urati-, urle Kirísto hí Waag gíl ˈdaa naaniet ijoká eebitíe.

Kolosááya 3:1 ပူးပေါင်းရင်းမြစ်များ

Matááyo 22:44

ˈDáwuˈd ˈdaa Messiyaka kieye, Máá Guđo Waag hé Máá chia Guđoká geey, mu kieye, ˈDaab gál ko ka kídhká yú ko ˈgas gim ma fíinyká, ye gíl ˈdaa naanietallá yíéđig, he mú yie, ˈDáwuˈd hí yie.

Matááyo 26:64

Yíésu mú geey, kieye, He hát hotééllá. Tá yú hí geeye, itín bár ˈdaatika, yáá Iny Máádhátallá Waag fargogínt lulle ˈgayyoká gíllé ˈdaa naanietká ijo-, nyáˈdow kí yiimetká haí ye aargiˈda, Yíésu hí gáál yie.

Matááyo 6:20

Aaléka, kamur guur ubaa kos hí ma ˈdeđeneny-, állé gál buraa léká hí ma ˈgieˈginy-, hí ma gaa buruminyká úr ki hoyyíe.

Matááyo 6:33

Aaléka, erkob Guch Waaˈgiet ubaa hé Waag hí itín gaa feˈdoká hol gaa ˈgeˈgedhée, hé hí feˈdééllá lulle ha muí shigia.

Márko 12:36

ˈDáwuˈd af giri Hím Naasan Waaˈgiet hí ˈdéé ka shigicheká tuuˈdle kieye, Máá Guđo Waag hé Máá chia Guđoká geey, mu kieye, ˈDaab gál ko ka kídhká yú ko ˈgas gim ma fíinyká, ye gíl ˈdaa naanietallá yíéđig, he mú yie, ˈDáwuˈd hí yie.

Márko 14:62

Aalé Yíésu kieye, He yú. Itín Iny Máádhátallá Waag fargogínt lulle ˈgayyoká gíl ˈdaa naaniet yíéđian-, tá nyáˈdow urruká kí yiimetká haí aargiˈda, yie.

Márko 16:19

Aalé Máá Guđo Yíésu gáál ˈdeenyéél geeyká đo Waag hí eete, úr mé nie, Waag gíl ˈdaallé naanietká yíéđie.

Lúka 12:33

Hé kíchia hí ˈgayyaká birm hidhdhíe, birm gál he maamanká eiy gisáa. Shomodhaam kamur Waaˈgiet ma ˈgiˈginká dhaadhíe. Kamurkícho hí kamur biiyo urati-, ma bebeenyká cheet. Úratíá hé máá buraa léká ál hí ˈdú naatká mán. Kamur Waaˈgiet urati kinaallá hé guur níínní hí ˈdeđeneychoká mán.

Lúka 20:42

ˈDáwuˈd ííni Warˈgat Arram ˈdeenyéél gaa hodhe, mu kieye, Máá Guđo Waag Máá chia Guđoká geey, mu kieye,

Lúka 22:69

Biiy toom gáá ˈjóballá Iny Máádhat Waag fargogínt lulle ˈgayyoká gíl ˈdaallé naanietká hai yíéđima, Yíésu hí gáál yie.

He Ekeny Gál Alb Fimiká 2:34

Tá ˈDáwuˈd bár giri ˈdeenyééllá hodheká hé úr ma síen, kor kieye, Máá Guđo Waag Máá chia Guđoká geey, kieye, Gíl ˈdaa chia naanietká yíéđig,

He Ekeny Gál Alb Fimiká 7:55

Estéfan Hím Naasan Waaˈgiet hí koch chie kinaal úr gaa dhaay, édhúm Waag gáá edhdheyká ubaa Yíésu Waag gíllé ˈdaa naanietká yielká muí arge.

Róóma 8:34

Máá muun gáál innum Waaˈgiet gaa ˈdeđensetká he mááya? Hé mán. Muun Yiesu Kirísto tikiˈde-, gáál ˈdú kufe-, Waag hí geđi loolnoyche-, hí uushich yé gáá ˈdeeyche-, káána Waag gíl ˈdaa naaniet ijóóllá, in múún gáál ˈdéé ˈdú hogodho.

Róóma 8:6

Kas máádhat har balt gonniet hí he ki mumuˈdoka, af kinaalka kúfacho he yé ˈdú ˈdeˈdeme. Tá har Hím Naasan Waaˈgiet hí he ki mumuˈdoka, af kinaalka luolmít ubaa naanna Waaˈgieto he yé ˈdú ˈdeˈdeme.

Korínto ki Naamaká 4:18

Aaléka, nyiin nyáá nyí hé ke argoká ma dhaˈgaminy, hé ke ma arginyká nyí dhaˈgasanna. Hééllá he ˈdaa giri he lullé ke argóóllá el met hí ˈgiidho-, hé ke ma arginyatíá íín hé biiyo-, yegetká.

Eféso 4:10

Mu ííni ká leedhe-, lésallá mé ka níéllá he Máá tikiˈde úr af mé ˈdaatí mé nie-, biiy lulle gaa ijoká.

Eféso 5:22

ˈDége, hát tikiˈde hí Máá kúnnaa Guđoká met gaa kekeennóóllá, beelemkícho úba met gaa keekemíe.

Kolosááya 2:20

Itín in hí húgúm lesalloká gíl sug ki hayche, hí Kirísto hol ˈgar kuyye háluke, tá háteka hátle hí gál nyatalaam lesalloká gim gaa ijoká ka iđáal?

Kolosááya 3:2

Kaskícho hé uratiká gaa iđía, haí hé lesalloká gaa iđîny.

Héberew 1:13

Aalé máá ˈgasso-, uriet máre kálta Waag hí geeyche, kieye, Yú ˈdaab kídhkú kara kuun hí gas ˈdú kokoyyoká ma hônyká, ye gíl ˈdaa chia naanietká yíéđig, Waag hí chie?

Héberew 1:3

Iny íínííllá édhúm Waaˈgiet ká eedhesia, ííni gáál Waag yaalmitle dhúrle ká aargisia, ííni ˈdeenylé fargogínt ˈguoká he met lulle kí chiiˈda. Aalé mu gáál nyuogim ubaa ađaabano gaa dhiireká, mu hé úratí Waag kansím lulle ˈgayyóóllá gíl ˈdaa naaniet yíéđie.

Héberew 10:12

Tá Máá kúnnaa méte suoryóóllá a tikiˈde hol suor kí hoy, giri gálaat ađaabanolle ubaa nyuogimle lulle gaa egewká. Mu hé Waag gíl ˈdaa naaniet yíéđie.

Héberew 12:2

Máá iiy yeenkúnno mé gáá kodhdhe-, iiy yeenkúnno ˈduuwasuo-, Yíésu lééllá kí taalle in gaa kuokuo. Geer gaa meen ka chiimet-, muí onnoy kinaallá ˈdaalle ˈdugaka in mu ˈgór đarám yaalká kúfáchle gaa nadhe, manyjany il hí argiyyeká ubaa eesheny gaalí egesheyká ma đíin. Mú kúfáchlé kinaallá el ˈdaal in mu kara guchi-, Waaˈgietká ˈdaa naaniet yíéđie.

Héberew 8:1

Hé nyí huogotééllá ˈdeenyle hééllá: Múún hé ke Máá méte suoryo-, Waag ˈdúwaká karallé guchi-, uratiká ˈdaa naaniet yíéđieká ˈguo.

Bétiro Erká 3:22

Aalé Kirísto tikiˈde kinaallá in úr mé nie, káána Waag gíl ˈdaa naaniet ija, gál urru-, ˈgasso-, Waaˈgietká ubaa kansimano lullé met hí hol ká eiyyeká hí hemuumuritle gim gaa ija.