Kolosááya 2:8 - Fayam Midhab Yiesu Kiristoká He Hol Af Iđiny Kaanaká

⁸ Hol ˈdeeˈdemíe, máádhat haí ˈdeem gáál nee gaa méʼ, kor he mán-, húgúm lesalloká ubaa tawuny gálaat yé gáá ˈdeˈdeen-, ˈdaa Kiristo ma ki taalinyká hí ki úúniny.

Kolosááya 2:8 ပူးပေါင်းရင်းမြစ်များ

Matááyo 10:17

Tá gálaat hol ˈdeeˈdemíe, gaal ar haí ˈdú egee, gaal énylé ˈdiiyiminyká haí gaa tuuna.

Matááyo 16:6

Yíésu gáál geey, kieye, Tág ˈdée! Gál Farisaay ubaa gál Saˈdukaay maatle hol raaradhíe, yie.

Matááyo 7:15

Gál hol gál Waag hí ˈdeem ka shigichoká ka hođuo-, hođomlééllá hol ˈdeeˈdemíe. Gál kinaallá ke dhaayka, wála ke yeedhe, kor íín he đányár ˈdeewká.

He Ekeny Gál Alb Fimiká 17:18

Mu ál gabaaya kinaal gál gaalí Ebekúre yeget-, ubaa gál éíy taaka gaalí Sitóyik yeget-, lullé kas hí he ká shugunat mare hol ˈdéé ˈdú naannie. Gál kinaal ˈbáál hí kieye, Máá éésh mánnal in meete ká hogodho? yie. Aalé gáál ˈdáá tikiˈd kieye, Máállá in taalle waagam éíy taaka kidhdhoká gáál má ki ˈdiyéen? yie. Gaal hatal yíéllá he ˈdaa giri mu gáál fayam Yiesu ubaa gálaat uushim yé gáá ˈdímle ˈdeenyle ki ˈdiiyimeká.

He Ekeny Gál Alb Fimiká 17:32

Aalé gál giri mú af nee kokoyká ˈbaal ˈdeeny uushich yé gaa ˈdímííl maaleká ˈdéé eeshey, ˈbaal hí kieye, Nyíín ˈdeenyééllá aadh éíy taaka ha nyí ko gaa maalla, gaalí mú yie.

Róóma 16:17

Nyaaramchú, gillo yú hí ki efe, gál gálaat hol eiy gaa ˈgiˈgidhuo-, hé ˈdaa Kiristoka gaalí oonisieká el ˈgiˈgisat-, hí ˈdaa eiy ki riitisuoká hol ˈdeeˈdeemíe, gaa fagandhíe.

Korínto Erká 10:12

Aaléka, máá tawunyleka kieye, Yú tágo yaalla, yegetká, hí hol ˈdeeˈdeen, hai iiy yeenle hâny.

Korínto Erká 8:9

Aaléka, hol ˈdeeˈdemíe, mé furit kíchia itle hí he met lulle kokonyoká uˈdáállá hai gál kas hí ma hirânyallá ađaabano hilít mé ki kôny.

Korínto ki Naamaká 10:5

Héétí he lullé hol yé ká ˈdeđuo-, gálaat Waag kimisan ká ririatká nyí kí aađaat-, nyí kás lulle kí ˈgiiliˈgayya-, kas kinaal nyí hol gaa lalaanna-, kas Kirísto enniannoká chegedhoká.

Galátia 1:14

Bár kinaallá ˈdaa nyatalaam kínyaa Yuuˈdikáka yáá modo chia Yuuˈdiká gúch af yíé ˈdie, nyatalaam eshim eshimchú tág ki yiel.

Galátia 4:3

Múún úba hát tikiˈdééllá ke ije, af giri ke Kirísto moonnoyká muun hát ke um nigini-, nyatalaam lesalloká hí gedelle hoteká.

Galátia 4:9

Aalé káána it Waag óg. Hé kinaallá a mé ˈdaatí Waag hé hí óg. Tá háteka geđi nyatalaam ˈdúúw mán-, hí ađaabanokícho ma gaa egenyallá hí bala ˈdú niiyyéel? Nyatalaaméél geđi hí gedelle chegetoká hí féˈde?

Galátia 5:15

Har hí hol ˈdéé verenne-, hí hol ˈdeđenseteka, hol ˈdeeˈdemíe, hát hí hol eiy fufumichoká onnóo.

Eféso 2:2

Af giri hí hé ˈdeđew-, lesalloká gaa seseenneká, it af đuˈdusiny ubaa ađaabano kinaallá gaa iđe. It úba aryáán máállé guđo-, aryáán bííyle kansimle ˈguoká ˈdeenyle el gaa veeˈde. Máá kinaallá ííni gál Waag af đuˈdusanká he gaa mumura.

Eféso 4:20

Kor itín af giri hí Kirísto iiy chieká it máá hí yaalmit hatallóóllá onisie-, gaa yíéđía, yieká mán.

Eféso 5:6

ˈDaa giri Waag gál hí af đuˈduse-, hé ˈdeđew kinaal gaa seseenká ˈdú idhanne-, gáál he il ká aargisichoká, máádhat haí ˈdeem nyag maamanká ki nyiimísan.

Filíbi 3:2

Chier ađaabano ˈguo-, gón gaalí mumuroká hí ˈdú momoyóóllá hol ˈdeeˈdemíe.

Kolosááya 2:18

Gál hol gál ˈdúúw ririanká hol hođuo-, gál ˈgasso-, urruká vivisat-, hé amádh gaa argoká memeyo-, ˈdeemle mé ˈdeerneyóóllá, hol ˈdeeˈdemíe. Mé furit hí ˈdaa Kiristo ki argiyyééllá ha gál hatallóóllá hí ka rían. Gál hatallóóllá hé hí kasle yé gáá ˈdeˈdeenká, hállééllá in he hol bal ki ˈdarama.

Kolosááya 2:20

Itín in hí húgúm lesalloká gíl sug ki hayche, hí Kirísto hol ˈgar kuyye háluke, tá háteka hátle hí gál nyatalaam lesalloká gim gaa ijoká ka iđáal?

Kolosááya 2:22

Hééllá hé ke igian-, ubaa ke kokuo-, bebewká ˈdaallé he ki ˈgee. Nyatalaamééllá kas gálaat ubaa he onisiny gálaato he yé gáá ˈdeˈdeme.

Kolosááya 2:23

Nyatalaamééllá ki dhaayka, hé ˈdaalimo ke yeedhe. Tá onnóo, nyatalaamééllá hé fargogint níínní he ˈguo-, gon baltlé gaa nyakaridheká hí hol gáá momoychoká mán. Nyatalaamééllá gálle he gál yaalmit gálaat hí Waag ki vivisatká kasle yé gáá ˈdeđuo-, gál hol ˈdúúw ririanká ká ˈgie-, gónle ílsh gaa iđimuoká.

Tímote Erká 6:20

Tímote, hújích Waag hí ko af kí haychééllá in ki ˈdé. Awaach ˈdúúw mán-, gál hé Waaˈgiet egesheyoká hí ˈdaraanká ubaa he onisiny gaalí ˈdaalím yeget-, kor ˈdaalím muuniny-, he onisiny Waaˈgiet hol ma ˈdú fafaminyallá hol gáá fagánash.

Tímote ki Naamaká 3:13

Héétí gál húgúmle ˈdeđewká ubaa gál hođomlé-, hol gál Waaˈgiet hođuoká biiy súm hai gaa ˈdeđendhe, gálaat hai baađisia, tá íín dhúrle úba ha gaalí baađisia.

Héberew 13:9

Ha he onisiny met hí hol ká eiyye-, ˈdeeny ˈdúwa-, hí onotééllá gaa taakaká hí láan. Gerkícho ˈdúˈjím Waaˈgiet hí fargoogonoychoka kalat. Nyatalaam ˈdaa ˈguomietáka gálaat hí hol af tág ki koyallá gíl sug ki hayyíe. Nyatalaam hatallóóllá gál hí el gaa veereká hé ál níínní yé ˈdú ˈdieká mán.

Héberew 3:12

Aaléka, nyaaramchú, hol ˈdeeˈdeemíe, itín máádhat hai geer gaa nyakarich-, máálle Waag bííyyo ali iđóóllá haađuo-, iiy ma yegenká ˈgíiny.

Bétiro Erká 1:18

Hé Waag hí ˈdú gute-, giri iđiny ˈdúúw mán-, eshim eshimkícho hí af kí hayallá hí gáá eete-, hí gálle hosoteká it óg. Hé muí ˈdú gusseká hé bíre ubaa hórkí bár ˈdaatika el met hí ˈgiˈgidhóóllá muuniny.

Bétiro ki Naamaká 3:17

Aaléka, sheel chia yú gielallo, ˈdaa giri hééllá hí ógká, taganokícho ˈgée, giri gál halúg nyatalaam mánnallá hí ma baađisiny-, iiy yeen kíchia hí tág ki taalallá hí ma gaa riiteenká.

Yuána ki Naamaká 1:8

Aaléka, hol ˈdeeˈdeemíe, giri hújích hí niiyyééllá hélle hí ma ˈdaabiny-, símísle alulle hí aargiˈdaká.