Kolosááya 2:7 - Fayam Midhab Yiesu Kiristoká He Hol Af Iđiny Kaanaká

⁷ Mú hidh ki aría, mú gáá ˈdée, hát gaalí oonisieká hí iiy yeenkícho hirasicho, gielmit hí Waag hol ˈdú nanniyyaká hí guđanat.

Kolosááya 2:7 ပူးပေါင်းရင်းမြစ်များ

Lúka 6:48

máá kinaallá hát máá ˈbíl ˈdiˈdisat-, tiirt waar ˈgayyoká ebite-, les ˈgodhe-, hilo les ki kikisie-, hele ká fameka, ˈbíl hele hí ma muotisinyká. Hééllá he ˈdaa giri ˈbíl muí hát ˈdabaanká ˈdisseká.

Róóma 16:25

Aaléka, Waag kí meemeyo! Waag hé Fayam Midhab Kiristo-, yú gálaat ki ˈdiyeenallá ˈdaalleka hí higiraycho. Fayam Midhab Yiesu Kiristóóllá he Waag héllé geer geđi kis ˈgayye-, tá káána ka edhesicheká.

Korínto Erká 1:8

Kirísto úba tág haí chiiˈda, ˈjíig biiy el ˈdaˈd đig, giri kúlích hí Máá kúnnaa Guđo Yiesu Kirísto met ki ˈdeenneká hí ˈdeensen ˈdaabiyyoká.

Korínto Erká 15:58

Aaléka, nyaaram chia yú gielallo, taganokícho ˈdée, ha gaalí riitisîny. Aadh lulle Máá kúnnaa Guđoká hújíchle taalle hát ˈdabaanká naannáa. Hujichaam lullé hí Máá kúnnaa Guđoká ki nanniyyóóllá hát hé midhabká hí yé gáá ˈdeˈdeenká it óg.

Korínto ki Naamaká 1:21

He Waago nyiin ubaa itín gáál waarate, gáál gál Kirísto hát ˈdabaanká ki ˈgieká hođicha.

Eféso 3:17

Yáá úba hí Waag kí rogonon, giri Kirísto ˈdaa iiy yeenkíchoka, gerkícho gaa yíéđianká. Héétí gielmit hí Waag ubaa gálaat ka ˈgayyaká hí hidh ki aruanna-,

Eféso 4:21

Yíésu ˈdeeny ˈdúwáállá hí yé gáá ˈdíéllá, hát hí he onisinyle maalle-, ubaa yaalmit hí ki iđaká úba gaalí onisieká yáá óg.

Eféso 5:20

He lúl ˈdugaka, Máá kúnnaa Guđo Yiesu Kirísto meenyle ˈdaalle ˈJaa kúnnaa Waag ki vivitíe, mú aadh lúl gielmít hol ˈdú naannáa.

Kolosááya 1:23

Tá hát ˈdabaanká ˈgée, iiy yeen kíchia hí ˈgayyáállá taalle chiˈdíe, hé Waag hí af iđiche-, hí Fayam Midhaballá gaa maalle-, hí met egetééllá haí sug ki níiny. Fayamééllá he Fayam Midhab Kiristo-, gaalí les geer lulle gaa ˈdiyime-, yáá Báulo lééllá hí gédéchlé gálaat ki ˈdiyeenká yíéllá.

Kolosááya 3:17

He lullé hí ekemeycho-, ubaa hí hogotoká lulle Máá kúnnaa Guđo Yíésu meenyle ki eekemeyyíe, tá mu íín ˈdaalleka, ˈJaa kúnnaa Waag gielmít hol ˈdú naannáa.

Dhesaloníke Erká 5:18

Yaalmisano lullé hí gaa iđaká ˈdaalleka, Waag gielmít hol ˈdú naannáa, ˈdaa giri hééllá ˈdaa Yiesu Kiristoka Waag hí ki feˈdoká.

Dhesaloníke ki Naamaká 2:17

hí gúóf shiiguo, hí farguogoyo, giri aadh lulle hé hí ekemeychoká ubaa hé hí hogotoká ˈdúwaká.

Héberew 13:15

Aaléka, Yíésu ˈdaalle ˈdugaka, meeny ke Waag memeyoká hí hé shiicho ke taalle Waag shiguoká yeet. Muuni ke kieye, Muun Yíésu ke el gaa igira, ke yegetallá, meeny ke Waag memeyo kinaallá hí hé agerkúnno yé gáá ˈdeˈdeenká yeet.

Héberew 13:9

Ha he onisiny met hí hol ká eiyye-, ˈdeeny ˈdúwa-, hí onotééllá gaa taakaká hí láan. Gerkícho ˈdúˈjím Waaˈgiet hí fargoogonoychoka kalat. Nyatalaam ˈdaa ˈguomietáka gálaat hí hol af tág ki koyallá gíl sug ki hayyíe. Nyatalaam hatallóóllá gál hí el gaa veereká hé ál níínní yé ˈdú ˈdieká mán.

Bétiro Erká 5:10

Aalé hí á níínni mare manyjayyeka, Waag gáál hát lulle ˈdú ˈjeˈjeenno-, hí ka viiyye-, hí Yiesu Kirísto gáá naate-, hí Waag ˈduuwlé biiyoká ka hilleká, Waag íín dhúrle haí biisicha, haí ˈdiita, far haí googonoycho, hidh haí aruanna.

Yúúa 1:12

Af giri gólol álle me hí hol gaa aargiroká, in gálallá hí ká higila, hí ˈdeđeneye. Gaal íín dhúrlé hol golmia, kern hí ma ˈgiˈgin. Gaal he hát nyáˈdow ír mán-, waanich hí hol gaa sisidhoká, ubaa hát ˈguor saano hí ma gáá higisiny-, hidh hí les gaa mánká. Gálallá he gál kúfach met naam il hí aargiˈdoká.

Yúúa 1:20

Sheel chia yú gielallo, itín he onisiny Waag hí ká shiichééllá tág chiˈdíe, ki hiráa, tá Hím Naasan Waaˈgiet hí fargogint hí Waag ki vivisataká shiigicho.

Yúúa 1:24

Waagkúnno he Waag fargogínt ˈgayyo-, hí ˈdeˈdeenno-, hí ma riigiriny-, hí metlé gúch ˈgayyo-, geyyiny hí guđoká hát ˈdeensen mantiká hí ˈdú egeetoká.