Kolosááya 2:4 - Fayam Midhab Yiesu Kiristoká He Hol Af Iđiny Kaanaká

⁴ Hééllá yú hí geđúóllá he giri máádhat hí af ma ˈdú nannasan-, ˈdeeny hí ki lalaatká hí ma ki nyiimisanká.

Kolosááya 2:4 ပူးပေါင်းရင်းမြစ်များ

Matááyo 24:24

Biiy gál hođomlé-, hol Kirísto ká hođuo-, ubaa gál hođomlé-, gál Waag hí ˈdeem ka shigichoká hol ká hođuoká yiem haí gáá ˈdeeme. Gálallá hé farguogo-, gálaat il hí aargiˈdo-, gálaat hí af ˈdaˈdaboká hai ekemeye. Hé gaalí ekemeyóóllá har hé gaalí hát gaa ˈguoká onnônyka hé gál Waag hí waarateká úba bađisie.

Matááyo 24:4

Yíésu gáál ˈdéé hol ˈdú nie, kieye, Hol ˈdeeˈdemíe, ha máádhat hí nyimísan.

Márko 13:22

Gál hođomlé-, hol Kirísto ka hođuoká ubaa gál Waag hí ˈdeem ka shigichoká hol ka hođuoká biiy hai gáá ˈdeeme. Gaal hé farguogo-, kálta gálaat hí il ma ki árginy-, gálaat hí af ˈdaˈdaboká hai ekemeye. Hé gaalí ekemeyóóllá har hé gaalí hát gaa ˈguoká onnônyka hé gál Waag hí waarateká úba bađisie.

He Ekeny Gál Alb Fimiká 20:30

Itín hurtkícho úba gál gálaat baađisuo-, gál Yíésu iiy yieká ˈbaal laatká yé haí gáá ˈdeeme.

Korínto Erká 2:4

héétí ˈdéé hótchú ubaa ˈdiiyiminychú yáá hát ˈdéé óny-, ˈdaalimo lesalloká ma ki húógon, Hím Naasan Waaˈgiet fargogintlé yú ki ˈdiyime,

Korínto ki Naamaká 11:3

Hé yú kikiatká, he hát káána héle char hí Háwa điđám ki ˈdie-, mú nyimiteká in itín úba kas kíchia ˈdaa Kiristoka ˈdúwa-, taglééllá gál hođomlééllá hí baađisuoká yú ma fediny.

Galátia 2:4

Tá gál mu hermisatká fedeká he gál điđám ka ˈdie-, muun gáál hurt ká hile-, gáál ka ˈdeey-, mé furit kúnnaa Yiesu Kiristo ki gaa ijóóllá ˈgas egew-, muun gáál nyatalaam Yuuˈdiká mé ki tatuoká.

Eféso 4:14

Hát kinaallá in múún geđ ke hát um niginiká, muuninyka, hát kádích baran hí hol gaa sisitoká ma yegen. Héétí ke hát gál gál đíđaská hí raraat-, hí ˈdeemlé hódhoká ki nyiimisatká ma yegen.

Eféso 4:17

Aaléka, ˈdaa Máá kúnnaa Guđokáka, yú hí hééllá geeye, hí mé gaa kaa: Gál Waag ˈduuwle muog-, tawuny hí ˈdúúw mánnallá yaalmisanollé gaa seseen kinaallá haí geđi gaa íđiny.

Eféso 5:6

ˈDaa giri Waag gál hí af đuˈduse-, hé ˈdeđew kinaal gaa seseenká ˈdú idhanne-, gáál he il ká aargisichoká, máádhat haí ˈdeem nyag maamanká ki nyiimísan.

Kolosááya 2:18

Gál hol gál ˈdúúw ririanká hol hođuo-, gál ˈgasso-, urruká vivisat-, hé amádh gaa argoká memeyo-, ˈdeemle mé ˈdeerneyóóllá, hol ˈdeeˈdemíe. Mé furit hí ˈdaa Kiristo ki argiyyééllá ha gál hatallóóllá hí ka rían. Gál hatallóóllá hé hí kasle yé gáá ˈdeˈdeenká, hállééllá in he hol bal ki ˈdarama.

Kolosááya 2:8

Hol ˈdeeˈdemíe, máádhat haí ˈdeem gáál nee gaa méʼ, kor he mán-, húgúm lesalloká ubaa tawuny gálaat yé gáá ˈdeˈdeen-, ˈdaa Kiristo ma ki taalinyká hí ki úúniny.

Tímote ki Naamaká 2:16

Awaach đeemo-, gál Waag ma kikianká hí ˈdaraanká hol gáá fagánash, ˈdaa giri awaach hatallóóllá geđi úba súm gálaat húgúm ˈdeew-, gálle Waag eesheyoká yé ˈdú ˈdeđichoká.

Tímote ki Naamaká 3:13

Héétí gál húgúmle ˈdeđewká ubaa gál hođomlé-, hol gál Waaˈgiet hođuoká biiy súm hai gaa ˈdeđendhe, gálaat hai baađisia, tá íín dhúrle úba ha gaalí baađisia.

Yuána Erká 2:18

It đalbááyáállo, les el met ˈdaˈdle hé ká ˈjobonte. It máá Kirísto ka kidhichká hát ka ˈjeˈjeenká maalle. Tá káána ke gaa ijóóllá gál burnay-, Kirísto ka kídhká hé úba biiy ká hile. Hééllá ˈdaalleka in les el met ˈdaˈdle hát he ka ˈjobonteká ke og.

Yuána Erká 2:26

Hé yú hí ˈdu gáá veerééllá he ˈdeeny gál hí baađisuoká.

Yuána Erká 4:1

Sheel chia yú gielallo, af giri gálaat hí ˈdéé hót geđuoká haí đo kieye, gaal Hím Naasan Waaˈgieto he ˈdéé ki hogodho, hí chégen. Ebá gáál ˈdéé hótle he af kí dhaayyíe, har gáál ˈdéé hótle ˈdéé hót Hím Naasan Waaˈgiet yé gáá ˈdiiyyeká kátaka. Hééllá he ˈdaa giri gál burnay-, hođomlé-, hol gál Waag hí ˈdeem ká shigicheká hoyká biiy gaa ijoká.

Yuána ki Naamaká 1:7

Yú hí hatallá geđúóllá he ˈdaa giri gál burnay-, gálaat baađisuo-, Yiesu Kirísto hát gon kaadhdhe-, ka ˈdalidheká iiy ma yegenká les gaa seseenká. Gál hatallóóllá máálle he máá gálaat baađisuo-, Kirísto ka kidhichká.

Kí Edhesiny 12:9

Aalé áních guđo-, giri chár hele-, gaalí Waag kídhíchle ubaa Sátan yeget-, les gálle lulle nyiimisatallá gaalí les kí lay, mú gállé ˈgassoká úba gaalí les kí laalame.

Kí Edhesiny 13:8

Ameeny gál les ˈdug ˈdú ijo-, meetle Waag hátlé les ma ka kúóninyká Waag hí Élíny gaalí yieská warˈgatlé luolmitiká ma gaa véérinyká binich met les kurram hai gaa ˈdarama, binich hai meeye.

Kí Edhesiny 20:3

Mu úba Sátan ˈguoˈd gaa ˈdér-, el mé mánnallá ki lay, mú ˈguoˈd af ki koy, ˈguoˈd af saale, giri ˈdaab warram shíí tikiˈd ma béenyká Sátan geđ kidh ma nyiimisanká. Warram kinaal beeyka, Sátan rám mákárta-, iraam mánká Waag haí gaa fuuˈda.

Kí Edhesiny 20:8

Sátan yíé hai ká ˈdeenne, kidh les met ˈdinnam áfúrle gaa ijo-, gaalí Gôg ubaa Mágog yegetká hai nyiimisata, gáál hollo hol ˈdu gáá shugunna, gáál oos hai ˈdú egeyye, gáál túoyle hát yóch bas innoká.