Kolosááya 2:20 - Fayam Midhab Yiesu Kiristoká He Hol Af Iđiny Kaanaká

²⁰ Itín in hí húgúm lesalloká gíl sug ki hayche, hí Kirísto hol ˈgar kuyye háluke, tá háteka hátle hí gál nyatalaam lesalloká gim gaa ijoká ka iđáal?

Kolosááya 2:20 ပူးပေါင်းရင်းမြစ်များ

Yuána 15:19

Itín hí lésallá gálle kátaka, les hát hí léká gálle onnônyka hé hí giel. Itín ˈdaa giri hí gál lesalloká muuniny-, yú hí waaˈde-, hí lésallá gíl sug ki haycheká in les gálle hí neb.

Korínto ki Naamaká 10:3

Har úba káána nyí les gaa iđoka, oos kínyia nyí hol chegesallá hé oos lesalloká muuniny.

Galátia 4:3

Múún úba hát tikiˈdééllá ke ije, af giri ke Kirísto moonnoyká muun hát ke um nigini-, nyatalaam lesalloká hí gedelle hoteká.

Galátia 6:14

Tá hé yú hol bal ki ˈdaraanká tikiˈd tákáma, hé kinaallá he Máá kúnnaa Guđo Yiesu Kirísto ˈgórlé đarám yaalká. ˈGór đarám yaal kinaallá ˈdaalleka yáá lésallá gaa ˈgite, les íín hé ye gaa ˈgisate.

Eféso 2:15

Mu hé hemuumurít ubaa nyatalaam gál Yuuˈdi-, gáál hol nebesicheká kúfáchle úba ali ki koy. Mu hééllá ekeyallá, he giri gál met hí naama-, hol ka kídh onnoyká mú ˈdaalleka, hol ˈdú fafaan-, gaal tikiˈd yegetká. Mu hatallá in gáál hol shimít ki mure.

Kolosááya 2:14

Hemuumurit múún ke ˈdeeđeneyká ˈdeensenle veeritle Waag hí ali gaa shugudiche, hí eete, hí ˈgór đarám yaalká ˈdug ˈdú ˈdoyye.

Kolosááya 2:16

Aaléka, ˈdeensen ˈdaa hé hí kokonyoká ubaa hé hí igiannoká, héétí ˈdaa ˈjila, ubaa ˈgúíy vím ˈjilallé, tá Kúlích Hef ˈGisanká, gálaat hí ˈdú ˈdeđensetka, haí gáál af nee kôny.

Kolosááya 2:21

Nyatalaam kinaallá he nyatalaam kieye, Hééllá ha đig chéen, Hééllá ha méésen, Hééllá ha chíran, chegetallá.

Kolosááya 2:8

Hol ˈdeeˈdemíe, máádhat haí ˈdeem gáál nee gaa méʼ, kor he mán-, húgúm lesalloká ubaa tawuny gálaat yé gáá ˈdeˈdeen-, ˈdaa Kiristo ma ki taalinyká hí ki úúniny.

Kolosááya 3:3

Atimééllá he ˈdaa giri itín hí Kirísto hol ˈgar kuyye-, Kirísto luolmitkícho hol gaa iđite-, luolmit kíchiallá úratí Waag hol af ijoká.

Héberew 13:9

Ha he onisiny met hí hol ká eiyye-, ˈdeeny ˈdúwa-, hí onotééllá gaa taakaká hí láan. Gerkícho ˈdúˈjím Waaˈgiet hí fargoogonoychoka kalat. Nyatalaam ˈdaa ˈguomietáka gálaat hí hol af tág ki koyallá gíl sug ki hayyíe. Nyatalaam hatallóóllá gál hí el gaa veereká hé ál níínní yé ˈdú ˈdieká mán.

Yákob 4:4

It Waag af gaa taannéel, hé lesalloká geelnetle hát Waag nebítiká it múog? Máá hé lesalloká geelnetká kídhích Waaˈgieto hol hoy.

Yuána Erká 5:19

Muun hát ke um Waaˈgietká hé ke óg, kor lésallá lulle íín Sátano he gíl geer gaa iđa.