Kolosááya 2:2 - Fayam Midhab Yiesu Kiristoká He Hol Af Iđiny Kaanaká

² Laatééllá yú hatallá lađaanallá he giri lulkícho hí gofononno-, hí hol gielmít ka ˈgayya-, hí ˈdúˈjím Waaˈgiet aargiˈda-, giri Waag héllé geer geđi-, ˈdaa Kirístoká hí hát ˈdabaanká eiy nannasataká.

Kolosááya 2:2 ပူးပေါင်းရင်းမြစ်များ

Matááyo 11:25

Bár kinaal Yíésu kieye, Baabá, Máá Guđo úr ubaa les lééllo! ˈDaa giri kuun hé gál ˈdaalelle-, hínyaská in ká kaayyeká đalbááya eiy naasanle shiicheká, gielmitlé yú ko hol ˈdú gáá nannaa.

Matááyo 11:27

Aalé Yíésu gálaat geey, kieye, He met lulle hé ˈJaachú hí ye gíl ká fie. Yáá Ínyííllá hé máá níínní ye ogká mán, ˈJaa chia tákáma ye og. Héétí hé máá níínní ˈJaachú ogká mán, yáá mú Inylééllá ubaa gál yú wawarat-, yú ˈJaachú aargisuoká tákáma nyí og, yie.

Matááyo 13:11

Yíésu gáál ˈdéé hol ˈdú nie, kieye, Itíni in hé geer geđi Guch Waaˈgietká Waag hí shiiche. Tá gálaatí íín hé hé kinaallá Waag hí ma shíiny.

Lúka 1:1

Kó súm ˈdúwaʼ, Tíáfeles lééllo, gál burnayká hé hib hélle gáál hurt yé gáá ˈdieká hol ˈdú shuune, veere.

Yuána 10:30

Yú ubaa ˈJaachú nyí tikiˈde, Yíésu hí gáál yie.

Yuána 10:38

Tá yáá hé midhab kinaallá ekemeyo. Har úba káána hí ye iiy ma chegenka, hé midhab yú ekemeyoká iiy yiedhíe. Hát kinaallá in hát ˈJaachú ye gaa ijo-, ˈJaachú íín yú gaa ijoká hí kiimisata, hí eiy naasata, Yíésu hí gáál yie.

Yuána 16:15

He lullé ˈJaachú hí léká, héchú. ˈDaa kinaallá in yú kieye, Hím Naasan héchú met hai ye gáá egeete, haí ˈdu gáá siita, eiy haí kí nanniyya, yú hí yie.

Yuána 17:3

Luolmit biiyoká hatallá gaalí aargira, giri kúúni Waag tikiˈde-, ˈdúwáállá gaal ko óg-, yáá Yiesu Kirísto-, kuun ye ali gáá kaayyééllá úba gaal ye ógká.

Yuána 5:17

Aalé Yíésu gáál geey, kieye, ˈJaachú hé hujich nannuo, ˈjíig káána đig, tá yú úba yáá hujich nannuo, gáál yie.

Yuána 5:23

giri gálaat lulle hát tikiˈde Íny ˈJaalle kikiatallá, úba Íny kikiatká. Máá Íny ma kikianká hé Íny ˈJaallé hí ali gáá kaayká úba ma kikian.

Yuána 6:69

Kuun hát Waag Máállé saas mánká nyáá nyí kimisate, nyáá nyí ko iiy chie, Bétiro hí Yíésu yie.

He Ekeny Gál Alb Fimiká 4:32

Gál Yíésu iiy yieká lulle ger ubaa kas hí tikiˈd yie. Hé máá níínní shókódíchle hol bal ki ˈdarameká mán, gaal shokodaamlé ˈgieká lulle hol ki liledhe.

Róóma 15:13

Aalé it hí Kirísto iiy chíéllá, Waag ííni gáál ˈdú ˈjeˈjeennóóllá hí ger gaa meen ubaa naanná shiigicho. Héétí ˈdúˈjím Waaˈgiet hát hí aargiˈdaká onyle úba Waag hí shiigicho. Hím Naasan Waaˈgiet fargogintle hí onyééllá ˈdú ookodmicho.

Róóma 16:25

Aaléka, Waag kí meemeyo! Waag hé Fayam Midhab Kiristo-, yú gálaat ki ˈdiyeenallá ˈdaalleka hí higiraycho. Fayam Midhab Yiesu Kiristóóllá he Waag héllé geer geđi kis ˈgayye-, tá káána ka edhesicheká.

Róóma 2:4

Bá he taalle Waag geer guuralle ubaa nog ki sienle, tá geer gaa guchlé guđo-, hí itín aargisichóóllá hí egesheyche? Mú geer guuralle hát hí af tatiyyo-, giri hí hé kíchia ˈdeđewká haađicha-, tá hí mú makan fafaannaká it eiy ma náásan?

Korínto Erká 14:31

Hatallá in it lul kíchia Waag hí ˈdéé ka shigichóóllá hát taataká haí ˈdiyeenne, giri gálaat lulle he oonoot-, gofononká.

Korínto Erká 2:12

Aalé káána, Hím Naasan muun gáál gaa iđóóllá hé hím naasan lesalloká muuniny, Waag Hím Naasanlé muun gáál ká shiiche, giri hé Waag hí gáál ˈdú ookodmichééllá ki eiy nannasatká.

Galátia 3:28

Itín it hol eiy ma nanniny, hí kieye, Máállá máá Yuuˈdi, máállá máá Hellen, máállá he gedech, máállá he máá ˈdúwaká, máállá he máá yáb, máállá he máá ˈdedhit, ma chegen. Itín lulkícho ˈdaa Yiesu Kiristoka hí tikiˈde.

Eféso 1:7

Múúni giri ke Kirísto gállééllá Kirísto fáslé gáál ki rie, gáál nyuogim ubaa ađaabano gaa eey. Waag ˈdúˈjímle hát fargogoká hééllá.

Eféso 3:16

Hé yú hí Waag kí rogononká, he giri Waag hí kamurlé uriet-, ˈdúwaká ˈdaalleka, hí fargogintle shigicho-, tá mú Hím Naasanle hodhinaamkícho far googonoychoká.

Eféso 3:3

Hé kinaallá he hé geer geđi-, Waaˈgiet-, kasle Waag hí ye kí edhesicheká, in yú hí ˈdéé hót mé gáá gaawallá ˈdu gáá verene.

Eféso 6:22

Yú hí mú ali ˈdu gáá kakawallá he giri hí yaalmitkínyo maalla-, tá muí gogofsuoká.

Filíbi 2:1

Aalé ˈdaa giri hí Kirísto hol ˈdú faanneká it gúóf argiyye, hí mú gielmitle chirm ki gagalicha. Héétí it Hím Naasan Waaˈgiet lilmách ká ˈgayya, it ger kurshám ubaa ger ka shâw ˈgayya.

Filíbi 3:8

Iiy-hí, hééllá lulle yú Kirísto ˈdaalle ki dhaayka, hé ˈdúúw mánká yú ká dhaˈgama. Máá chia Guđo Kirísto onnonlé yú onodheká hé he lulle af mé ˈdú gíri. Mú ˈdaalle ˈdugaka hééllá yáá hay, hééllá hát ége yú ká dhaˈgama, giri Kirísto mááchú yeget-,

Kolosááya 1:26

ˈDeeny yú hí ki ˈdiyeenallá he Waag héllé geer geđi-, kíssóótí kaate-, hí gál heleká lulle af ˈgidhiche-, tá káána hí gálle kí edhesichééllá.

Kolosááya 1:27

Waag hé muˈdeká he giri héllé geer geđííllá ˈduuwlé guđoká hát kidh lulle hí léká gálle kí eedhesichoká. Waag héllé geer geđííllá hélle kieye, Kirísto hé hí gaa ijo. ˈDaa kinaallá ˈdugaka in aadh ˈdaatika Guch Waaˈgiet itín hát hí léká hí og.

Kolosááya 1:9

ˈDaa kinaallá ˈdugaka in a meeny giri nyí fayamkícho maalleká, Waag ke hí kí vivisatká nyí ali ma kôny. Waag ke hí kí rogononallá he giri Waag hí ˈdaalím ubaa kas hí he eiy ki nannasatoká hí ˈdaa Hím Naasanle kí shigicho-, hát feˈdoká hí hát ˈdabaanká kiimisatoká.

Kolosááya 2:19

Gál hatallóóllá hé Kirísto ma ki koongʼódon. Kirísto íín he mé, gon íín he gál Kiristo. Hát káána hedhgem ubaa kuuˈdam gon hol af ki chichiratallá, gál Kiristo úba hollo hol ki ˈgee. Gón Kiristóóllá Waago hí higirasicha.

Kolosááya 3:14

Tá hé súm ˈdúwaká gielmít ˈgáa. Gielmít ííni muun gáál hol mé ˈdú gáá egeyye, gáál tikiˈd hođicha.

Kolosááya 4:3

Tá nyíín úba nyí Waag kí viivitíe, giri Waag nyí kar af kí fuuˈdo-, héllé geer geđi kis ˈgayye-, fayam Kiristóóllá nyí ˈdiyeennoká. Fayamééllá ˈdaalle ˈdugaka in káána yú ˈbíl hiiginallá gaa ija.

Kolosááya 4:8

Yú mú hí ali ˈdú gáá kakawallá he ˈdaa yaalmit nyí állá ki iđoká hí mamallo-, mu hí gogofsuoká.

Dhesaloníke Erká 1:5

Hééllá he ˈdaa giri ke hí Fayam Midhaballá hát ˈdééká tákámle ke hí ma ˈdú gáá sîn, tá fayám ˈdaa giri fargogint Waaˈgiet ubaa Hím Naasan Waaˈgiet kí chimieká in itín hí fayám ˈduuwle tág og. Af giri ke hol af ijeká itín yaalmit ˈdaakíchoka nyí ki iđeká it óg.

Dhesaloníke Erká 3:2

in nyí Tímote giri nyár kínyaa ˈdaa Waaˈgietka nyí hol hújích Fayam Midhab Kiristóóllá ˈgar nanniyyáállá ke hí ali ˈdu gáá kaay, giri mu itín hí iiy yeenkícho gaa higirasuo-, hí gogofsuo-,

Dhesaloníke Erká 5:14

Nyaaramkínyo, héétí ha ki hí gogofsia, gál he ma uu-urinyká af taatáa, gál síéramká guogofsía, gál đááliská yiir gaa chiˈdíe, tá gáál lulle ger gaa gúch aargisía.

Tímote Erká 3:16

Hé fálaam mánká he kieye, Waag héllé geer geđi-, káána ke ógallá ebá guđáan! Kirísto hé gon kaadhdhe, lésallá ki ˈdalidhe. Hím Naasan Waaˈgiet hé mú ˈduuwle ká edhesiche. Mu hé gál ˈgasso-, urruká hí arge. Mu hé gaalí kidhano hurt gaa ˈdiiyime. Mu hé gaalí lésallá iiy gaa yie. Héétí hé Waag hí guchlé uratiká mé ki niiyye.

Héberew 10:22

ha ke geerka ˈjakarany ˈgíiny, kí iiy yeen ˈduwantiká ˈguo, kí Waag met siet. Kirísto hé gáál fásle ki ˈdoy, saas ke óg-, ke ˈgíéllá hé gáál gaa dhiire, héétí mu hé gónkúnno bíé midhabká ki ˈjie.

Héberew 6:11

Itín hé ke hí gaa fedoká, he giri ˈdaab hí les ˈdug ˈdú iđáállá yaalmit kíchia gielmitííllá taalle hí ki iđa-, hé biiy meto-, hí súm egeteká hát ˈduuwawká hí met gaa ógká.

Bétiro ki Naamaká 1:10

Aaléka, nyaaramchú, laađamíe, hát ˈdabaanká yíéđía, hát itín Waag hí ká viiyye-, hí waarate-, hí gálle hosoteká kiimitíe, gálaat hí argo. Yaalmisano hatallóóllá hí ˈgayyoka, it ma riiteen, les ma ˈdaraminy.

Bétiro ki Naamaká 1:3

ˈDaa giri Kirísto ki ógká, mú fargogintlé Waaˈgietká hé he lullé luolmitkúnno ki midhab-, gáál hé Waag hí feˈdoká ˈdú heergisatoká gáál ká shiiche. Mu ííni kinaallá in gáál ˈduuwle ubaa midhantle kí vie.

Bétiro ki Naamaká 3:18

Tá Máá kúnnaa Guđo-, Rubachiet-, Yiesu Kirísto lééllá ˈdúˈjímle ubaa onyle ki hiráa. Káána ubaa bííyyo, ˈduuw taalle hí mú hélle yeet. Iiy-hí, he hí hát kinaallá yeet.

Yuána Erká 3:19

Muun ke hát kinaallá ˈdieka, in hát muun ke ˈdeeny ˈdúwa-, Kiristóóllá gálléká ke hol og, Waag metle hé ki geer ˈdéént mán.

Yuána Erká 5:7

Hé gáál Yíésu ˈduuwle geđuoká seđe.