Kolosááya 2:18 - Fayam Midhab Yiesu Kiristoká He Hol Af Iđiny Kaanaká

¹⁸ Gál hol gál ˈdúúw ririanká hol hođuo-, gál ˈgasso-, urruká vivisat-, hé amádh gaa argoká memeyo-, ˈdeemle mé ˈdeerneyóóllá, hol ˈdeeˈdemíe. Mé furit hí ˈdaa Kiristo ki argiyyééllá ha gál hatallóóllá hí ka rían. Gál hatallóóllá hé hí kasle yé gáá ˈdeˈdeenká, hállééllá in he hol bal ki ˈdarama.

Kolosááya 2:18 ပူးပေါင်းရင်းမြစ်များ

Matááyo 24:24

Biiy gál hođomlé-, hol Kirísto ká hođuo-, ubaa gál hođomlé-, gál Waag hí ˈdeem ka shigichoká hol ká hođuoká yiem haí gáá ˈdeeme. Gálallá hé farguogo-, gálaat il hí aargiˈdo-, gálaat hí af ˈdaˈdaboká hai ekemeye. Hé gaalí ekemeyóóllá har hé gaalí hát gaa ˈguoká onnônyka hé gál Waag hí waarateká úba bađisie.

Róóma 1:25

Gaal hé Waag ˈduuwle hé hódhoká in gaa nie. Gaal hé Waag he lúl ka kuonnééllá hay, hé Waag hí ka kuonneká waagamle hote, viivite. Waag les lulle ka kuonnééllá taalle bííyyo gaalí meemeyo. Iiy-hí, he hí hát kinaallá yeet.

Róóma 16:18

Gál hat kinaalloká hé Máá kúnnaa Guđo Kirísto hújíchle ma nanniny, gaal hé metlé hújíchle nannaa. Gaal ˈdeemano salsaloká ubaa ˈdéé hót he gálaat ki memeyoká he gálaat geđia. Yaalmitééllá in gaalí gál met af gaa guguđoká ki nyiimita.

Korínto Erká 13:4

Gielmít he geer gaa gúchi, gielmít hé geer ka guurá ˈgayyo, hé hinááf mán. Gielmít hé hol meeny mán, hé ma muurshany.

Korínto Erká 3:3

ˈdaa giri itín hátle hí húgúm lesalloká ki iđaká. Hinááf ubaa hol ki fálaam hurtkícho gaa iđóóllá, hé kinaallá hát hí húgúm lesalloká ki iđa-, hí kas gálaat el gaa igiˈdaká ma ká yaalîny?

Korínto Erká 4:18

Ál kíchia kinaallá gáál ˈdáá tikiˈd hé tág balo buokosuo, amú kieye, mu hé ma ká yiimenno he yegedhe.

Korínto Erká 4:6

Nyaaramchú, ˈdaakícho ˈdugaka, hééllá lulle ˈdaachú ubaa ˈdaa Abollosso yú ki hodhe, giri hí hé Warˈgat Waaˈgiet gaa ijoká af yé ma ˈdeeminyká. Haí mú tikiˈd hol bal ki ˈdaráminy, máátí hí egeshêny.

Korínto Erká 8:1

Aalé, yú aany gaalí waagam hódhoká suoryam ki hođuoká sogimle kóonyle yaalmitlé hí ye ka heeseteká yú hí hol ˈdú gáá naa. Muun lulkúnno hát ke hééllá ˈdaalimle ˈguoká hé ki óg. ˈDaalim máádhat hí ˈguoká íín hol meenyo mú yé ˈdú ˈdeđicha, tá gielmít íín máádhato he ˈdiˈdita.

Korínto Erká 9:24

Af giri gálaat hol ˈdam ki ekemesetká, gál burnayká hát hol ki kirmisat-, tá mú tikiˈd tákámle gáál lulle in ká ˈdeen-, gaalí hé shiicho shiguoká it múog? Aaléka, hát ˈdabaanká kiritíe, giri hí hé shiicho aargiˈdoká.

Korínto ki Naamaká 11:3

Hé yú kikiatká, he hát káána héle char hí Háwa điđám ki ˈdie-, mú nyimiteká in itín úba kas kíchia ˈdaa Kiristoka ˈdúwa-, taglééllá gál hođomlééllá hí baađisuoká yú ma fediny.

Korínto ki Naamaká 12:20

Hé geerle ye gaa ˈdeewká, he yú bííykícho ká yimieka, it kálmaréél hát yú hí ki fedoká ma ká iđiny, in aaléka hé yú hí geđuoká kálmareka hí ma fediny. Hé yú hí ma gaa fedinyká, he hol ki fálaam, hinááf, ídho, hol eiy gaa ˈgiiˈgisan, hol méé ˈdeeneny, heengʼeen, hol gál ˈdúwaká ká dhaany, tá hol shalal fiiny.

Eféso 4:17

Aaléka, ˈdaa Máá kúnnaa Guđokáka, yú hí hééllá geeye, hí mé gaa kaa: Gál Waag ˈduuwle muog-, tawuny hí ˈdúúw mánnallá yaalmisanollé gaa seseen kinaallá haí geđi gaa íđiny.

Eféso 5:6

ˈDaa giri Waag gál hí af đuˈduse-, hé ˈdeđew kinaal gaa seseenká ˈdú idhanne-, gáál he il ká aargisichoká, máádhat haí ˈdeem nyag maamanká ki nyiimísan.

Filíbi 3:14

laat chia lađama, hé shiicho biiy metoká đulallé gaa ija, giri hé kinaal aargiroká. Hé shiicho kinaallá he luolmit biiyo-, urati-, ˈdaa Yiesu Kiristoka, Waag hí ye kí viiyyeká.

Kolosááya 2:23

Nyatalaamééllá ki dhaayka, hé ˈdaalimo ke yeedhe. Tá onnóo, nyatalaamééllá hé fargogint níínní he ˈguo-, gon baltlé gaa nyakaridheká hí hol gáá momoychoká mán. Nyatalaamééllá gálle he gál yaalmit gálaat hí Waag ki vivisatká kasle yé gáá ˈdeđuo-, gál hol ˈdúúw ririanká ká ˈgie-, gónle ílsh gaa iđimuoká.

Kolosááya 2:4

Hééllá yú hí geđúóllá he giri máádhat hí af ma ˈdú nannasan-, ˈdeeny hí ki lalaatká hí ma ki nyiimisanká.

Kolosááya 2:8

Hol ˈdeeˈdemíe, máádhat haí ˈdeem gáál nee gaa méʼ, kor he mán-, húgúm lesalloká ubaa tawuny gálaat yé gáá ˈdeˈdeen-, ˈdaa Kiristo ma ki taalinyká hí ki úúniny.

Tímote Erká 1:7

Gaal gál hemuumurit Waag hí Móshe shiicheká gálaat oonisuoká yegetká he fede, kor hé héllé hogodhóóllá ubaa héllé kerka óg-, gálaat oonisúóllá eiy ma nannasan.

Tímote Erká 4:1

Aalé Hím Naasan Waaˈgiet hé ˈdéé hát ˈdabaanká hogoto, kieye, Bár biiy el ˈdaˈdká gáál ˈbáál iiy yeenlé Kirísto iiy yieká gil sug hai ki haađia, ˈdaa giri gaal aryaan gáál nyiimisatoká ubaa Sátan gállé ˈgassoká he onisinyle el gaa veereká.

Bétiro ki Naamaká 2:14

Gaal aadh lulle ˈgál ˈdíét af ˈgoˈgorot-, hergisanká hol gaa ˈgeˈgedhe, gaal hé hé ˈdeđewká ekenyle ma haađiny. Gaal gál Kiristo ma hirânyká he baađisia, nyuogim ubaa ađaabano met ki kokoo. Gáál gerle he hol ki fedít gaalí onodheká hí koch. Gálallá idho Waaˈgieto he gim gaa ija.

Yuána Erká 2:26

Hé yú hí ˈdu gáá veerééllá he ˈdeeny gál hí baađisuoká.

Kí Edhesiny 12:9

Aalé áních guđo-, giri chár hele-, gaalí Waag kídhíchle ubaa Sátan yeget-, les gálle lulle nyiimisatallá gaalí les kí lay, mú gállé ˈgassoká úba gaalí les kí laalame.

Kí Edhesiny 13:14

Binich hé gáál af ˈdaˈdabsuo-, ekemeyo-, bíních erkobká gaa aargiróóllá ˈdaalleka in gáláát les ˈdug ˈdú ijoká ki nyiimita. Tá binich gáál he ki mure, giri gaal bíních faaˈd órofká hí muˈde-, liil onnônyká hí chegieská ˈgie-, kor bieká yaalmitle gaalí tág nannuoká.

Kí Edhesiny 13:8

Ameeny gál les ˈdug ˈdú ijo-, meetle Waag hátlé les ma ka kúóninyká Waag hí Élíny gaalí yieská warˈgatlé luolmitiká ma gaa véérinyká binich met les kurram hai gaa ˈdarama, binich hai meeye.

Kí Edhesiny 19:10

Aalé yú đo mú ˈgas met les kurram gaa ˈdoy, giri mú memeyoká, kor mu đo ye geey, kieye, Ha hééllá ekêny! Yú he gedech, hát kúún ubaa nyaaram kua giri Yíésu ˈduuwle hogodho-, tá ki ˈgieká. Waag tákámle méémesh. ˈDeeny Hím Naasan Waaˈgiet hí gálaat shigichoká he Yíésu ˈduuwlé.

Kí Edhesiny 3:11

Yú ál ˈjóbo gáá yiimedhe. Hé hí ˈgayyaká tág chiˈdíe, giri hé shiicho Waag hí shigichoká máá níínní hí ka riatká mánká.