Kolosááya 1:9 - Fayam Midhab Yiesu Kiristoká He Hol Af Iđiny Kaanaká

⁹ ˈDaa kinaallá ˈdugaka in a meeny giri nyí fayamkícho maalleká, Waag ke hí kí vivisatká nyí ali ma kôny. Waag ke hí kí rogononallá he giri Waag hí ˈdaalím ubaa kas hí he eiy ki nannasatoká hí ˈdaa Hím Naasanle kí shigicho-, hát feˈdoká hí hát ˈdabaanká kiimisatoká.

Kolosááya 1:9 ပူးပေါင်းရင်းမြစ်များ

Yuána 7:17

Máádhat har hé Waag hí feˈdoká ˈgíéríchle nannaatká fedoka, af kinaalka he onisinyééllá har Waag yé gáá ˈdeˈdeenka, har yú tuuˈdchú ye yé gáá ˈdeˈdeenka, eiy hai naata.

He Ekeny Gál Alb Fimiká 12:5

Aalé gaal Bétiro ˈbíl hiiginká gaa kaay, tá gál giri Yíésu iiy yieká íín tágo he mú Waag ki vivite.

Róóma 12:2

Haí húgúm lesalloká enîny, hol Waag ˈdú hayyíe, Waag hí hol gaa layyo, hí tawuny ˈdúwaká shiicho. Hí hatal ˈdiiyyeka, in Waag he gaa feditlé midhab-, taglé-, mú geer gaa memeychoká hí ekemeyche.

Korínto Erká 1:5

ˈDaa giri hí Yiesu Kirísto hol ˈdú faannééllá, in Waag hí he met lulle ˈdú ookodmiche, hát káána ˈdéé hót midhabká ubaa ˈdaalím lullé.

Eféso 1:8

Waag ííni ˈdaallé-, he met lulle hol ka ógká hé ˈdúˈjímlé kinaal muun gáál súm ˈdú ookodmiche!

Eféso 5:10

Hé Máá kúnnaa Guđoká geer gaa memeyoká hol gaa ˈgeeˈgedhée, eekemeyyíe.

Eféso 5:17

Aaléka, haí đées chéen, Máá kúnnaa Guđoká hé hí gaa fedo-, hí ekemeychoká hol gaa ˈgeeˈgedhée, eekemeyyíe.

Eféso 6:6

Géde ˈbaal, af giri gállé hílléká alb ˈgieká tákáma in hujich hát ˈdabaanká nannaa, giri gaalí memeyoká. Tá ˈdaa giri itín hí gede Kiristoká haí hát gaal íín chéen, aadh lulle hujichaamkícho ger midhabká ki naannáa. Waag hát feˈdoká hé kinaallá.

Filíbi 1:4

Waag visan chia lulle yú hí lulkícho kí vivisatká aadh lúl geer gaa meenno gaa iđa.

Kolosááya 1:6

Fayam ˈdúwa-, midhab-, hí argiyyééllá in les lulle bash ki chegete, saano midhabká ˈdaˈdalla. Hát tikiˈdééllá itín a meeny giri hí erkob Fayam Midhaballá maalle-, hí ˈdúˈjím Waaˈgiet ˈduuwle lulle eiy naasateká, Fayam Midhaballá hé úba hurtkícho bash ki chie, itín saano midhabká hí gáá higisso.

Kolosááya 3:16

ˈDeeny Kiristo hát ˈdabaanká ger gaa iđitíe. ˈDaalim Waag hí shigichoká lulle hol ki oonisía, hol af ki taatáa. Arram Warˈgat Waaˈgiet gaa ijoká ubaa arram gálaat hí Waag ki ˈdoyká, héétí arram itín hí Waag ki memeycho-, gerkícho yé gáá ˈdeˈdeenká ˈdaaramíe, hol ki guogofsía, Waag gielmít hol ˈdú naannáa.

Kolosááya 4:12

Máá kíchia Ebáfaros giri gédéch Yiesu Kiristoká úba hé hí naa ká yie. Mu hé aadh lulle lađaan-, hí Waag kí vivisat-, giri itín hát Waag hí feˈdoká hí kiimisata-, hí higirayya-, hí tág ˈgiiyyaká.

Kolosááya 4:5

Gál Kirísto muogká húgúm midhab-, ˈdaalimoká ki sedhíe. Hát kinaallá in gálaat aadh lulle húgúmkícho Kirísto gaa aargira.

Dhesaloníke Erká 1:3

Iiy yeenkícho hát hí he gaa eekemeycho-, ubaa hújích kíchiallá gielmit hí ˈgayyáállá hí ki nanniyyo-, héétí har káána úba he hí ki ˈgierˈgernítaka hát hí Máá kúnnaa Guđo Yiesu Kirísto hí ˈdúúw ki ógallá nyáá nyí ˈJaa kúnnaa Waag met táb gaa ˈdoˈdooto.

Dhesaloníke Erká 5:17

Waag viivitíe.

Dhesaloníke ki Naamaká 1:11

ˈDaa kinaallá ˈdugaka in ke hí aadh lulle Waagkúnno kí vivita, giri iđiny kíchia muí kí víéllá mu hí gál ˈdúwa-, iđiny kinaal ki ijoká ka tuoyo-, héétí mú fargogintle ˈdaalleka muí he feditkíchía midhabká ubaa he ekeny kíchia iiy yeenkícho yé gáá ˈdeˈdeenká lulle muí đuusuoká.

Fílemon 1:4

Fílemon, af giri yú ko Waag kí vivisatká, yáá aadh lulle ˈdaakúka Waag gielmít hol ˈdú nannuo.

Fílemon 1:6

Yáá Waag vivisat, giri kuun ubaa gál iiy yeen kuun hí Kirísto ka ˈgayyóóllá ˈgúóllá he lullé ˈdabaan hí Waag gaa argiyye-, hí Kirísto ki ˈduuwaycháállá hí eiy nannasato-, giri hol chiran kíchiallá farguogoyyoká.

Héberew 10:36

Onnônyka mé hí ki chiirsata, giri hí he fedit Waaˈgiet ekeycheka, hé muí af iđieká hí aargiˈdoká.

Yákob 1:5

Har itín máádhat ˈdaalím ˈdabeka, hí Waag ruogono. Waag hé gíl ma gogonony, máá hí rogononká hé ˈdéé ma ki ˈdaraminy, mú ˈdaalím hai shigicha.

Yákob 3:17

ˈDaalim úr yé gáá ˈdeˈdeennoká héllé erká saas mánti, ubaa naanná, tá nog sien, ííni gálaat he ki chiran, ííni met gaa kími, ííni geer guurá ubaa húgúm midhabká, ííni gálaat hol eiy gaa ním mánti, ííni hé leđuđugulleká wuogon.

Bétiro Erká 2:15

Waag hát he feˈdoká hééllá: Hé kíchia ˈdúwa-, hí ekemeychoká in ˈdeem hódho-, gál đéeská hí ˈdú hogodhoká shab hođia.

Bétiro Erká 4:2

Máá gon hí hatallá boloyyeká iđinylé lésallá ˈdú ijoká hé hát gálaat hí fedoká ma enniminy, mu hát Waag hí feˈdoká he yíéđima.

Yuána Erká 2:17

Les ubaa balt lesalloká el met haí ˈgiidha, tá máá hé Waag hí feˈdoká ekemeyoká bííyyo hé ali ijo.

Yuána Erká 5:20

Iny Waaˈgiet hát ka yimie-, ˈdaalim ke Waag ˈdúwaká ke ki kiimisatká gáál ka shieká hé ke óg. Múún Máá ˈdúwa-, Waag Inylé-, Yiesu Kirísto lééllá ke gaa ija. Mu íínííllá he Waag ˈdúwaká ubaa luolmit biiyoká.