Kolosááya 1:6 - Fayam Midhab Yiesu Kiristoká He Hol Af Iđiny Kaanaká

⁶ Fayam ˈdúwa-, midhab-, hí argiyyééllá in les lulle bash ki chegete, saano midhabká ˈdaˈdalla. Hát tikiˈdééllá itín a meeny giri hí erkob Fayam Midhaballá maalle-, hí ˈdúˈjím Waaˈgiet ˈduuwle lulle eiy naasateká, Fayam Midhaballá hé úba hurtkícho bash ki chie, itín saano midhabká hí gáá higisso.

Kolosááya 1:6 ပူးပေါင်းရင်းမြစ်များ

Matááyo 24:14

Tá Fayam Midhab-, Guch Waaˈgietallá les geer lulle ha gaalí gaa ˈdiyime, giri kidh met lulle hí mamaloká. Af kinaallá in biiy el met ˈdaˈdle ali kí ˈdeenne.

Matááyo 28:19

Aaléka, sedhíe, kidh met lulle lalichú hoyyíe. Gáál bie gim ki náa, giri gaal fargogint ˈJaa chia úr ijoká ubaa yáá Ínyííllá, tá Hím Naasan Waaˈgiet gim gaa ijoká.

Márko 16:15

Aalé Yíésu gáál geey, kieye, Les lúl gaa sedhíe, gálaat lulle Fayam chia Midhaballá ki ˈdiiyimíe.

Márko 4:8

Ár giri muí ál maal hí midhabká gaa fieká ká ˈdie, hisse, ˈbaal hí tomon seđ ˈdale, ˈbaal hí tomon le ˈdale, ˈbaal hí kúˈd ˈdale, Yíésu hí yie.

Yuána 15:16

Itín it ye ma ka éeny, yaa hí ká shuune, hí hujichaam met ki kuokoy, giri hí seseenne-, saano hí gáá higisso-, saano kinaal bííyyo ali ijo-, hé hí ˈdaa meenychú ˈJaachú ki hegesetoká muí ká shiguoká.

Yuána 17:19

Gaal íín ˈdaalle ˈdugaka in yú dhúrchú ko hol taak kí koy, giri gaal íín úba ˈdeeny kua ˈdúwaká hí ko taak kí kokuoká.

Yuána 4:23

Bar ali hai kí ˈdeenne, kor úba káána hé ali kí ˈdiiyye, giri gál Waag visan hí ˈdúwaká ˈdaa Hím Naasan Waaˈgiet-, gáál Waag ˈduuwle kí eedhesichoká ˈJaa kúnnaa Waag ki vivisatká. Gál hatallóóllá in ˈJaa kúnnaa Waag hí hol gaa ˈgeˈgedhe, giri gaal mú vivisatká.

He Ekeny Gál Alb Fimiká 11:18

Aalé gaal ˈdeenyéél maaleká hol ki fálaam hay, Waag meey, kieye, Taglé, Waag úba hé kidh kár he héllé ˈdeđewká ki haađuo-, gaalí makan ki fafaanká shiiche, giri gaal luolmít aargiroká.

He Ekeny Gál Alb Fimiká 12:24

Aalé ˈdeeny Waaˈgiet heere, les eiy bash ki yie.

He Ekeny Gál Alb Fimiká 16:14

ˈDeg kinaallá hé min Waag iiy chie-, gaalí Líˈdia yeget-, ˈjien Dhiatira gáá chimie-, đafaraam ˈdabaan-, bis hí kóórbiská hol gaa mamadicho mare hé hí gaa iđe. Min kinaal úba nyí af nee koyye. Máá Guđoká min kás shie, min ˈdeeny Báulo hí huogodheká iiy chie.

He Ekeny Gál Alb Fimiká 26:18

giri gáál in eiy ˈdeđicho-, bííy gaa ongʼoˈdeká gaalí hol gáá nannaat-, gaal bííy gaa édhká bala ˈdú gáá nannuoká. Héétí ubaa gaal fargogint Satan gim yé gáá ˈdeˈdeen-, Waag bala ˈdu gáá nannuo-, giri Waag hí ađaabano ubaa nyuogimle gaa egeyyo-, tá alb gál ye iiy yie-, yú saas gaa eeyallá hí gaa ijóóllá gaa yíéđianká, muí ye yie, Báulo hí mú yie.

Róóma 1:13

Nyaaramchú, hééllá mé ka gáa, hát yú af burnayká hí ˈdu gáá yiimetká fedo-, kor hát ˈdabe-, ˈjíig káána đigallá. Hé yú fedoká he giri hát tikiˈde yú gáál kidhóótí Fayam Midhab Kiristóóllá ki ˈdiiyime-, gaal Kirísto enníéllá, in úba it Roomáállá yú hí ki ˈdiyeenká yú fede.

Róóma 15:19

Hím Naasan Waaˈgiet fargogintle ííni hé fargogo-, gálaat hí il ki aargiro-, hí af ˈdaˈdaboká ekemeyche. Hatallá in yú hát ˈdabaanká Fayam Midhab Kiristóóllá ˈjien Yerusalem tá ˈjíig lés Illuriko lulle gaa ˈdiiyime.

Róóma 15:28

Aalé hé shiichóóllá yú gáál hilsie-, hújíchle yú beeteka, af giri yú lés Sebaania seseenká ha yú hí gáá naadha.

Róóma 16:26

Aalé hát warˈgasam gál Waag hí ˈdeem ka shigicheká hí huogodheká ubaa hát Waag bííyyo ali iđóóllá hí muˈdeká, Fayam Midhab Kiristóóllá hé káána gálaat hí kidh lúl mamalsuo, giri gaal Kirísto iiy yeget-, mú el gaa igiroká.

Korínto ki Naamaká 10:14

Af giri ke hí af tatuoká, alb Waag hí nyí mé ki koyyeká nyáá nyí af yíé ma ˈdeđiny. Nyiin he gál erkob-, hí Fayam Midhab Kiristóóllá ˈdú gáá sidheká muuniny?

Korínto ki Naamaká 6:1

Aaléka, nyííni nyí Waag hol hujich ˈgar nanniyyóóllá, gillo ke hí ki efe, Waag ˈdúˈjímlé hí argiyyééllá haí eeshêny.

Eféso 3:2

Waag hát giri ye hújíchallá ká shiiche-, mú ˈdúˈjímle fayamle yú hí ki ˈdiyeenká, it buot maalle.

Eféso 4:21

Yíésu ˈdeeny ˈdúwáállá hí yé gáá ˈdíéllá, hát hí he onisinyle maalle-, ubaa yaalmit hí ki iđaká úba gaalí onisieká yáá óg.

Eféso 4:23

It úba gaalí he onisie, giri hí Waag hol ˈdú haađicha-, tawunykícho muí hol gaa lalaan-, muí tawuny midhab-, kaanaká shiguoká.

Eféso 5:9

Édhum saanolle he midhánti, saas mánti, tá ˈduwánti.

Filíbi 1:11

Héétí Yiesu Kirísto hí kuol gaa chiirat-, hí hé midhabká ekemeycho-, Waag íín hí ˈdúúw ubaa meeny gaa aargiˈdoká.

Filíbi 4:17

Tá yáá íín hí hé shiicho ma gaa ˈgeˈgen, hé yú fedoká he giri gil kíchia hí eiy lalaannóóllá ˈdugaka hé shiicho Waag hí itín úr gáá shigichoká hegeroká.

Kolosááya 1:10

Waag ke hí hatallá kí rogononallá he giri itín yaalmisano midhab-, hí ki iđáállá Máá kúnnaa Guđoká hí ˈdúúw gaa aargiroká. Héétí hí mú hát lulle geer gaa memesicho-, he lullé midhab hí nanniyyáállá taalle saano midhabká hí yiem gáá ˈdeˈdeen-, hí Waag hát ˈdabaanká oonootoká.

Kolosááya 1:23

Tá hát ˈdabaanká ˈgée, iiy yeen kíchia hí ˈgayyáállá taalle chiˈdíe, hé Waag hí af iđiche-, hí Fayam Midhaballá gaa maalle-, hí met egetééllá haí sug ki níiny. Fayamééllá he Fayam Midhab Kiristo-, gaalí les geer lulle gaa ˈdiyime-, yáá Báulo lééllá hí gédéchlé gálaat ki ˈdiyeenká yíéllá.

Dhesaloníke Erká 1:5

Hééllá he ˈdaa giri ke hí Fayam Midhaballá hát ˈdééká tákámle ke hí ma ˈdú gáá sîn, tá fayám ˈdaa giri fargogint Waaˈgiet ubaa Hím Naasan Waaˈgiet kí chimieká in itín hí fayám ˈduuwle tág og. Af giri ke hol af ijeká itín yaalmit ˈdaakíchoka nyí ki iđeká it óg.

Dhesaloníke Erká 2:13

Nyáá nyí aadh lulle Waag gielmít hol ˈdú nanniyya, ˈdaa giri ˈdeeny Waaˈgiet hí nyí gaa maalleká, hát gálaat yé ma gáá ˈdíiny-, Waag yé gáá ˈdieká hí iiy chieká. ˈDeenyééllá he ˈdeeny ˈdúwa-, Waaˈgiet-, it hí iiy chíéllá hí hujich gaa nannuoká.

Dhesaloníke ki Naamaká 2:13

It nyaaram kínyaa Máá kúnnaa Guđoká hí gielallo, ˈdaakíchoka aadh lulle Waag gielmít nyí hol ˈdú nanniyyoká taglé. Hééllá he ˈdaa giri itín he gál Waag hí waarate-, hí er rubach shiicheká ˈbáálká. Rúbách hí argiyyééllá, he Waag Hím Naasanle hí itín gál Waag gielká hoyche-, héétí hí hé ˈdúwaká iiy chieká in hí rúbáchallá argiyye.

Bétiro Erká 5:12

Yáá hí warˈgat gáá gaaw-, nyár chia Silfáánas yú máá ˈdúwaká ka dhaˈgasanallá hí ye yiir kí chiˈdééllá hí ˈdú gáá veere. ˈDeenyééllá ha yú hí ki gogofsia. Yú hí geeye, af timmééllá he ˈdúˈjím ˈdúwa-, Waaˈgietká. ˈDúˈjím ˈdúwáállá hidh ki aría.