Kolosááya 1:23 - Fayam Midhab Yiesu Kiristoká He Hol Af Iđiny Kaanaká

²³ Tá hát ˈdabaanká ˈgée, iiy yeen kíchia hí ˈgayyáállá taalle chiˈdíe, hé Waag hí af iđiche-, hí Fayam Midhaballá gaa maalle-, hí met egetééllá haí sug ki níiny. Fayamééllá he Fayam Midhab Kiristo-, gaalí les geer lulle gaa ˈdiyime-, yáá Báulo lééllá hí gédéchlé gálaat ki ˈdiyeenká yíéllá.

Kolosááya 1:23 ပူးပေါင်းရင်းမြစ်များ

Márko 16:15

Aalé Yíésu gáál geey, kieye, Les lúl gaa sedhíe, gálaat lulle Fayam chia Midhaballá ki ˈdiiyimíe.

Lúka 22:32

Tá yáá ko Waag kí vite, giri iiy yeenkú mán ma chegenká. Tá kuun ye hayche-, kor ye hol ˈdu gáá naateka, nyaaramkú gúófsish, Yíésu hí mú yie.

Lúka 6:48

máá kinaallá hát máá ˈbíl ˈdiˈdisat-, tiirt waar ˈgayyoká ebite-, les ˈgodhe-, hilo les ki kikisie-, hele ká fameka, ˈbíl hele hí ma muotisinyká. Hééllá he ˈdaa giri ˈbíl muí hát ˈdabaanká ˈdisseká.

Yuána 15:6

Máá ye ma gaa iđinyká, he hát kolmit gaalí lay-, gogoyyeká. Kolm hatallóóllá hollo gaalí hol ˈdú shuguna, ˈjiet ha gaalí ki lalama, hai ˈdunnuma.

He Ekeny Gál Alb Fimiká 1:17

Yúúˈdas kinaallá úba hé túóykúnno gaa yiel, hé fayam Waaˈgiet úba ki hol ˈgar sisidhe.

He Ekeny Gál Alb Fimiká 1:25

Mú ál gálle Yíésu hí alb fafuo-, Yúúˈdas hí ká hay-, muí állé fedeká mé gaa níéllá nyí gaa koyyo, gaalí yie.

He Ekeny Gál Alb Fimiká 1:8

Aalé Hím Naasan Waaˈgiet hí ˈdu gáá leeteka, fargogínt haí aargiˈda. Itín ˈjien Yerusalem, lés Yuuˈdia lullé, tá lés Samaria, tá ˈjíig les ameenylé ki taalká ˈdeenychú gálaat ha hí gaa maalsicha, muí yie.

He Ekeny Gál Alb Fimiká 11:23

Aalé Barnábas ali ki ˈjie-, Waag gielmitle argeká geer hí gaa meedhe, mu gáál lulle guofsie, giri gaal kasle Máá Guđoká gaa iđimuo-, mú el af ma gaa taaminyká.

He Ekeny Gál Alb Fimiká 14:22

Gaal ˈjien kinaal gál láliká yiir gaa chiˈde, gáál af tie, giri gaal hát ˈdabaanká iiy yeen tág chiiratká. Gaal gáál geey, kieye, Guch Waaˈgiet ki higiloka, hát hé guđoká il hí gáál aargiˈdoká kí onnow, gaalí yie.

He Ekeny Gál Alb Fimiká 2:5

Aalé Yerúsalem hé gál Yuuˈdi-, giri gál Yisirayel lé-, Waag kikiadhe-, les lúl gáá yimieká hé hí gaa ije.

He Ekeny Gál Alb Fimiká 20:24

Tá yú yáá sídhchú ye geer ma gaa ˈdeeneny. Hé chia ye ki ˈdúwaká he hújích Máá Guđo Yíésu hí ye ká shieká, giri Fayam Midhab gielmiti Waaˈgietká đulalle yú kirmisat-, yú ˈdiyeen-, yú beđisatká.

He Ekeny Gál Alb Fimiká 26:16

Aaléka les gaa keʼ, leđuđul ˈdé. Yú ko yé ˈdú gáá ˈdíéllá, máá chia ye he kí nannuoká yú ko hođia, giri hát ye argiyyééllá ubaa hé yú ko ká aargisuoká misikirle chegetká.

He Ekeny Gál Alb Fimiká 4:12

Rubach hé máá éíy taaka ke gaa aargiroká mán, ˈdaa giri lésallá hé máá níínní éíy taaka hí gaa ijo-, Waag hí gáál ka shiiche-, meenyle gálaat hí ki bebeenká mánká, Bétiro hí gáál yie.

Róóma 10:18

Aalé gál Yisirayel hé fayamééllá ma máálinyo ke yeedhe? Híʼi, gaal hé fayám maale. Hát Warˈgat Waaˈgiet hí hote-, kieye, Fayám hé les lulle eiy bash ki chie, ˈdee hé les lulle mé ki ˈdoy, chieká.

Róóma 15:16

ye gédéch Yiesu Kiristo hoyche-, ye hújíchle mé ki koyye-, Fayam Midhab Waaˈgietallá yú gál gál Yuuˈdi muuninyká ki ˈdiyeenká. Waag ye hújíchallá mé ki koyyééllá, he giri Hím Naasan Waaˈgiet gál gál Yuuˈdi muuninyká dhiiˈdo-, gáál suor ˈdúwa-, Waag hí iiy chegetoká hođichoká.

Róóma 2:7

Gál hé midhabká ekemeyo-, giri aadh ˈdaatika Waag hí meeycho-, muí gál ˈdúwaká yeget-, gón ma kufuminyká muí shiguoká, luolmit biiyoká Waag haí shigicha.

Róóma 5:5

ˈDaa giri Waag múún gáál Hím Naasanle ká shiiche-, gáál gielmitle koch ki hoychééllá, he af iđiny Waaˈgietallá met esiny ubaa onyle hé gáál af hódho ma hođiny.

Korínto Erká 15:58

Aaléka, nyaaram chia yú gielallo, taganokícho ˈdée, ha gaalí riitisîny. Aadh lulle Máá kúnnaa Guđoká hújíchle taalle hát ˈdabaanká naannáa. Hujichaam lullé hí Máá kúnnaa Guđoká ki nanniyyóóllá hát hé midhabká hí yé gáá ˈdeˈdeenká it óg.

Korínto Erká 3:5

Aaléka, Abóllos he mááya? Héétí Báulo he mááya? Nyíín taalle nyí gede Waaˈgiet, giri hí ˈdaakínyoka fayam Kiristo iiy ki chieká. Nyíín hullaakínyo hújích Máá Guđoká hí nyí met eiy ki kuokoyká nyí nanniyya.

Korínto ki Naamaká 10:1

Itín ˈbaal hí tawuyyeká, yáá Báulo lééllá, af giri ke hol af ijoká in síer, af giri ke hol in eiy ka láká tákáma nyáálle? Yú hát káána Kirísto abunaʼ-, nog seseenallá, yaalmit hat kinaallóóllá in yú ˈgaa, yú hí gil ki egefe.

Korínto ki Naamaká 11:23

Tá gaal har he gede Kiristo hol yegetka, yaa súm gáál ˈdú gédéch Kiristo. Yú meka hát máá me hí ˈjieˈdeká ˈdéé ká hogodho. Yaa gáál hújích fargogoká súm ˈdú nie, yú ubaa gaal íínka yaa gálaat ye af burnayká ki hiigidhe, yaa gálaat ye af burnayká ki tune, yaa af burnayká kúfach bala gáá bie.

Korínto ki Naamaká 3:6

Nyiin Waago úba nyí he hol af iđinylé kaanáállá hújíchle nímle uritle shiiche. He hol af iđiny kaanáállá hé hemuumurit Móshe hí veereká ˈdaalle ma ki taaliny, Hím Naasan Waaˈgieto ˈdaalle ki taalla. Hemuumurít íín kúfacho gáál mé ki kokoyyo, Hím Naasan Waaˈgiet íín luolmíti gáál yé ˈdú ˈdeđicha.

Korínto ki Naamaká 4:1

Aaléka, ˈdaa giri Waag nyí geer guuralle hújíchallá mé ki koyyééllá, nyáá nyí ma giinany.

Korínto ki Naamaká 6:1

Aaléka, nyííni nyí Waag hol hujich ˈgar nanniyyóóllá, gillo ke hí ki efe, Waag ˈdúˈjímlé hí argiyyééllá haí eeshêny.

Galátia 4:11

ˈDaa kíchoka geer hé tág ye gaa ˈdeenedhe. Yú ta hállééllo hí ˈdú laađame?

Galátia 5:5

Tá múúni giri ke Hím Naasan Waaˈgiet ke ki ijo-, ke Kirísto iiy yíéllá, hát iiy yeen kúnnaa kinaal innum Waaˈgietka gáál gál saas mánká hođichoká hé ke óg. Muun hé ki met egessoká hé kinaallá.

Galátia 5:7

Itín érléká hát ˈdabaanká hí lađaanne. Tá mááya hí af ˈdú naate, hí fayam ˈdúwa-, hí el gaa igiˈdeká met gaa kímle ká ridhdhe?

Galátia 6:9

Hé midhab-, ki ekemeyoká hai gáál ˈgorosîny. Muun ki ma ginnanyka, hé midhab kinaal héllé hí yé gáá ˈdeˈdeenká aleđuđugulle ali kí ˈdiiyyeka ha ki aargira.

Eféso 1:18

Hé úba yú Waag rogononká, he giri Waag hí in eiy ˈdeđicho-, hé ˈdabaan biiy met gaa ijo-, Waag hí kí viiyyeká hát hí aargiˈdaká hí kiimisata-, Waag kamurlé ˈdúúw ˈgayyo-, gál Kirísto iiy yieká hílléká hí oonootoká.

Eféso 2:21

Máá Guđo Yíésu lééllá ˈdugaka in ˈbíl me hí hol ki yaalla, ˈbil seeme, ˈbil ˈbíl mu hí taak koy-, mu hílléká yeedhe.

Eféso 3:17

Yáá úba hí Waag kí rogonon, giri Kirísto ˈdaa iiy yeenkíchoka, gerkícho gaa yíéđianká. Héétí gielmit hí Waag ubaa gálaat ka ˈgayyaká hí hidh ki aruanna-,

Eféso 4:16

Hát káána gon kuuˈdamle hol af gaa ˈgíéllá, Kirísto gálle úba hát kinaallá he hoy. Gál gón Kiristo hol gielmít ká ˈguo-, hujichaamlé Kirísto hí met ki kuokoyká nannuoka, in gón Kiristo higirayya, fargoogoyyo.

Kolosááya 1:25

Yáá gédéch gál Kiristóóllá hújíchallá Waago hí ye mé ki koyye, giri yú hí ˈdeeny Waaˈgiet alulle ki ˈdiyeenká.

Kolosááya 2:7

Mú hidh ki aría, mú gáá ˈdée, hát gaalí oonisieká hí iiy yeenkícho hirasicho, gielmit hí Waag hol ˈdú nanniyyaká hí guđanat.

Dhesaloníke Erká 3:3

héétí manyjasiny kíchia hí gaa iđóól hí ma gaa riiteenká. Manyjasiny hatallóóllá múúni ki Kirísto iiy yíéllá hát il hí muun gáál aargiˈdoká it óg.

Dhesaloníke Erká 3:5

In aaléka hééllá hát níínní yú hol gaa tuo-, mánká, in yú hí Tímote ali ˈdú gáá kaay, giri iiy yeenkícho yaalmitle muí ká aargiroká. Yú kieye, Sátan taalle gáál má ki egesen, laat ˈdaa kíchoka nyí laađaanneká laat halleelloká má cheen? yú yie.

Dhesaloníke Erká 5:8

Tá múúni ki um kulichká, met hí gáál ˈdú ˈgie. Kí iiy yeen ubaa gielmít hát síbil máá yuoyoká hí bala gaa higisat-, mú ririankáka kí balo gaa hisat. Kí rúbáchkúnno ˈduuwle hát shóte-, síbil-, máá yuoyoká ririankáka kí faat.

Dhesaloníke ki Naamaká 2:16

Aalé Máá kúnnaa Guđo Yiesu Kirísto dhúrle ubaa ˈJaa kúnnaa Waag gáál giel-, ˈdaa ˈdúˈjímle ˈdugaka gáál góf biiyoká ubaa hé midhab ke met egesoká ka shíéllá,

Tímote Erká 1:12

Yáá Máá kúnnaa Guđo Yiesu Kirísto ye farguogoyóóllá gielmít hol ˈdú nannuo, ˈdaa giri mu ye máá hí af ˈduwasuoká ká dhaay-, ye hújíchle mé ki koyallá.

Tímote Erká 2:7

Yú hé ˈdúwaká hogodho, yáá hódho ma hogon. ˈDeenyéél ˈdugaka in Waag ye máá ˈdiiyiminy-, ubaa máá ali gaa kaany-, tá máá gál gál Yuuˈdi muuninyká iiy yeen ubaa hé ˈdúwa-, Waaˈgietká fayamle oonisuoká hoyche.

Tímote Erká 3:16

Hé fálaam mánká he kieye, Waag héllé geer geđi-, káána ke ógallá ebá guđáan! Kirísto hé gon kaadhdhe, lésallá ki ˈdalidhe. Hím Naasan Waaˈgiet hé mú ˈduuwle ká edhesiche. Mu hé gál ˈgasso-, urruká hí arge. Mu hé gaalí kidhano hurt gaa ˈdiiyime. Mu hé gaalí lésallá iiy gaa yie. Héétí hé Waag hí guchlé uratiká mé ki niiyye.

Títo 3:7

giri ˈdúˈjímallá ˈdaalle Waag muun gáál iiy cheget-, ke luolmit biiyo-, muí gálle af iđie-, ke met egessóóllá ke aargiroká.

Héberew 10:38

Máá innum chia ˈdúwaká he máá iiy yeen ye iiy yieká he ki ija. Tá máá ye el hol gaa nadheká hé ye geer ma gaa meesiny, he chie.

Héberew 3:14

Iiy yeen kúnnaa er-, ke Kirísto iiy yieká har ke taalle hát ˈdabaanká ke ki ˈgie-, ˈjíig biiy el ˈdaˈd kátaka, af kinaalka muun ke sheel Kiristo.

Héberew 3:6

Kirísto íín he Iny Waaˈgiet, máá Waag umle hát ˈdabaanká mé ki yaalká. Múún íín he ke um Waaˈgiet. Hé kinaal har muun ke hé ki ˈduuwle óg-, ke hol bal ki ˈdaraan-, ke met egessóóllá hát ˈdabaanká ke ki yaalka.

Héberew 4:14

Aaléka, ˈdaa giri ke Máá Guđo-, méte suoryo-, úr mé nie-, Iny Waaˈgiet Yíésu lééllá ke ˈgúóllá, iiy yeen ke mú ka ˈgúóllá kí tág chirat.

Héberew 6:19

Rúbách biiyo-, ke met egesóóllá he hé fargogo-, ke ˈduuwle óg-, gáál el mé les ki chichirat-, ke ma wawaminy-, ke Ál Súm ˈDúwa-, Waag hí gaa iđoká higiloká.

Bétiro Erká 1:3

Máá kúnnaa guđo Yiesu Kirísto ˈjaallé Waag gaalí meeyo. Mú geer guurallé guđoká ˈdaalleka, mu hé muun gáál ˈdalmaat kaanaká ká shie. ˈDaa giri Yiesu Kirísto uushich yé gáá ˈdieká, in káána hát ke luolmit biiyoká ˈguoká ke og.

Bétiro Erká 1:5

Rubach ˈdaab kúlíchlé biiy el ˈdaˈdká ali ma kí ˈdíinyká, iiy yeenkícho ˈdaalle ˈdugaka, fargogint Waaˈgiet hé hí in gaa taal. Rúbách kinaallá kúlíchle ali kí ˈdiiyyeka, Waag yíé haí ká ˈdeđicha.

Yuána Erká 2:27

Tá itín it Hím Naasan Waaˈgiet Kirísto gaa argiyye. Hím Naasanééllá hé hí gaa iđo. ˈDaa kinaallá ˈdugaka in hí máá hí hé ˈdúwaká oonisuoká ma hegesen. Hím Naasanééllá he máá hí he met lulle oonisuoká. Hé Hím Naasanééllá hí oonisichoká hé hé hódhoká muuniny, he hé ˈdúwaká. Hát Hím Naasan Waaˈgietallá hí onisichééllá, Kirísto gaa yíéđía.

Kí Edhesiny 2:10

Manyjany ál ˈjob-, il hí gaa aargiˈdoká siermle haí ˈgíiny. Bá dhaayyíe, itín ˈbaal Sátan ál ˈjob ˈbíl hiiginká haí ki lalaanna, giri muí he af kí dhaˈgasanká. Ram tomon he il haí gaa aargiˈda. Aaléka, har úba káána kúfach kátaka, iiy yeen kíchia hí ye ká ˈgayyaká haí hâny, yú hé shiicho luolmitiká haí shigia.