Kolosááya 1:20 - Fayam Midhab Yiesu Kiristoká He Hol Af Iđiny Kaanaká

²⁰ Héétí Inyle ˈdaalleka, he met lullé les gaa ijóóllá yíekaʼ, úr gaa ijoká yíekaʼ, shimít muuˈdoká. Shimitééllá mú Inylé ˈgór đarám yaalká ˈdú kufeká fáslé okoˈdeká hé yé gáá ˈdeˈdeenne, Waag ubaa he met lulle hol shimít ki mumura.

Kolosááya 1:20 ပူးပေါင်းရင်းမြစ်များ

Matááyo 1:21

María eiyyo hol nanniyya, veel yab hai ˈdaalla. Véel meenylé shigichoká Yíésu. Hééllá ˈdaa giri veel gálaat ađaabano gaa egew-, gálaat ririanká, muí mú yie.

Lúka 2:14

Waag Úr Iđoká gaalí meeyo, gál lesallo-, muí ˈdú iifoká hí naanná yíéđuo, gaalí yie.

He Ekeny Gál Alb Fimiká 10:30

Aalé Kornélios mú geey, kieye, Rám seđe ˈgitééllá aadh ˈgas saal, hát aadh ˈgas káána ke gaa ijóóllá yú ˈbíl chia gaa ije, Waag gaa vivite. Toomareka máá đafaraam bíl bíl yegetká fadhdhe mare ye met kí ˈdie,

Róóma 5:1

Aaléka, ˈdaa giri ke Yíésu iiy yie-, Waag innumleka muun gáál gál ˈdúwaká chíélláka, muun káána hé ke Waag hol naanná ki ijo. Naanna kinaallá Máá kúnnaa Guđo Yiesu Kirísto ˈdaallé he ká naate.

Filíbi 2:10

giri meeny Yíésu lééllá ˈduuwle ˈdugaka, gaal lullé úr gaa ijo-, ubaa les ˈdug ˈdú ijo-, tá kufeká lulle hí met les kurram gaa ˈdaraanká.

Kolosááya 1:16

He lullé Waag hí ka kuonnééllá Íny ˈdaallé he ká nadhe. He lullé úr ubaa les gaa ijo-, ki argo-, ubaa ki ma arginy-, hát káána kansimano met lullé urietallá Íny ˈdaallé he ká nadhe, Waag hí mú kí kuonne.

Héberew 2:17

Héél ˈdugaka in Waag mú hát lullé nyaaramle hí ˈgieká hoyche, giri mu Waag metle Máá méte suoryo-, ˈdúwa-, geer ka guurá ˈguoká yeget-, gálaat nyuogimle ubaa ađaabanolle ewle higidhoká.