Kolosááya 1:18 - Fayam Midhab Yiesu Kiristoká He Hol Af Iđiny Kaanaká

¹⁸ Mu ííni Ínyííllá he gon mé. Gónallá he gál mú iiy yieká. Mu íín dhúrle he mé gáá koon. Gál uushim yiem gáá ˈdeˈdeenká máállé méteká he mu ííni, giri he met lulle mé ki yaalká.

Kolosááya 1:18 ပူးပေါင်းရင်းမြစ်များ

Matááyo 23:8

Itín ˈdaa giri máá kíchia hí af tatuoká tikiˈde-, tá lulkícho hí hol nyaaramká, haí hol vevéminy, Máá kínyaa ˈdúwáállo, hí hol chégen.

Matááyo 28:18

Aalé Yíésu lalille kí ˈjobondhe, mu gáál geey, kieye, He lullé uratiká ubaa he lullé lesietká hé Waag hí ye mé ki koyye.

Yuána 1:1

Erkob-, Waag hátlé hé níínní ka kuonne mánká ˈDee hé biiy gaa ije. Máá gaalí ˈDéé yegetallá Waago hol af ije, ˈDee íínííllá he Waag.

Yuána 1:16

Mú ˈdúˈjímlé-, ˈdúˈjím ke hemuumurít gaa argeká a mé iđóóllá hé muun lulkúnno gáál ˈdú ookoˈdmoote.

Yuána 1:27

Máá kinaallá he máá yú met ká nadhe-, ka yiimetká. Tá yú yáá ˈduuw ˈguo-, mú koiyle saawle fuuroká mán, yie.

He Ekeny Gál Alb Fimiká 26:23

ˈDeeny kinaallá kieye, Messíya ha gaalí maanyjasia, tá mu íín he máá erkob uushich yé gáá ˈdeˈdeen-, gállé Yuuˈdiká ubaa gál kidhdhoká ˈdaalim Waaˈgiet ki ˈdiyeenká, he yie, Báulo hí mú yie.

Róóma 8:29

Waag hé gállé hátlé ma ka ˈdaláanká óg, hé úba gáál taak koyye, giri gaal hát mú Inyle yeget-, Iny gál burnay-, hol nyaaramallá angʼalle yegetká.

Korínto Erká 11:3

Hééllá hí hol eiy gaa nannasatoká yú fede, máá yab me hí Kirísto, máá ˈdiet me hí máá yáb, tá Kirísto me hí Waag.

Korínto Erká 12:27

Itín hí gón Kiristo. Gón Kiristo met hí hol ka burnayyééllá met ˈbaal hí itíni.

Korínto Erká 15:25

Hé kinaal metle, hát Waag hí muˈdeká mu hé kansím ˈguo, ˈdaab hé hí ka kídhká lulle Waag hí mú kansimle gim ma gaa iđîny-, muí met les ma ki ˈdíinká.

Eféso 5:23

Kirísto gálle he mú gónlé. Ííni gáál mé, ubaa gáál Rúbáchlé. Hát tikiˈdééllá in min bélle hí mé ki yaalla.

Kolosááya 1:24

Aalé káánaka, manyjany chia ˈdaa kíchoka, il hí ye aargiˈdóóllá geerle hé ye gaa meedhe. Manyjany chia ˈdaa Kiristoka gónchú hí aargiˈdo-, kor ˈbaal hátle ye met gaa iđo-, il hí ye aargiˈdoká ˈdaa gón Kiristo he ki taalla. Gón Kiristóóllá he gál Kirísto iiy yieká.

Kolosááya 2:19

Gál hatallóóllá hé Kirísto ma ki koongʼódon. Kirísto íín he mé, gon íín he gál Kiristo. Hát káána hedhgem ubaa kuuˈdam gon hol af ki chichiratallá, gál Kiristo úba hollo hol ki ˈgee. Gón Kiristóóllá Waago hí higirasicha.

Yuána Erká 1:1

Nyiin Máá erkob-, Waag hátlé hé níínní ka kuonne mánká ali ije-, nyí ageerle nee kokoyye-, ubaa nyí il ki argiyyeká fayamle ke hí ki ˈdiyime. Máá ˈDeeny Luolmiti lééllá nyáá nyí argiyye, nyí gilkínyo ki chiichirate.

Kí Edhesiny 1:18

Máá bííyyo ali ijoká. Yáá kufe, tá bá dháash, yáá káána luol. Yú taalle bííyyo ali ha ija. Yú yáá kúfach ubaa ál gál kufeká hí mé nannuoká kúlfílle ˈguo.

Kí Edhesiny 1:8

Máá Guđo Waag kieye, Yú he Álfa ubaa Oméga, Waag ali iđo-, kísóótí ali iđe-, tá bár ka chiimetóótíá úba ali iđo-, fargogínt lulle ˈgayyoká, he chie.

Kí Edhesiny 11:15

Aalé máá ˈgasso, urru-, ki tiiyaká faˈdle ˈdoy, úr đo shalal guđoká hí ˈdiiyye, kieye, Máá kúnnaa Guđo Waag ubaa Máállé Kirísto hé les guchle eedhdhe, tá mu taalle bííyyo biiy kansimle hai ˈgaa, shalal hí chie.

Kí Edhesiny 21:6

Aalé mu kieye, Hééllá lulle hé ali kí ˈdie! Yú he Álfa ubaa Oméga, yú he Mé Gaa Koon ubaa Biiy El ˈDaˈd. Máá báre hí chieská bíé haˈdo-, luolmitiká hállééllá yú shigia.

Kí Edhesiny 22:13

Yú he Álfa ubaa Oméga, yú he Erkob ubaa Biiy El ˈDaˈd, yú he Mé Gáá Koon ubaa Biiy Ello.

Kí Edhesiny 3:14

Gál Kiristo ˈjien Lauˈdikew gaa ijoká máállé urru-, ˈgassoká ˈdeenyééllá ˈdú véer. Máá He Hí Hát Kinaallá Yeet lé-, ˈdúwa-, fayam Waaˈgiet ˈduuwle hogodho-, tá Waag hé ka kuonneká mé ki yaalká ˈdeenyle hééllá: