Kolosááya 1:12 - Fayam Midhab Yiesu Kiristoká He Hol Af Iđiny Kaanaká

¹² ˈJaa kúnnaa Waag gielmít hol ˈdú naannáa. Mu íínííllá hé hí ˈduway, giri hé muí gállé mú édhúmle gaa ijoká muí af iđieká itín úba hí gáál hol ˈgar liiletoká.

Kolosááya 1:12 ပူးပေါင်းရင်းမြစ်များ

Matááyo 25:34

Aalé mu ííni Kansich kinaallá wala hí gíl ˈdaa naaniet ijoká hai geđia, kieye, It ˈJaachú hí ˈdú ˈguunumééllá ka yimedhíe, guch af giri ˈJaachú les ka kuoneká muí itín tág kí koyallá ka hiláa.

Yuána 14:6

Yíésu mú geey, kieye, Yú ˈgierich, ˈduuw he yú, yú luolmíti. Hé máá níínní ye ma gáá naanka, Waag ˈdú seenká mán.

Yuána 20:17

Aalé Yíésu María geey, kieye, Ha ye chíran, yáá hátle ˈJaachú hol ma ˈdú náan. Sí, nyaaramchú géesh, yú ˈJaa chia-, ˈJaakícho-, Waag chia-, Waag kíchiaká hol ˈdú naadha, muí María yie.

Yuána 4:23

Bar ali hai kí ˈdeenne, kor úba káána hé ali kí ˈdiiyye, giri gál Waag visan hí ˈdúwaká ˈdaa Hím Naasan Waaˈgiet-, gáál Waag ˈduuwle kí eedhesichoká ˈJaa kúnnaa Waag ki vivisatká. Gál hatallóóllá in ˈJaa kúnnaa Waag hí hol gaa ˈgeˈgedhe, giri gaal mú vivisatká.

He Ekeny Gál Alb Fimiká 20:32

Yáá hí Waag gíl geerle fie, hí Waag ˈdeenylé gielmitiká ˈdú hay, giri ˈdee hí iiy yeenkícho higirasuo-, ubaa gál Waag hí gálle hosote-, muí taak koyká lulle hí mú áˈjánle hol ˈgar aargiˈdaká.

He Ekeny Gál Alb Fimiká 26:18

giri gáál in eiy ˈdeđicho-, bííy gaa ongʼoˈdeká gaalí hol gáá nannaat-, gaal bííy gaa édhká bala ˈdú gáá nannuoká. Héétí ubaa gaal fargogint Satan gim yé gáá ˈdeˈdeen-, Waag bala ˈdu gáá nannuo-, giri Waag hí ađaabano ubaa nyuogimle gaa egeyyo-, tá alb gál ye iiy yie-, yú saas gaa eeyallá hí gaa ijóóllá gaa yíéđianká, muí ye yie, Báulo hí mú yie.

Róóma 11:17

ˈGór Waag hí fiiyyééllá hídhle kolmo he golmia. Gál Yuuˈdi Kirísto iiy ma yéenká he kolm Waag hí ˈgórle gaa muˈdeká. It hí Kirísto iiy chíéllá he ˈgór tím gáá ˈdieká kolmlé Waag hí ka muˈde-, muí kolm giri muí mureká albléká gaa kuokoyká.

Róóma 15:27

Hé shiichóóllá he hé súm gaalí fede-, gaalí gáál shiguoká. Hééllá gaalí gáál shíéllá he ˈdaa giri gál Kiristo Yerúsalem gaa ijóóllá gál kidhdhóóllá Fayam Midhab Kiristóóllá ka hilsieká. ˈDaa kinaallá in gaal gáál ˈdú ˈjie, gáál héllé hí ki ˈgierˈgereká ˈdú chiˈde.

Róóma 8:17

Aalé káána ke Waag umle yíéllá, Waag hé umle af iđicheká úba ha ke aargira. Héétí har muun hát Kirísto manyjayallá ke úba Kirísto ˈdaalle ki manyjayka, Waag múún Kirísto ˈgarro gáál hol ˈduuwasicha.

Róóma 9:23

Waag hééllá ekemeychóóllá, he giri guchlé ˈdúúw ˈgayyóóllá gál he waarateká aargisichoká. Tá Waag har gálallá he gál geer guuralle aargisicho-, ubaa hí guchle higiloká hođichoka, hééllá meete ˈdeew ke gaa hogodho?

Korínto Erká 8:6

Tá Waag íín hát tikiˈdeká hé ke óg. Waag kúnnaallá he ˈJaa kúnnaa he met lulle ka kuone-, muun ke ki ijoká. Héétí, Máá kúnnaa Guđoká íín hát tikiˈdeká hé úba ke óg. Máá kúnnaa Guđóóllá he Yiesu Kirísto giri he met lulle ˈdaalle Waag hí kí kuonne-, ˈdaalle múún ke ki ijoká.

Korínto Erká 9:23

He lulle ˈdaa Fayam Midhab Kiristóóllá yú ki ekemeye, giri yú fayamééllá ˈdúˈjímle gaa yíéđianká.

Korínto ki Naamaká 11:14

Hééllá hé yaalmit gáál af ˈdaˈdabsichoká muuniny, ˈdaa giri Sátan íín úba hol máá ˈgasso-, Waaˈgietká ka hođichoká.

Korínto ki Naamaká 5:5

Máá muun gáál ka kuone-, gáál gón kaana-, biiyóóllá ka shigúóllá he Waag. Waag íínííllá in gáál Hím Naasanle ká shiiche, giri luolmit biiyo kinaal ke met gaa ógká.

Eféso 1:11

Waag ˈdaa giri kíssóótí ˈdéé murateká, in Kirísto ˈdaalleka, múún gáál gálle hosote. Hát tikiˈde kinaallá in ˈdeeny Waag hí feˈdo-, hí muˈdoká lulle hát kinaal ˈdeˈdeme.

Eféso 1:18

Hé úba yú Waag rogononká, he giri Waag hí in eiy ˈdeđicho-, hé ˈdabaan biiy met gaa ijo-, Waag hí kí viiyyeká hát hí aargiˈdaká hí kiimisata-, Waag kamurlé ˈdúúw ˈgayyo-, gál Kirísto iiy yieká hílléká hí oonootoká.

Eféso 2:18

Aalé ˈdaa Kiristoka, múún met hullaakúnno Hím Naasan Waaˈgiet tikiˈdééllá ki ˈJaa kúnnaa Waag met ki seseenká hé ki uro.

Eféso 3:6

Hé geer geđi-, Waaˈgietallá hééllá: ˈDaa Fayam Midhab Kiristóólláka, gál gál Yuuˈdi muuninyká hát gál Yuuˈdi hí aˈjibaat Waaˈgiet aargiróóllá íín úba hai aargira. Gálallá met hullaalle he gon tikiˈde, ˈdaa Kiristoka, he af iđiny Waaˈgiet úba ˈgarro hol aargira.

Eféso 4:6

Waag íín tikiˈde, ííni he lulle ˈJaallé, ííni he lulle mé, ííni he lulle hí ki ija, tá ííni lulkúnno gáál gaa iđa.

Eféso 5:11

He ekeny nyag mán-, gálle bííy gaa dhátká gaa seseenká hol gáá faganayyíe, hé ˈdeđew kinaal ka edhesía.

Eféso 5:20

He lúl ˈdugaka, Máá kúnnaa Guđo Yiesu Kirísto meenyle ˈdaalle ˈJaa kúnnaa Waag ki vivitíe, mú aadh lúl gielmít hol ˈdú naannáa.

Eféso 5:4

Héétí haí ˈdeem đeemoká hógon, ádúm kern mantiká ubaa ˈdéé hót kern manti-, gálle af ka húrt mánká haí ˈgíiny. Yaalmitééllá hé tagle muuniny, Waag gielmít hol ˈdú niiny tákáma ˈdúwa.

Eféso 5:8

Itín kíssóótí bííy gaa dhátká hí gaa iđe, káána ˈdaa giri hí Máá kúnnaa Guđoká hol lileteká it hí mú édhúmle argiyye. Édhúm kinaallá gaa yíéđía.

Kolosááya 2:2

Laatééllá yú hatallá lađaanallá he giri lulkícho hí gofononno-, hí hol gielmít ka ˈgayya-, hí ˈdúˈjím Waaˈgiet aargiˈda-, giri Waag héllé geer geđi-, ˈdaa Kirístoká hí hát ˈdabaanká eiy nannasataká.

Kolosááya 3:15

ˈDaa giri hí gon tikiˈde-, Waag hí naanná kí viiyyeká, Kirísto naannalle hí gaa yíéđiyyo, hí he gaa muumuˈdo, Waag gielmít hol ˈdú naannáa.

Kolosááya 3:17

He lullé hí ekemeycho-, ubaa hí hogotoká lulle Máá kúnnaa Guđo Yíésu meenyle ki eekemeyyíe, tá mu íín ˈdaalleka, ˈJaa kúnnaa Waag gielmít hol ˈdú naannáa.

Títo 2:14

Mu íín dhúrlé gáál hol ˈdu gáá sillie, giri mu múúni ke mú iiy yíéllá he met lullé gaa nyakarichká gáál gáá bibisuo-, gáál dhidhiro-, gáál gálle hođisat-, gál hé midhabká ekemeyoká gófle ˈguoká gáál hođuoká.

Héberew 12:23

It Waag gállé guch um erká aargiro-, meetle Waag hí úr gaa veeˈdeká hol ˈdú faanne. It Waag gálaat lulle hol eiy gaa nanniyyo-, ubaa sidham gál Waag hí ˈduwayche-, ur Waaˈgiet hileká ˈdú gáá chimie.

Héberew 3:1

Aaléka, it nyaaram chia Waag híllé-, Waag hí urle kí viiyyééllo, Máá Waag hí ali gáá kaayye-, méte suoryo-, Yíésu lé-, ke iiy yíéllá kaskícho gaa iđía.

Héberew 3:14

Iiy yeen kúnnaa er-, ke Kirísto iiy yieká har ke taalle hát ˈdabaanká ke ki ˈgie-, ˈjíig biiy el ˈdaˈd kátaka, af kinaalka muun ke sheel Kiristo.

Yákob 3:9

Ere ííni ke Máá kúnnaa Guđo Baabá Waag ke ki memeye. Tá úba e gál Waag hí yaalmitle tág ka niiyyeká ke ki waaˈgata.

Bétiro Erká 5:1

It káru-, hí gáál hursam gaa iđáállo, yú he karsich, hát itíni. Yáá giri Kirísto manyjanyle il ki argééllá, af giri Waag ˈduuwle ka eedheyyoká yú úba he máá hí hol ˈduuw kinaal ˈgar aargiˈdoká. Aaléka, gillo yú hí ki efe,

Yuána Erká 1:3

Hé nyí argiyye-, ubaa nyí maalleká ke hí ki ˈdiyime, giri itín ubaa nyiin ke hol ˈdú faan-, ke tikiˈd yegetká. Aalé hát káána nyiin nyí ˈJaa kúnnaa Waag ubaa Inylé Yiesu Kirísto hol ˈdú faannééllá, hol ˈdú famit kúnnaa kinaallá hé ˈJaa kúnnaa Waag ubaa Inylé Yiesu Kirísto hí gaa ijo.

Kí Edhesiny 21:23

ˈJien hé aadh ubaa ˈgúíy édhúmle hí gaa verenoká ma hegesen. Hééllá he ˈdaa giri ˈjien Waag ˈduuwle hí gaa eedhesuo-, ˈjien nyátáálle íín he Élínyiká.

Kí Edhesiny 22:14

Gál gielolle ˈjieká ebá Waag hí ˈdú ˈjiiy! Gál kinaallá ˈduuw gálle ˈjien Waaˈgiet karafanolle ki higilo-, ˈgór luolmitiká saanolle kokuoká Waag haí shigicha.

Kí Edhesiny 22:5

Biiy hé geđi ma chuchurany, tá ˈdaa giri Máá Guđo Waag íín he gáál édhúmléká gaal hé geđ nyátáá édhúmle ubaa aadh édhúmle ma hegesen. Aalé gaal taalle bííyyo lesso he gaa mumura.