Kolosááya 1:10 - Fayam Midhab Yiesu Kiristoká He Hol Af Iđiny Kaanaká

¹⁰ Waag ke hí hatallá kí rogononallá he giri itín yaalmisano midhab-, hí ki iđáállá Máá kúnnaa Guđoká hí ˈdúúw gaa aargiroká. Héétí hí mú hát lulle geer gaa memesicho-, he lullé midhab hí nanniyyáállá taalle saano midhabká hí yiem gáá ˈdeˈdeen-, hí Waag hát ˈdabaanká oonootoká.

Kolosááya 1:10 ပူးပေါင်းရင်းမြစ်များ

Yuána 15:16

Itín it ye ma ka éeny, yaa hí ká shuune, hí hujichaam met ki kuokoy, giri hí seseenne-, saano hí gáá higisso-, saano kinaal bííyyo ali ijo-, hé hí ˈdaa meenychú ˈJaachú ki hegesetoká muí ká shiguoká.

Yuána 15:8

Itin saano burnayká hí gáá higisso-, hí lalichú ká iđaka, hé kinaallá in ˈJaachú ˈdúúw shigia.

Yuána 17:3

Luolmit biiyoká hatallá gaalí aargira, giri kúúni Waag tikiˈde-, ˈdúwáállá gaal ko óg-, yáá Yiesu Kirísto-, kuun ye ali gáá kaayyééllá úba gaal ye ógká.

Róóma 1:13

Nyaaramchú, hééllá mé ka gáa, hát yú af burnayká hí ˈdu gáá yiimetká fedo-, kor hát ˈdabe-, ˈjíig káána đigallá. Hé yú fedoká he giri hát tikiˈde yú gáál kidhóótí Fayam Midhab Kiristóóllá ki ˈdiiyime-, gaal Kirísto enníéllá, in úba it Roomáállá yú hí ki ˈdiyeenká yú fede.

Róóma 4:12

Eshi eshim kúnnaa Abirááyam íín úba gál hermisat-, Kirísto iiy yíéllá ˈjaallé. Gálallá he gál Yuuˈdi iiy yeen Abirááyam íín hátlé ma hermísanká hí ˈgieká ˈguoká.

Róóma 6:4

Aaléka, ˈdaa giri ke bie gim nadhe-, ke Kirísto hol ˈgar kufeká, yíéđiny kúnnaa kissoká úba mán chie. Hát káána ˈJaa kúnnaa Waag fargogintlé ˈdúúw ˈgayyo-, Kirísto uushich yé kí ˈdeeychééllá, in Waag muun úba gáál luolmit kaanaká shiiche, giri ke yíéđiny kaanaká ke ki ijoká.

Korínto ki Naamaká 2:14

Nyáá nyí Waag gielmít hol ˈdú nanniyya. Waag aadh lulle ˈdaa Kiristoka hé nyí met gaa igiˈdo, fufucho. Waag nyí hújíchle ki nannasata, giri nyí Fayam Kiristóóllá hát sáláb usiyyo-, usle biiy lúl bash ki chegetokáka nyí alb lulle bash ki hođichoká.

Korínto ki Naamaká 4:6

Muun Waag tikiˈde kieye, Edhum hí bííy gaa ongʼoˈdeká yé gáá ˈdie, chieká in muun kaskúnno édhúmle gaa iđiche, giri ke mú ˈduuwle oonnootká. Waag ˈduuwlééllá in gálaat hí Kirísto gaa aargira.

Korínto ki Naamaká 5:9

Aaléka, har káána úba nyí gón kúnnaa lokoolomallá gaa iđa yíekaʼ, nyí éget Máá kúnnaa Guđóóllá gaa iđa yíekaʼ, hé nyiin nyí súm feˈdoká he giri nyí Máá kúnnaa Guđóóllá geer gaa memeychoká.

Korínto ki Naamaká 9:8

Tá Waag ˈdúˈjímle hát lulle hí ˈdú okoˈdmichoká hé uˈdo, giri itín aadh lulle hí he ˈgayya-, tá hí gálaat hát lulle ˈdú ˈjeˈjeennoká hí uˈdaká.

Eféso 1:17

Máá kúnnaa Guđo-, Yiesu Kirísto ˈJaallé Waag ˈdúúw ˈguoká taalle ha yú rogonmo, giri muí Hím Naasan ˈdaalimo-, ubaa he hol eiy gaa naasanká ká shiguo-, tá hí mú hát ˈdabaanká eiy nannasatoká.

Eféso 2:10

Múún ke hé lilammo-, Waag hí tág koyyeká. Waag múún gáál gál Kiristo hoycheká, in muun hújích midhab-, Waag hí kíssóótí gáál met tág koyyeká ki nannaa.

Eféso 4:1

Aaléka, yáá ˈdaa Máá kúnnaa Guđokáka, hiigin gaa ijóóllá, gillo yú hí ki efe, yaalmit midhab-, Waag hí kí viiyyeká hát ˈdabaanká gaa yíéđía.

Eféso 4:13

Yaalmitééllá in lulkúnno iiy yeenkúnno ubaa kas kúnnaa ki Iny Waaˈgiet ki ógká tikiˈd cheedhe, muun ke higiraa, ke hát Kirísto yeedhe.

Eféso 5:10

Hé Máá kúnnaa Guđoká geer gaa memeyoká hol gaa ˈgeeˈgedhée, eekemeyyíe.

Eféso 5:15

Tá aaléka, nog sedhíe, haí gál đéeská chéen, ˈdaalím ˈgáa.

Eféso 5:2

Hát Kirísto múún gáál giel-, gáál sídhle ˈdú sillie-, hol suor hoy-, suor kinaal hé shiicho ussaká Waag ki hoyká, itín úba gielmit hatallóóllá ˈgáa.

Filíbi 1:11

Héétí Yiesu Kirísto hí kuol gaa chiirat-, hí hé midhabká ekemeycho-, Waag íín hí ˈdúúw ubaa meeny gaa aargiˈdoká.

Filíbi 1:27

Hé ˈdúwaká hééllá: Húgúm fayam Kiristo méé miidhanayyoká ˈgáa. Har hí hát kinaal ˈdiiyyeka, yú hí af kí ˈdeʼ yíekaʼ, fayamkícho yú maal yíekaʼ, yú hát hí kas tikiˈdeká ˈgayya-, hí tág ˈgiiyya-, hí Fayam Midhaballá he onisinyle hol ˈgar lađaanna-,

Filíbi 4:18

Káána hé shiichokícho Ebafuroˈdíto hí ye ˈdu gáá sidheká, yáá hé ye ki ˈgeeˈgerneyká lulle arge, tá ití ye hé éíy burnayká úba af ˈdú fiiyye. Hé shiichokícho he suor usiyyo-, Waag hí iiy cheget-, Waag geer gaa memesichoká.

Kolosááya 2:19

Gál hatallóóllá hé Kirísto ma ki koongʼódon. Kirísto íín he mé, gon íín he gál Kiristo. Hát káána hedhgem ubaa kuuˈdam gon hol af ki chichiratallá, gál Kiristo úba hollo hol ki ˈgee. Gón Kiristóóllá Waago hí higirasicha.

Kolosááya 2:6

Aaléka, hát hí Yiesu Kirísto iiy chie-, hí mú Máá kíchia Guđoká hosotééllá taalle mú gaa yíéđía.

Kolosááya 3:20

Ummo, gál hí ˈdaleká hát lulle met gaa keekeemíe, ˈdaa giri hééllá Máá kúnnaa Guđoká geer gaa memeyoká.

Kolosááya 4:5

Gál Kirísto muogká húgúm midhab-, ˈdaalimoká ki sedhíe. Hát kinaallá in gálaat aadh lulle húgúmkícho Kirísto gaa aargira.

Dhesaloníke Erká 2:12

Hé ke hí chuchure, ke hí gogofsie, ke hí af tatie, giri hí innum Waaˈgiet hát ˈduwantiká gaa iđoká. Waag íínííllá hé hí guchle ubaa ˈduuwle kí viiyye.

Dhesaloníke Erká 4:1

Nyaaramkínyo, aaléka, Máá kúnnaa Guđo Yíésu ˈdaallé ke hí gil ki efe, ke hí gogofsia, giri hát káána iđiny Waag geer gaa memeychoká hí nyí gaa onnote-, hí ki iđóóllá, yaalmit hat kinaallóóllá af ˈdú faafadhdhíe, ki yíéđía.

Tímote ki Naamaká 2:4

ˈDaa giri máá yuoyo-, máállé hí mé ki yaalká geer gaa memesuoká fedoká, in hújíchle gaa yaalka, ˈdeem gabarich hursam ma higiliny.

Títo 3:1

Aaléka gáál géesh, gaal hí gál kansím ˈguo-, les met ki ˈgieká guguchle onnow, hí gáál met gaa keekeen. Gaal hí hé ˈdabaan-, ekemeyoká uritle ˈguo.

Títo 3:14

Gálkúnno hé midhab he ekemeyoká hí hol onisuo, hí húgúmle hosot, giri hát ˈguo-, gálaat héllé hí ki ˈgierˈgereká he gaa shiguoká.

Héberew 11:5

Énok iiy yeenle ˈdaalleka in kúfach il ma ki árginy, hátlé fayyáká Waag hí eete. ˈDaa giri mú Waag hí eeteká in mú gaalí ˈdabe. Hé Warˈgat Waaˈgiet hí gáál ka geeycheká kieye, Mu hátlé les gaa ije-, Waag hí ma éenká, in gálaat mú máá Waag geer gaa meeyká yie.

Héberew 13:16

Hé midhabká hí hol ki ekemeychoká ekenyle haí hâny. He ekeny hatallóóllá he hé shiicho-, ke Waag shiguo-, Waag geer gaa memesuoká.

Bétiro ki Naamaká 1:8

Yaalmisanóóllá taalle hí ˈgayya-, hí ki higirayyoka, af kinaalka it taalle hí Máá kúnnaa Guđo-, Yiesu Kirísto oonnootallá it hí gál esham maaman-, saano hí gáá higisso-, mánká ma chegen.

Bétiro ki Naamaká 3:18

Tá Máá kúnnaa Guđo-, Rubachiet-, Yiesu Kirísto lééllá ˈdúˈjímle ubaa onyle ki hiráa. Káána ubaa bííyyo, ˈduuw taalle hí mú hélle yeet. Iiy-hí, he hí hát kinaallá yeet.

Yuána Erká 3:22

Héétí, hé mákárta-, ki mú rogononká ha ke mú gaa aargira. Hé kinaallá he ˈdaa giri ke mú hemuumuritle ki met gaa kekeen-, ke hé mú geer gaa memeyoká ekemeyoká.

Yuána Erká 5:20

Iny Waaˈgiet hát ka yimie-, ˈdaalim ke Waag ˈdúwaká ke ki kiimisatká gáál ka shieká hé ke óg. Múún Máá ˈdúwa-, Waag Inylé-, Yiesu Kirísto lééllá ke gaa ija. Mu íínííllá he Waag ˈdúwaká ubaa luolmit biiyoká.

Yuána ki Seđeká 1:6

Gál ko gáá nannaatallá hé gál nyaaram-, állá gaa ijóóllá gielmitkú geey. Aaléka, gaal ˈgierimlé gaa igiroká yaalmit innum Waaˈgiet gaa tagléká ki nú, gáál ˈgas gaa kúókog. Hé kinaallá ekemeychoka, kuun hé ˈdúwaká ekemeyche.