Kí Edhesiny 8:7 - Fayam Midhab Yiesu Kiristoká He Hol Af Iđiny Kaanaká

⁷ Máá ˈgasso, urru-, erká faˈdle ˈdoy, đo ír waar ˈguoká ubaa ˈjiet fás hol ˈguoká les ˈdú okoˈde. Les met ˈdinnamlé seđeká mé ˈdíne tikiˈd ubaa ˈguorle ˈdunay, ísh nyuro-, hí gaa ˈgieká lúl úba ˈdunay.

Kí Edhesiny 8:7 ပူးပေါင်းရင်းမြစ်များ

Yákob 1:11

Hát tikiˈde aadh ká ˈjeˈjeen-, kulkul ˈguor kállánylé ˈdabaanká guogosuo-, okoˈdmúóllá, in máá kamúrutká hátlé giri héllé kinaal gaa seseenká in úba el me hí ˈgiidha.

Bétiro Erká 1:24

Hát káána Warˈgat Waaˈgiet hí hote-, giri kieye, Gálaat lulle íín hát iish, gáál ˈdabintle hát kallany. Iish hai moorˈgoo, kallany hai okoˈdmoˈdo,

Kí Edhesiny 12:4

Áních kinaal wásle waanieká hidhino met seđ mé tikiˈd úr gáá okoˈde, les ˈdane. Anich min ˈdal hí ka chirateká bala ki ˈdie, giri min veellé ka ˈdalloká kokuoká.

Kí Edhesiny 16:2

Aalé máá ˈgasso-, urru-, erkobká sedhe, kedmitlé idho Waaˈgiet hí gaa iđeká les méle ki nie, gál giri bíních kach ˈguoká gúíyle ˈgie-, binich yaalmitlé gaalí tág nieká met les kurram gaa ˈdane-, memeyká đo lilo ˈdeđew-, kullaká hí yiem gáá ˈdie.

Kí Edhesiny 16:21

Héétí ír waar guguđoká ˈguo-, tikiˈd ilshamle hát wár ilishkáka úr gáá okoˈde, gálaat ˈdú ˈdane. ˈDaa giri ír waar ˈguo-, kinaal súm ˈdeewká gálaat Waag chaachare.

Kí Edhesiny 6:8

Yú fuˈjieká, fárích ikarká arge. Máá hí ˈdú ijoká meenyle Kúfach. Tá mú Ál Kufachietká hí el gaa igira. Gálallá in Waag hí fargogínt shiiche, giri gál les gaa ijo-, met hí afurká mé tikiˈd faaˈd órofká ubaa már, tá basham ubaa bine kach ˈguo-, lesietká ki yegeská.

Kí Edhesiny 7:1

Hééllá el ˈdaal gál ˈgasso-, urru-, afur-, les met ˈdinnam afuraalle ˈgie-, wááních biiy ˈdinnam afuraalle gáá nannieká met gaa moy-, giri waanich les yíekaʼ, bás yíekaʼ, ˈguor yíekaʼ ma ˈdú ˈdaraminyká yú arge.

Kí Edhesiny 9:15

Aaléka, gál ˈgasso-, afur-, urru-, Waag hí aadh ˈgaséél, kúlíchal, ˈguiyáál, tá wáral taak ki koyyeká gaalí ká hay, giri gál les gaa ijo-, met hí seđeká mé tikiˈd yegeská.

Kí Edhesiny 9:18

Hé seđe-, ˈjiete, éér, tá waar ˈjiet hí gaa boloonneká fára af ger yiem gáá ˈdeˈdemééllá gál les gaa ije-, met hí seđeká mé tikiˈd yies.

Kí Edhesiny 9:4

ˈGamutaach Waag hí geeyche, giri iish ubaa ˈguor tá he lullé ˈgileeb les gáá ˈdeˈdeenká ma ˈdeđeneny-, gál giri gúíy Waaˈgiet met bala ka mánká tákámle gon bólo aargisuoká.