Kí Edhesiny 8:3 - Fayam Midhab Yiesu Kiristoká He Hol Af Iđiny Kaanaká

³ Aalé máá éíy taaka-, ˈgasso-, urru-, kedmit horki-, gaalí éru ki ˈdunmayoká gíl ká ˈguoká ká yimie, kúb suoryoká bala ki ˈdie. Mú gaalí eru guđoká shie, giri mu eru kinaal ubaa Waag visan gál Kiristoká lulle kúb suoryo-, horki-, kara guchiká met ijoká álle Waag ˈdú siidhoká.

Kí Edhesiny 8:3 ပူးပေါင်းရင်းမြစ်များ

Lúka 1:10

Aalé aadh ˈgas giri gaalí henyit éér kikuoká ali kí ˈdiiyyeká mu ˈBíl Waaˈgiet hile, henyit éér kie. Gál ˈBíl Waaˈgiet álle hol ˈdu gáá yimie-, baaˈd ˈgieká henyit eer hí kieká lulle Waag vite.

Róóma 8:34

Máá muun gáál innum Waaˈgiet gaa ˈdeđensetká he mááya? Hé mán. Muun Yiesu Kirísto tikiˈde-, gáál ˈdú kufe-, Waag hí geđi loolnoyche-, hí uushich yé gáá ˈdeeyche-, káána Waag gíl ˈdaa naaniet ijóóllá, in múún gáál ˈdéé ˈdú hogodho.

Héberew 7:25

ˈDaa kinaallá in mu fargogínt ˈgaa, giri gál mú ˈdaalleka Waag ˈdú gáá yiimetká muí ririanká. Mu íín taalle bííyyo hé ali ijo, giri gál hí gáá nannaatká ˈdaalle ˈdugaka gáál Waag ki ruogononká.

Héberew 9:4

ˈBíl geer kinaallá hélle he kúb gaalí hórkí ˈdug ki saale-, gaalí éru ˈdug gaa ˈdunmayká ubaa sanˈdug he hol af iđiny-, gaalí úba hórkí ˈdug ki saaleká. Sanˈdug kinaallá hé hí gaa ijeká he óngʼólích gaalí hórkí tág gaa nie-, mánna hí gaa iđeká ubaa Ááron gasarlé gurf ˈgileebká ˈgayyeká, tá waar Waag hí hemuumurit he hol af iđinyká gaa veeˈdeká.

Kí Edhesiny 10:1

Aalé yú máá éíy taaka-, ˈgasso-, urru-, fargogo-, úr gáá leledho-, nyáˈdow hí buanne-, chala hí mé ˈdug ˈdú taal-, innumle hát aadho, tá ˈgasle hát ˈbíl aarlé ˈjiet hí gaa boloonnoká ki égká arge.

Kí Edhesiny 14:18

Aalé máá éíy taaka-, ˈgasso-, urru-, ˈjiet fargogintle ˈguoká kúb suoryoká álle yé gáá ˈdie. Máállá máá ˈgasso-, urru-, faaˈd órof-, alléká ˈguo kinaal hí af ˈdérká ki geey, kieye, Saano vinna lesietká hé hisse. Faaˈd kua allééllá éew, saano kinaal ˈgulamle hol ˈdú mur, yie.

Kí Edhesiny 5:8

Aalé mu warˈgát eedhdheká, hé giri luogol-, afurká ubaa karu giri tomonaam naama a afurká Élíny ˈgas met abuunam les gaa ˈdane. Hé luogol kinaal ubaa gaal íín lúl hé áár ki ˈdaraanká ubaa kedm horki-, eruká gil ká ˈgaa. Eru kedm yé gáá ˈdeˈdeenallá he Waag visan gál Kirísto iiy yieká.

Kí Edhesiny 6:9

Aalé Eliny kat tiiyaká katlé ki chenká sillieká kúb suoryoká gimle gál ˈdaa ˈdeeny Waaˈgiet ubaa ˈdéé ˈdiiyiminyle ˈdugaka gaalí yieská sidhamle yú gaa arge.

Kí Edhesiny 7:2

Aalé geđi yú máá ˈgasso-, urru-, éíy taaka-, ˈdaa baryo yé gáá ˈdeˈdeenká arge. Mu Waag bííyyo ali iđoká gúíylé gálaat ki guguoká gíl ká ˈgaa. Mu gál giri ˈgasso-, urru-, afur-, Waag hí fargogint les ubaa bás ki ˈdeđeneyoká shiicheká af ˈdérká ki geey, kieye,

Kí Edhesiny 8:4

Eru érle ubaa Waag visan gál Kiristoká kedmít máá ˈgasso-, urruká hí gíl ka ˈgieká geer yé gáá ˈdie, Waag met gaa kie.

Kí Edhesiny 8:5

Aalé máá ˈgasso-, urruká ˈduno bolomeká kúb suoryoká ˈdug gáá shuunne, kedmit gíl ka ˈgie kinaal ká fadhdhe, ˈduno les ˈdú okodie. ˈDuno bolome kinaal les ˈdú okoˈdeká ˈgeˈget đo shiiyye, yaaˈde, ir biirgime, les úba mootoonne.

Kí Edhesiny 9:13

Aalé máá ˈgasso-, urru-, ki leká faˈdle ˈdoy. Yú đo kúb suoryo-, horki-, Waag met gaa yaalká gaaslé afurká ˈdéé hót gaa maale.