Kí Edhesiny 8:2 - Fayam Midhab Yiesu Kiristoká He Hol Af Iđiny Kaanaká

² Aalé gál ˈgasso-, urru-, tiiya-, aadh lulle Waag met ˈgieká yú arge. Gáál gaalí faˈd tiiya eiy taat shie.

Kí Edhesiny 8:2 ပူးပေါင်းရင်းမြစ်များ

Matááyo 18:10

Onnóo, haí gál niginííllá mú tikiˈd eeshêny. Yú hí geeye, gál niginííllá gál ˈgasso-, urru-, hí ˈdeˈdeenká hé ˈJaa chia úr ijoká aadh lulle hol af ijo.

Matááyo 24:31

Gál chia urru-, ˈgassoká faˈd súm ére léká hai ˈdarama, gáál biiy ˈdinnam afuraalle ali ha yú ˈdú fafaa, giri gál chia yú waaˈdeká gaalí hol ˈdu gáá shugunoká.

Lúka 1:19

Aalé máá ˈgasso-, urru kinaal mú geey, kieye, Yú he Gáburiel, giri Waag innumle gaa yaalká. Yú Waago ko ye ali ˈdu gáá kaayye, giri ko fayam midhaballá shiguoká.

Lúka 21:36

Aadh lulle ˈdeeyimíe, Waag vivitíe, hé geđ igiro-, hí hát ˈdabaanká gaa nannaataká fargogintle muí shio, giri úba hí Iny Máádhat met ki ˈdeenká, Yíésu hí gáál yie.

Korínto Erká 15:52

Hééllá he af giri faˈd biiy el ˈdaˈdká úr gáá sheennoká. Af giri faˈd kinaal sheennoká, gál kufeká Waag uushim yiem haí gáá ˈdeđicha, gaal hé geđ ma kufuminy, lulkúnno hát in hol ki ˈdony af hí tikiˈdekáka hollo ko hol gaa soromo.

Dhesaloníke Erká 4:16

Máá kúnnaa Guđóóllá dhúrle úr hai gáá yiimedhe, kóˈd guđo-, hemurít ˈguoká úr yé hai gáá ˈdeeme, mu máá méte urru-, gassoká afle ubaa faˈd Waaˈgiet shímle hai kí yiimedhe. Tá gál Kirísto iiy yie-, kis mán yieká er uushim yiem hai gáá ˈdeeme.

Kí Edhesiny 1:4

Yú he Yuána. Warˈgatééllá it gál Kiristo-, met hí tiiya-, hí lés Asia gaa iđoká yú hí ˈdu gáá veere. Máá ali ijo-, kísóótí ali ije-, tá bár ka chimetóótíá úba ali ijoká, héétí hím naasan tiiya-, mú karallé guchiká met gaa ˈgiiyyoká, tá Yiesu Kirísto hí ˈdú ˈjeeˈjeen, hí naanná shiiguo. Yiesu Kirísto íín he Máá he lúl ˈduuwle hogodhoká. Mu he Máá gál uushim yiem gáá ˈdeˈdeenká Máállé méteká. Héétí mu he Máá kansimano lesalloká Máállé hí mé ki yaalká. Mu ííni gáál giel-, gáál fásle ki dhiire-, ađaabanokúnno ubaa nyuogimkúnno gáál yé gáá ˈdeeyallá kí ˈdúúw shuo.

Kí Edhesiny 11:15

Aalé máá ˈgasso, urru-, ki tiiyaká faˈdle ˈdoy, úr đo shalal guđoká hí ˈdiiyye, kieye, Máá kúnnaa Guđo Waag ubaa Máállé Kirísto hé les guchle eedhdhe, tá mu taalle bííyyo biiy kansimle hai ˈgaa, shalal hí chie.

Kí Edhesiny 15:1

Aalé yú hé éíy taaka-, guđo-, gáál af ˈdaˈdabsuoká úr gaa arge. Hé yú arge kinaallá he gál ˈgasso-, urru-, tiiyaká ubaa héllé met hí tiiya-, gálaat ki ˈdeew-, biiy el ˈdaˈd-, Waag idholle mé ˈgiidhuoká.

Kí Edhesiny 16:1

Aalé yú ˈdéé hót ˈdér-, ˈBíl Waaˈgiet yé gáá ˈdiiyye-, gál giri tiiya-, ˈgasso-, urruká geeycheká maale, ˈdéé hót kieye, Sedhíe, kedm giri tiiya-, idho Waaˈgiet hí gaa iđoká les ˈdú ookodmía, chie.

Kí Edhesiny 8:13

Aalé yú fuˈjieká kódích úr gaa đuđulan-, af ˈdérká ˈdéé ki hogodhoká yú af maale, kodich kieye, Hoba! Hoba! Hoba! Faˈd ˈdony gál ˈgasso-, urru-, seđéétí hí ál ˈjob gaa ˈdaraanallá, ebá gál les ˈdú ijoká ki ˈdéen! kodich hí yie.

Kí Edhesiny 8:6

Aalé gál giri ˈgasso, urru-, tiiya-, faˈd tiiyaká ˈgieká tagano ˈdie, giri faˈd ˈdaraanká.

Kí Edhesiny 9:1

Aalé máá ˈgasso-, urru-, ki chenká faˈdle ˈdoy, đo yú hidhint úr gáá ˈjiiyye-, les ˈdoyyeká arge. Hidhint gaalí ˈguoˈd gaa ˈdér-, el mé mánká kúlfílle afle shie.