Kí Edhesiny 8:13 - Fayam Midhab Yiesu Kiristoká He Hol Af Iđiny Kaanaká

¹³ Aalé yú fuˈjieká kódích úr gaa đuđulan-, af ˈdérká ˈdéé ki hogodhoká yú af maale, kodich kieye, Hoba! Hoba! Hoba! Faˈd ˈdony gál ˈgasso-, urru-, seđéétí hí ál ˈjob gaa ˈdaraanallá, ebá gál les ˈdú ijoká ki ˈdéen! kodich hí yie.

Kí Edhesiny 8:13 ပူးပေါင်းရင်းမြစ်များ

Héberew 1:14

Aaléka, Waag gállé ˈgasso-, urruká lulle he gál Waag hí alb fafiyyo-, giri gál rubach aargiroká he ki nannuoká, muunîny?

Kí Edhesiny 11:14

Aaléka, hóbá ki naamaká hé ˈgite. Bá dhaayyíe, hóbá ki seđeká ál ˈjob ali hai kí ˈdeeme.

Kí Edhesiny 12:12

Úrru, kuun ubaa gál ko gaa ijóóllá lulkícho ger hí gaa meet! Les ubaa basso, hoba! ˈDaa giri Sátan hí ˈdu gáá leete-, hát bárle hol kí chalnateká óg-, idhanneká, héél ebá itín hí ki ˈdéen! ˈdéé hót hí chie.

Kí Edhesiny 14:3

Gál giri Élíny gúm álle hol af ˈgie kinaal ár kaanaká kara guchi Waaˈgietká ubaa hé giri luogol-, afurká, tá gál giri káruká metle gaa ˈdarama. Ár kinaallá hé máá níínní hí oonootká mán. Gál giri shíí kúˈd tikiˈde-, tómón eiy afur a afur-, Waag hí lésallá gáá yiateká tákáma hí og.

Kí Edhesiny 14:6

Aalé yú máá éíy taaka-, ˈgasso-, urru-, úr gaa seseen-, Fayam Midhab-, biiyoká gál les ˈdug ˈdú ijoká ki ˈdiyeenká arge. Máá kinaallá fayám kidhano ubaa émeeto tá gáláát afano hí hol ká eiyyeká lulle ki ˈdiiyime.

Kí Edhesiny 19:17

Aalé yú máá ˈgasso-, urru-, tikiˈd-, aadh ˈdú yaalká arge, tá mu tere úr gaa seseennoká lulle af ˈdérká ki vie, kieye, Hol ˈdú sedhíe, gólól guđo-, Waag hí tág kí kokoyyóóllá álle mé náa,

Kí Edhesiny 3:10

Aalé ˈdaa giri ˈdeeny chia kieye, mé ki chirtíe, chieká hí chirateká, aaléka af giri manyjany les gáá ˈdeen-, gál les ˈdú ijoká lulle he il hí aargiˈdoká, hé kinaal ha yú hí ká riidha.

Kí Edhesiny 8:2

Aalé gál ˈgasso-, urru-, tiiya-, aadh lulle Waag met ˈgieká yú arge. Gáál gaalí faˈd tiiya eiy taat shie.

Kí Edhesiny 9:1

Aalé máá ˈgasso-, urru-, ki chenká faˈdle ˈdoy, đo yú hidhint úr gáá ˈjiiyye-, les ˈdoyyeká arge. Hidhint gaalí ˈguoˈd gaa ˈdér-, el mé mánká kúlfílle afle shie.

Kí Edhesiny 9:12

Aaléka, hóbá erkobká hé ˈgite. Bá dhaayyíe, hóbá éíy naamaká geđ igiˈde.