Kí Edhesiny 7:9 - Fayam Midhab Yiesu Kiristoká He Hol Af Iđiny Kaanaká

⁹ Hééllá el ˈdaal yú fuˈjieká, nyésébích guđo-, túoy mán-, gálle gálaat lulle, kidh lulle, émeet lulle, ubaa af lulle yé gáá ˈdeˈdeen-, kara guchiká ubaa Élíny metle ˈgie-, gielo eegedhká fadhdhe-, kulidh gil ka ˈguoká yú arge.

Kí Edhesiny 7:9 ပူးပေါင်းရင်းမြစ်များ

Lúka 12:1

Kúlích kinaal gál shíí burnay mare hol ˈdu gáá yiimie-, úba hol kar ririmeká, Yíésu erkob lalille geey, kieye, Gál Farisaay maatle hol raaradhíe. Haí hát gaal íín hí hol gál ˈduuˈdúwaká hol hođúóllá hí hol hôny.

Lúka 21:36

Aadh lulle ˈdeeyimíe, Waag vivitíe, hé geđ igiro-, hí hát ˈdabaanká gaa nannaataká fargogintle muí shio, giri úba hí Iny Máádhat met ki ˈdeenká, Yíésu hí gáál yie.

Yuána 12:13

Aalé gaal kulidh muˈde, fuadhe, mú agim nadhe, af úr ki eey, kieye, Waag hé gáál ˈdú ˈjiiyye! Máá meeny Máá Guđo Waag kí yimie-, Kánsích Yisirayelallá ebá Waag hí ˈdú ˈguunúánne! gaalí yie.

Róóma 11:25

Nyaaramchú, hé geer geđi-, Waaˈgietallá hí eiy nannasatoká yú fede. Har hí hééllá hát ˈdabaanká eiy ma naasanka, kálmaréél gál súm ˈduuˈdúwaká hollo hí hol ká dhaˈgasanna. Gál Yisirayelallá ˈbaal hé met guogo, tá gaal met guogintlééllá hai ˈgaa, ˈdaab ameeny gál gál Yuuˈdi muuninyká gállé Waag hí rubach shigichoká lúl rubach ma árginyká.

Eféso 6:13

Aaléka, he lullé Waag hí shiiche-, hí hol kí ririataká shuunníe, fadhdhíe, giri bár hé hí ki ˈdeđewká alb kí ˈdeeˈdemeka, hí taalle lađaanna-, hí el ma ki sorominyká.

Héberew 11:12

In aaléka, har káána úba Abirááyam vinadhe-, ˈdal af yé gaa ˈdieka, hé hídh guđoká hí yé gáá ˈdie. Mú hídhlé kinaallá burnatle hát hidhino urruká, héétí hát yóch ilungo ke ma totonyallá.

Héberew 12:22

Gúm kinaal afleka, it aalé Gúm Siyon álle Waag ali iđóóllá ˈjienlé Yerusalem urietallá hí gaa ˈgíéllá ˈdú gáá chimie. It gál ˈgasso-, urru-, Waaˈgiet-, giri shíí shíí-, nyésébíchle ger hí gaa meedheká úba ˈdú gáá chimie.

Kí Edhesiny 11:15

Aalé máá ˈgasso, urru-, ki tiiyaká faˈdle ˈdoy, úr đo shalal guđoká hí ˈdiiyye, kieye, Máá kúnnaa Guđo Waag ubaa Máállé Kirísto hé les guchle eedhdhe, tá mu taalle bííyyo biiy kansimle hai ˈgaa, shalal hí chie.

Kí Edhesiny 22:3

Biiy hé geđi hé níínní ˈdortó gim gaa ijoká mán. Kara guchi-, Waaˈgiet-, ubaa Elinyiká ˈjien kinaallá he gaa yaalla, tá Waag gedelle hujich haí ki nanniyya.

Kí Edhesiny 3:18

Aaléka, hatallá ˈdée, hórkí ˈjiet hí ˈgeesiche-, óshor mánká ye gaa hidhdhíe, giri hí gál kaamúreká chegetoká. Đafaraam eegedhká ye gaa hidhdhíe, giri hí fafaat-, hí búr ma iđiny-, kern hí ma ˈgiˈginká. Sáláb ˈgór ˈgayyoká úba ye gaa hidhdhíe, giri sáláb kinaal hí in gaa liliat-, hí biiy gaa aargiˈdaká.

Kí Edhesiny 4:4

Kara guchi kinaal karm éíy taaka guchiká tomonaam naama a afurro hí ki made. Karm kinaallá káru tomonaam naama a afurro hí ˈdú ije. Karu kinaallá gielo eegedhká he fadhdhe, shotam guguchi-, horkiká he met ká ˈgie.

Kí Edhesiny 5:11

Aalé yú đo gál ˈgasso-, urru-, burnay-, kara guchiká ubaa hé giri luogolká tá karu giriká ki madeká arge. Héétí gaal áár ˈdarameká yú maale. Gál ˈgasso-, urru kinaal túóyle he shíí shíí burnayye-, túoy mánká.

Kí Edhesiny 5:9

Aaléka hé luogol kinaal ubaa káru ár kaanaká ˈdoy, aar kieye, Kuun kó ˈdúúw ˈgayyo, giri warˈgát egeet-, warˈgát kát gaa babiyyoká. Kuun gálaat hé ko yies. Kó fáskú okodiche. Hát kinaallá in gálaat ká yiate. Gál kuuní Waag kí yiatééllá he gál kidh lulle ubaa afano lulle tá émeet lulle, héétí gálaat lulle yé gáá ˈdeˈdeenká.

Kí Edhesiny 6:11

Gálallá đo Waag hí gielo eegedhká eiy taat shiiche, Waag hí geeyche, giri gaal á níínni mare yíéđian-, ˈdaab gáál nyaaramlé-, Kiristo-, les gaa ijo-, hát gaal íínka gede Waaˈgietallá ˈdáblé gaalí gaa yegeská úba gaalí ma gaa yíésinyká.

Kí Edhesiny 7:8

Émeeny Dhebulun gál gúíy Waaˈgietká ˈgieká shíí tomon tikiˈde a naama. Émeeny Yuosef gál gúíy Waaˈgietká ˈgieká shíí tomon tikiˈde a naama. Émeeny Binyamin gál gúíy Waaˈgietká ˈgieká shíí tomon tikiˈde a naama.