Kí Edhesiny 7:3 - Fayam Midhab Yiesu Kiristoká He Hol Af Iđiny Kaanaká

³ ˈDaab Waag gedelle ke met bala ma gúinyká les ubaa bás, tá ˈguor haí ˈdeenêny, muí gáál yie.

Kí Edhesiny 7:3 ပူးပေါင်းရင်းမြစ်များ

Matááyo 24:22

Tá Waag har rám ka chiimetóóllá iraam ma rinyka, máá níínní les ˈdug ˈdú ijoká mán. Tá Waag gállé waarateká ˈdaalle ˈdugaka, rám kinaallá Waag iraam haí rianna.

Matááyo 24:31

Gál chia urru-, ˈgassoká faˈd súm ére léká hai ˈdarama, gáál biiy ˈdinnam afuraalle ali ha yú ˈdú fafaa, giri gál chia yú waaˈdeká gaalí hol ˈdu gáá shugunoká.

Yuána 12:26

Máá hújíchchú nannuoká, hí ye el gáá veero. Ál yú ijoká in gédéchchú úba hí ija. Máá hújíchchú nannuoká, ˈJaachú haí ˈduuwaya.

Yuána 3:33

Tá máá mú ˈdeenyle iiy yieká Waag ˈduuwlé gálaat argisie.

Róóma 6:22

Aalé káána Waag hí ađaabano gim gáá eeyye-, hí Waag gedelle chíéllá, hééllá héllé ˈdúwa-, hí yé gáá ˈdeˈdeenká he giri gál hé Waag hí feˈdoká el gaa igiroká chegete-, el ˈdáˈdle hí luolmit biiyoká higiloká.

Kí Edhesiny 13:16

Aalé bíníchallá gálaat lulle he ki mure, gál niginiká yíekaʼ, gál guguđoká yíekaʼ, gál kaamúreká yíekaʼ, gál he maamanká yíekaʼ, gál gédeká yíekaʼ, gál ađaaká yíekaʼ, gaalí gillé ˈdaa naanietká, muuninyka, met bala guguoká.

Kí Edhesiny 13:17

Máá gúíyallá mánká hé shokodaam ma higian, muuninyka, hol ma gaa mamadiny. Gúíyallá he bíních erkobká meenylé, muuninyka, meenyle túóyle gúíylé.

Kí Edhesiny 14:1

Aalé yú fuˈjieká Eliny Gúm Siyon ˈdú yaal. Eliny gál shíí kúˈd tikiˈde-, tómón eiy afur a afurká hol ˈgaa. Gál kinaallá Élíny meenyle ubaa Élíny meeny ˈJaallé veeritle met bala ká ˈgaa.

Kí Edhesiny 14:9

Aalé máá ˈgasso-, urru-, éíy taaka-, ki seđeká gál ˈgasso-, urru-, naama kinaallá el gaa igire, af ˈdérká ˈdéé ki hodhe, kieye, Máá bíních kach ˈgúóllá ubaa binich yaalmitle metle les kurram gaa ˈdaraan-, héétí bíníchallá gúíyle iiy yeget-, gaalí mé bala, muuninyka, gíl guguoká,

Kí Edhesiny 19:2

mú ˈdéé ki iđinyle he hé ˈdúwa-, tagléká! Waag hé ˈjien guđo-, babasidhe-, héllé gaa nyakarichká les ki ˈdeeneyallá ˈdéé ki iđiche, hé gedelle fásle halalle ká niiyye, shalal hí chie.

Kí Edhesiny 20:4

Aalé yú karm guguchiká arge, karm gálaat hí ˈdú yíéđie, gaal hemuumurit gálle gálaat ˈdeem ki iđimuoká Waag hí shiiche. Héétí gál Yiesu Kirísto ˈduuwle hogodhe-, ˈdeeny Waaˈgiet ki ˈgie-, ˈdeeny kinaal ˈdugaka gaalí met gaa mumureká hodhinaamle yú arge. Gaal hátlé les ˈdug ˈdú ijeká hé bíních giri kach ˈguoká ubaa yaalmitlé giri gaalí tág nieká met les kurram ma gaa ˈdaráminy, ma memêny, héétí hé bíních kach ˈguo kinaal gúíyle iiy ma yéen-, met balalle ubaa gille ma gaa gúan. Aalé gaal geđi loogolnodhe, ubaa Kirísto warram shíí tikiˈd hol he ˈgar muumure.

Kí Edhesiny 22:4

Mú gede lééllá mú innumle hai aargira, tá mú meenyle gáál met bala he ki ˈgee.

Kí Edhesiny 6:6

In hé luogol-, afurká hurtle yú ˈdéé hót gaa maale, ˈdéé hót kieye, Sííndí murmurté hí tikiˈdeká bírelle hújích kulich hí tikiˈdeká hai yeedhe. Tá rub murmurté hí seđeká úba bírelle hújích kulich hí tikiˈdeká hai yeedhe. Héétí salab ubaa ˈduu vinna haí ˈdeenêny, ˈdéé hót hí chie.

Kí Edhesiny 7:1

Hééllá el ˈdaal gál ˈgasso-, urru-, afur-, les met ˈdinnam afuraalle ˈgie-, wááních biiy ˈdinnam afuraalle gáá nannieká met gaa moy-, giri waanich les yíekaʼ, bás yíekaʼ, ˈguor yíekaʼ ma ˈdú ˈdaraminyká yú arge.

Kí Edhesiny 7:2

Aalé geđi yú máá ˈgasso-, urru-, éíy taaka-, ˈdaa baryo yé gáá ˈdeˈdeenká arge. Mu Waag bííyyo ali iđoká gúíylé gálaat ki guguoká gíl ká ˈgaa. Mu gál giri ˈgasso-, urru-, afur-, Waag hí fargogint les ubaa bás ki ˈdeđeneyoká shiicheká af ˈdérká ki geey, kieye,

Kí Edhesiny 9:4

ˈGamutaach Waag hí geeyche, giri iish ubaa ˈguor tá he lullé ˈgileeb les gáá ˈdeˈdeenká ma ˈdeđeneny-, gál giri gúíy Waaˈgiet met bala ka mánká tákámle gon bólo aargisuoká.