Kí Edhesiny 7:2 - Fayam Midhab Yiesu Kiristoká He Hol Af Iđiny Kaanaká

² Aalé geđi yú máá ˈgasso-, urru-, éíy taaka-, ˈdaa baryo yé gáá ˈdeˈdeenká arge. Mu Waag bííyyo ali iđoká gúíylé gálaat ki guguoká gíl ká ˈgaa. Mu gál giri ˈgasso-, urru-, afur-, Waag hí fargogint les ubaa bás ki ˈdeđeneyoká shiicheká af ˈdérká ki geey, kieye,

Kí Edhesiny 7:2 ပူးပေါင်းရင်းမြစ်များ

Matááyo 16:16

Símon Bétiro kieye, Kúún he Messíya, Iny Waag bííyyo ali iđoká, yie.

Matááyo 26:63

Yíésu íín taalle shab yie. Aalé máá méte suoryoká Yíésu geey, kieye, Ebá Waag bííyyo ali iđoká ˈdúo, nyí ka géesh, har kúún he Messíya, Iny Waaˈgiet kátaka, mú yie.

Yuána 6:27

ˈGuom geere-, ˈdeđenetoká haí ˈdú aayáˈginy, ˈguom ma ˈdeđenen-, Iny Máádhat hí ka shiguo-, hí luolmit biiyoká yé ˈdú ˈdeđichoká ˈdú aayaˈgáa. Iny Máádhat íín he Máá ˈJaallé Waag hí ˈduuwle gálaat ki edhesieká, Yíésu hí gáál yie.

Korínto ki Naamaká 1:22

Waag íínííllá hé muun gáál gúíyle guyye, Hím Naasanle gáál gaa iđiche, giri he lullé gáál af iđichééllá hát ˈduuwawká ke ógká.

Eféso 1:13

Itín úba af giri hí ˈdeeny ˈdúwa-, Fayamle Midhab-, hí rubach shíéllá hí maalleká, it Kirísto hol ˈdú faanne. Af giri hí mú iiy chieká Waag hé hí Hím Naasanlé gálle af iđicheká ki guyye. Itín aaléka hí mú gállé.

Eféso 4:30

Haí Hím Naasan Waaˈgiet geer gaa ˈdeđenêny. Waag hé hí Hím Naasanlé kinaallá ki guyye. Aaléka, Hím Naasan Waaˈgiet afo hí hol yíéđianna, ˈjíig kúlích giri Waag hí gálle gaa riannoká đig.

Dhesaloníke Erká 1:9

Gaal íín ˈdaakínyoka hát ke hí kí fame-, hí waagam hódhoká gil sug ki hayche-, hí Waag ali iđo-, ˈdúwáállá el gaa igiˈdoká fayamlé he hogodho.

Tímote ki Naamaká 2:19

Tá Waag ˈduuwle állé he taalla, hát ár ˈbíl hurt gaa yaal-, ma niinginy-, ˈdugle gaalí ˈdéé hót kieye, Máá Guđo Waag gál he léká hé óg, héétí, Ameeny máá Máá Guđo Waag vivisatká hí ađaabanolle hayo, chieká, gaa veereká.

Héberew 12:22

Gúm kinaal afleka, it aalé Gúm Siyon álle Waag ali iđóóllá ˈjienlé Yerusalem urietallá hí gaa ˈgíéllá ˈdú gáá chimie. It gál ˈgasso-, urru-, Waaˈgiet-, giri shíí shíí-, nyésébíchle ger hí gaa meedheká úba ˈdú gáá chimie.

Kí Edhesiny 1:3

ˈDeeny Waag hí mú ka shiiche-, muí veerééllá máá hí gálaat ki tooyoká ubaa gál hí nee kokuo-, tá hí ki yaalká, ebá Waag hí ˈdú ˈjiiy! Hééllá bárlé yé gáá ˈdeˈdeenká hé ˈjób.

Kí Edhesiny 10:1

Aalé yú máá éíy taaka-, ˈgasso-, urru-, fargogo-, úr gáá leledho-, nyáˈdow hí buanne-, chala hí mé ˈdug ˈdú taal-, innumle hát aadho, tá ˈgasle hát ˈbíl aarlé ˈjiet hí gaa boloonnoká ki égká arge.

Kí Edhesiny 10:4

Aalé ˈgeˈget a tiiya ki yaaˈdeká, ˈgeˈget ˈdéé hótle onnônyka warˈgát ha yú gaa verene, kor yú ˈdéé hót úr gaa maale, ˈdéé hót kieye, ˈGeˈget a tiiya ki yaaˈdééllá ˈdéé hótle káaw, ha warˈgát gaa véérinyo ye chie.

Kí Edhesiny 16:12

Aalé máá ˈgasso-, urru-, ki leká kedmitlé idho Waaˈgiet hí gaa iđeká wár gaa guđo-, Yufiretiká méle ki nie, war đo goyye, giri gál kaansúo-, ˈdaa baryo gáá yiimetká ˈgíéríchle tág kokuoká.

Kí Edhesiny 5:2

Héétí máá ˈgasso-, urru-, fargogo-, af gaa guđoká ki ˈdiyeenká yú arge. Hé muí hogodheká kieye, Mááya ˈdúwa, warˈgát katléél babaa, warˈgát af fuura? yie.

Kí Edhesiny 8:3

Aalé máá éíy taaka-, ˈgasso-, urru-, kedmit horki-, gaalí éru ki ˈdunmayoká gíl ká ˈguoká ká yimie, kúb suoryoká bala ki ˈdie. Mú gaalí eru guđoká shie, giri mu eru kinaal ubaa Waag visan gál Kiristoká lulle kúb suoryo-, horki-, kara guchiká met ijoká álle Waag ˈdú siidhoká.

Kí Edhesiny 9:14

ˈDéé hót kinaal máá ˈgasso-, urru-, ki le-, faˈd ˈgieká geeyche, kieye, Gál ˈgasso-, afur-, urru-, Waag hí wár gaa guđo-, Yufiretiká álle ki moycheká ká hash, chie.

Kí Edhesiny 9:4

ˈGamutaach Waag hí geeyche, giri iish ubaa ˈguor tá he lullé ˈgileeb les gáá ˈdeˈdeenká ma ˈdeđeneny-, gál giri gúíy Waaˈgiet met bala ka mánká tákámle gon bólo aargisuoká.