Kí Edhesiny 7:17 - Fayam Midhab Yiesu Kiristoká He Hol Af Iđiny Kaanaká

¹⁷ Élíny giri kara guchiká álle yaalká gáál máállé hí ˈdeˈdeenká hai yeedhe. Mu gáál haˈdam bíé luolmitiká hí gáá fefeenká gáál hai ˈdú egedhdhe. Waag gáál imiro lulle hai gaa shugudmicha, karsich hí yie.

Kí Edhesiny 7:17 ပူးပေါင်းရင်းမြစ်များ

Matááyo 2:6

Tá kó ény Beteleem lé-, lés Yuuˈdia gaa iđóóllo! Kuun lés Yuuˈdia énylé ˈduuˈdúwaká kó énylé biiy elloká ma chegen. Kuun máá kansich gál chia Yisirayelká mé ki yaal-, gáál ˈdeˈdeenká yíé hai ko gáá ˈdeeme, chieká, gaalí Heróˈde yie.

Matááyo 5:4

Gál buony gaa ijoká hé Waag hí ˈdú ˈjeˈjeenno, Waag hí imiro gaa shugudmicho.

Yuána 10:11

Yú he Máá ˈdúwa-, wála ˈdeˈdeenká. Máá ˈdúwa-, wála ˈdeˈdeenká sídhlé he wála ˈdú silmia.

Yuána 10:14

Yú he Máá ˈdúwa-, wála ˈdeˈdeenká. Yú yáá walachú óg, tá walachú íín hé ye óg,

Yuána 4:10

Yíésu min ˈdéé hol ˈdú nie, kieye, Kuun har hé shiicho Waag hí gálaat shigichoká ubaa máá ko geđuo-, ye bie shíish yíéllá onnônyka, kó onnônyka mú heesete, mu ko bíé gálaat luolmít shiguoká shie, Yíésu hí yie.

Yuána 4:11

Aalé min mú heesete, kieye, Máá Guđo, eel in gaa ˈder, kuun hé bie kí armisatoká in man háluke, tá bíé gálaat luolmít shiguoká ále gáá egeyye?

Yuána 4:14

tá máá bíé yú shuoká ˈjioká hé geđ báre hí ma chiesiny. Bíé yú mú shuoká hát haˈd fefeennokáka, mú hai gaa ija, mú luolmit biiyoká hai shigia, yie.

He Ekeny Gál Alb Fimiká 20:28

Mu geđi gáál geey, kieye, Hol ˈdeeˈdemíe, gál Kiristo lullé Hím Naasan Waaˈgiet hí mé ki koyyééllá úba ˈdeeˈdemíe. Hát máádhat hí aanyle ˈdeˈdeenká Máá Guđo Yíésu gállé he fásle ká hidhdheká lulle hát tikiˈde kinaallá ˈdeeˈdemíe.

Bétiro Erká 5:2

wala Waaˈgiet hí met ki ˈgiiyyáállá hát ˈdabaanká ˈdeeˈdemíe, af taatáa, tá hé kinaallá hé he mé ki tím muuniny, he hát hí uˈda-, Waag hí ki feˈdoká. Haí birm maralle ˈgíiny, hújích hí nanniyyáállá gófle ˈgáa.

Kí Edhesiny 14:4

Gálallá he gál hé Waag hí ma fedinyká hol ká ridhdhe-, Waag bala ˈdú nie-, Élíny el gaa igiro-, Eliny állé seseenká mé nannuo-, Waag hí yiate-, Waag hí gál lesietká gáá shuunate-, giri Waag ubaa Élíny saanollé erkobká yegetká.

Kí Edhesiny 21:22

Yáá ˈBíl Waaˈgiet ˈjien ma gaa árginy. Hééllá he ˈdaa giri ˈjien ˈBíllé Waaˈgietká he Máá Guđo Waag fargogínt lulle ˈguoká ubaa Élínyi.

Kí Edhesiny 21:23

ˈJien hé aadh ubaa ˈgúíy édhúmle hí gaa verenoká ma hegesen. Hééllá he ˈdaa giri ˈjien Waag ˈduuwle hí gaa eedhesuo-, ˈjien nyátáálle íín he Élínyiká.

Kí Edhesiny 21:4

Waag gáál imiro lulle hai gaa shugudmicha, tá ˈdaa giri hé kissoká beeyká, biiy hé geđi kúfach mán, héétí biiy hé buony ubaa shiilmisan tá gon bólo mán, ˈdéé hót hí chie.

Kí Edhesiny 21:6

Aalé mu kieye, Hééllá lulle hé ali kí ˈdie! Yú he Álfa ubaa Oméga, yú he Mé Gaa Koon ubaa Biiy El ˈDaˈd. Máá báre hí chieská bíé haˈdo-, luolmitiká hállééllá yú shigia.

Kí Edhesiny 22:1

Aalé máá ˈgasso-, urru kinaal ye wár bíé luolmitiká hí gaa ijo-, dhát-, ˈjiimiˈdat-, kara guchi-, Waaˈgiet-, ubaa Elinyiká gáá fafaanká ye ká argisie.

Kí Edhesiny 4:11

Máá kínyaa Guđo Waag, kó ˈdúúw ˈgayyo. Guch ubaa ˈdúúw tá fargogínti, lullééllá hékú. Kuun he met lullé ká kuonne. He feditkú ˈdaalleka, he met lullé ka kuonnééllá hé biiy gaa ijo, gaalí yie.

Kí Edhesiny 5:6

Aalé kara guchiká ubaa hé luogol-, afurká tá gál káruká toomle Eliny hí gaa yaal yú arge. Élíny kinaallá hát élíny gaalí yieská ká yaalla, gaas hí tiiya, in úba hí tiiya. Hééllá he hím naasan tiiya-, Waaˈgiet-, Waag hí les geer lulle ali ˈdú fiiyyeká.