Kí Edhesiny 7:11 - Fayam Midhab Yiesu Kiristoká He Hol Af Iđiny Kaanaká

¹¹ Aalé gál ˈgasso-, urru-, kara guchiká ubaa káru, tá hé luogol-, afurká ki madeká lulle kara guchiká metle abuunam les ˈdane, innum les ˈdú iifie, Waag meey,

Kí Edhesiny 7:11 ပူးပေါင်းရင်းမြစ်များ

Matááyo 4:10

Yíésu đo Sátan geey, kieye, Sátan, ye innum gaa sí, Warˈgat Waaˈgiet hé hoteká kieye, Máá kua Guđo Waag tákámle viivíso, met gaa keekémo, he chie, Yíésu hí Sátan yie.

Yuána 5:23

giri gálaat lulle hát tikiˈde Íny ˈJaalle kikiatallá, úba Íny kikiatká. Máá Íny ma kikianká hé Íny ˈJaallé hí ali gáá kaayká úba ma kikian.

Héberew 1:6

Héétí Waag Inylé ˈdúwáállá les ká eeyyeká kieye, Gál ˈgasso-, urru-, Waaˈgietká lulle hí mú viivisato, he chie.

Kí Edhesiny 11:16

Tá karu giri tomonaam naama a afurká karmlé guguchiká ˈdú ijo-, Waag met gaa ijoká abuunam les ˈdane, innum les veere, Waag meey,

Kí Edhesiny 15:4

Máá Guđóóllo, kúún tákáma saas man, mááya ko ma kikian, meenykú ma memeny? ˈDaa giri he ekeny kua ˈdúwa-, ka edhdheyyééllá, kidh met lulle hai ká yiimedhe, met les kurram hai ko gaa ˈdarama, gaalí yie.

Kí Edhesiny 22:9

Kor mu ye geey, kieye, Ha hééllá ekêny! Hát káána kúún ubaa gál kua nyaaram-, Waag hí ˈdeem ka shigichééllá ubaa gál warˈgatééllá ˈdeenyle iiy yie-, el gaa igiróóllá hí Waag gede lééllá, yú úba he Waag gédéchlé. Waag tákámle méesh, yie.

Kí Edhesiny 4:10

gál káru tomon naama a afurká Máá kara guchiká ˈdú ijo-, taalle bííyyo ali ijóóllá met les gaa ˈdarama, mú memeye. Gaal shotamlé hórkíká kara guchííllá met fafaa, áár ˈdarama, kieye,

Kí Edhesiny 4:4

Kara guchi kinaal karm éíy taaka guchiká tomonaam naama a afurro hí ki made. Karm kinaallá káru tomonaam naama a afurro hí ˈdú ije. Karu kinaallá gielo eegedhká he fadhdhe, shotam guguchi-, horkiká he met ká ˈgie.

Kí Edhesiny 4:6

Kára metle úba bás dhát-, ˈjiimidatká hí ije. Kára ˈdinnamle lulle hé luogol-, afur-, bala ubaa sug in burnay-, biiy ki dhaˈgasanká ka ˈguoká hí ˈgie.

Kí Edhesiny 4:8

Hé luogol-, afurallá lulle kuol hí lelle, gónle ubaa kuolle lulle in biiy ki dhaˈgasanká hí kuˈd. Kulich ubaa chúúrélle hé árallá ˈdony ali ma kokony. Ár kieye, Máá Guđo Waag fargogínt lulle ˈguo-, kíssóótí ali ije-, káána ali ijo-, tá bár ka chiimetká úba ali ijoká he Máá ˈdúwa-, saas mán-, saas mán-, saas mánká! aar hí yie.