Kí Edhesiny 6:16 - Fayam Midhab Yiesu Kiristoká He Hol Af Iđiny Kaanaká

¹⁶ Gaal gumano ubaa nyataabano vie, kieye, Nyí ˈdú ˈdannáa! Nyí innum Máá kara guchiká ˈdú ijoká ubaa Élíny idholle nyí met gaa shuolsía!

Kí Edhesiny 6:16 ပူးပေါင်းရင်းမြစ်များ

Matááyo 26:64

Yíésu mú geey, kieye, He hát hotééllá. Tá yú hí geeye, itín bár ˈdaatika, yáá Iny Máádhátallá Waag fargogínt lulle ˈgayyoká gíllé ˈdaa naanietká ijo-, nyáˈdow kí yiimetká haí ye aargiˈda, Yíésu hí gáál yie.

Márko 3:5

Mu hát idhoká gáál ki fuˈjie, kor gáál met guogintléél hí geer gaa ˈdeeneyche. Mu máá giriká geey, kieye, Gíl fat, yie. Máá giriká gíl fadhe, đo gil hí midhandhe.

Lúka 23:30

Gaal gumano hai geđia, Nyí ˈdú ˈdanáa! hai yeedhe. Héétí úba gurm hai geđia, Nyí yúa! hai yeedhe.

Kí Edhesiny 10:6

Máá taalle bííyyo ali ijo-, úr ubaa héllé hí gaa ijoká, les ubaa héllé hí gaa ijoká, tá bás ubaa héllé hí gaa ijoká ka kuoneká ˈdodhdhe, kieye, Waag hé geđi el geđ ma kokony.

Kí Edhesiny 19:15

Mú ageerle faaˈd órof-, alléká hí gáá fuoriche, giri kidh mú hol yegeská muí ki beđisatká. Mu gasar síbilká kidh af hai ki tataa. Hát káána gálaat saano vinna ˈdú ˈdiđian-, ˈdúú gaa ˈduˈdúóllá, mu Waag fargogínt lulle ˈgayyoká idhollé guđoká hai kí yiimedhe, gál mú hol ka kídhká ha muí ˈdú ˈdiđima.

Kí Edhesiny 20:11

Aalé yú kara guchi-, guđo-, édhká ubaa Máá hí ˈdú ijoká arge, mú innumle les ubaa úr hí met kar gaa ˈdanne, kor les ubaa úr hé ál níínní yíéđuoká mán.

Kí Edhesiny 4:2

Ál ˈjób kinaallá Hím Naasan Waaˈgiet kaschú eete, hol gaa sisite, in yú kara guchi-, úr gaa yaal-, máádhat hí ˈdú ijoká arge.

Kí Edhesiny 4:5

Kara guchi kinaal édhúm birgachle gogo-, yaarít ubaa ˈgeˈget fargogoká hí yé gáá ˈdie. Kára metle nyátáá tiiya-, gaalí ˈjiet gaa iđimuoká hí gaa boloyye. Nyátáá tiiya kinaallá he hím naasan tiiya-, Waaˈgietká.

Kí Edhesiny 4:9

Af giri hé luogol kinaal Máá kara guchiká ˈdú ijo-, taalle bííyyo ali ijoká ˈdúúw shiiguo-, mú memeyo-, tá mú gielmít hol ˈdú nannuoká,

Kí Edhesiny 5:1

Aalé Máá kara guchiká ˈdú ijoká warˈgat gaalí mareká gíl ˈdaa naaniet ká ˈgaa yú arge. Warˈgat kinaallá ˈdug ubaa geer he veerít ká ˈgayye, héétí kát tiiya-, gaalí ki ˈdaneká úba ˈgayye.

Kí Edhesiny 6:10

Gaal af ˈdérká ˈdéé ki hodhe, kieye, Máá Guđo Waag saas mán-, ˈdúwa-, les he gaa mumuróóllo, kuun amáre gál les ˈdú ijoká ˈdéé ki iđimicha, fáskínyo halalle ká nanniyya? yie.

Kí Edhesiny 9:6

Bár kinaallá gálaat kúfách kufunanká hol gaa ˈgeˈgedhe, kor gaal hé ál níínní kúfach ki aargiroká mán. Gaal af kinaal súm kúfacho he fede, kor kufach gáál afo he ˈgiˈgita.