Kí Edhesiny 6:11 - Fayam Midhab Yiesu Kiristoká He Hol Af Iđiny Kaanaká

¹¹ Gálallá đo Waag hí gielo eegedhká eiy taat shiiche, Waag hí geeyche, giri gaal á níínni mare yíéđian-, ˈdaab gáál nyaaramlé-, Kiristo-, les gaa ijo-, hát gaal íínka gede Waaˈgietallá ˈdáblé gaalí gaa yegeská úba gaalí ma gaa yíésinyká.

Kí Edhesiny 6:11 ပူးပေါင်းရင်းမြစ်များ

Matááyo 10:21

Máádhat nyárlé hol ki ˈdalidheká ar gíl hai gaa kakaa, mú ha gaalí yeese. Héétí iny ˈjaalle ar gíl hai gaa kakaa, mú ha gaalí yeese. Um gállé hí ˈdaloká af hai ká điidhma, gáál kúfach mé hai ki kokoo.

Lúka 15:22

Aalé mú ˈjaalle gedelle ká vie, kieye, Hararáa! Đafar bis hí midhab-, ˈjilaká ka ée, mú hidháa! Mú gibit gúmúríny káa, mú koiy ˈgas fáa!

Yuána 16:2

Itín gaal ény ˈdiiyiminyká haí ká riidha. Tá bár gál hí yegeská kieye, Nyíín Waago nyí hujich ki nanniyya, yegetká, hé geđ igiˈdo.

He Ekeny Gál Alb Fimiká 20:24

Tá yú yáá sídhchú ye geer ma gaa ˈdeeneny. Hé chia ye ki ˈdúwaká he hújích Máá Guđo Yíésu hí ye ká shieká, giri Fayam Midhab gielmiti Waaˈgietká đulalle yú kirmisat-, yú ˈdiyeen-, yú beđisatká.

Dhesaloníke ki Naamaká 1:7

Héétí Waag it hí maanyjayyóóllá ubaa nyííni nyí maanyjayyóóllá manyjasiny kúnnaallá yé hai gáál gáá ˈdeđicha. Bár giri hé kinaal ali kí ˈdeenká he bár giri Máá Guđo Yíésu úr yé gáá ˈdeen-, gállé ˈgassiet-, urru-, muí fargogínt shieká hol ká egeetká.

Tímote ki Naamaká 4:7

Yáá laat ˈdúwaká laađame, đuulchú beete, iiy yeen chia Kirísto ka ˈgúóllá ki yaal.

Héberew 11:40

Waag hé muun gáál hé ˈdúwaká kí tawuyye, giri muun ubaa gaal íín Waag gáál hol ˈgar ˈduuwasicho-, lulkúnno ke lés uratiká hol ˈgar higiloká.

Héberew 12:23

It Waag gállé guch um erká aargiro-, meetle Waag hí úr gaa veeˈdeká hol ˈdú faanne. It Waag gálaat lulle hol eiy gaa nanniyyo-, ubaa sidham gál Waag hí ˈduwayche-, ur Waaˈgiet hileká ˈdú gáá chimie.

Héberew 4:10

Hát tikiˈde Waag hújíchle héf gaa ˈgisatééllá, máádhat Waag állé him ki nimííllá hileka, in hújíchle úba héf gaa ˈgiita.

Kí Edhesiny 10:6

Máá taalle bííyyo ali ijo-, úr ubaa héllé hí gaa ijoká, les ubaa héllé hí gaa ijoká, tá bás ubaa héllé hí gaa ijoká ka kuoneká ˈdodhdhe, kieye, Waag hé geđi el geđ ma kokony.

Kí Edhesiny 13:15

Binich hé fargogínt ˈguo, giri bíních erkobká yaalmitlé gaalí tág nieká hím ki nannuo-, he loolnot-, he ˈdéé hogodhoká. Aalé bíních erkobká yaalmitlé gaalí tág níéllá ˈdéé mure, kieye, Ameeny gál ye met les kurram gaa ˈdaraan-, ye memeyoká điidhoká gon gaalí yies, yie.

Kí Edhesiny 14:13

Aalé yú ˈdéé hót úr gaa maale, ˈdéé hót kieye, Hééllá warˈgát gaa véer: Káána ubaa biiy met ki suoyyééllá gál iiy yeenlé ˈdaa Máá Guđo Kirísto ka ˈguoká ˈdaalleka gaal hí yegeská ebá Waag hí ˈdú ˈjiiy! chie. Aalé Hím Naasan Waaˈgiet kieye, Iiy-hí! Gálallá laatlé lađaanallá hefle hai ˈgiita. Gálallá húgúmle ˈduuwle hai hogodho.

Kí Edhesiny 17:6

Aalé yú min fás gál Waaˈgiet ubaa fás gál iiy yeenlé Kirísto iiy yieká ˈdaalle ˈdugaka gaalí yieská iyye-, fas hí fameká arge. Yú min argeká súm he af ˈdabe.

Kí Edhesiny 7:14

Aalé yú mú ˈdéé hol ˈdú nie, yú kieye, Máá guđo, gálallá kuuni hí og, yú yie. Mu đo kieye, Gálallá he gál manyjany guđoká yé gáá ˈdieká. Gaal gielolle fás Elinyi ki ˈjie, gielo édh yie.

Kí Edhesiny 7:9

Hééllá el ˈdaal yú fuˈjieká, nyésébích guđo-, túoy mán-, gálle gálaat lulle, kidh lulle, émeet lulle, ubaa af lulle yé gáá ˈdeˈdeen-, kara guchiká ubaa Élíny metle ˈgie-, gielo eegedhká fadhdhe-, kulidh gil ka ˈguoká yú arge.