Kí Edhesiny 5:6 - Fayam Midhab Yiesu Kiristoká He Hol Af Iđiny Kaanaká

⁶ Aalé kara guchiká ubaa hé luogol-, afurká tá gál káruká toomle Eliny hí gaa yaal yú arge. Élíny kinaallá hát élíny gaalí yieská ká yaalla, gaas hí tiiya, in úba hí tiiya. Hééllá he hím naasan tiiya-, Waaˈgiet-, Waag hí les geer lulle ali ˈdú fiiyyeká.

Kí Edhesiny 5:6 ပူးပေါင်းရင်းမြစ်များ

Lúka 1:69

Waag hé gédéchlé ˈDáwuˈd ˈbíl ílle máá fargogo-, rubachietká yé gáá ˈdeeyche, mú gáál ká shiiche,

Yuána 1:29

Bííy éíy taaka ka biˈdeká Yuána Yíésu hí ˈdu gáá yiimie-, argeká, đo kieye, Dhaayyíe, Élíny Waaˈgiet nyuogim ubaa ađaabano lésallá gaa egewká háluká!

Yuána 1:36

Yuána Yíésu sienylé gaa igireká mú gaa dhaay, đo ˈdéé hodhe, kieye, Bá dhaayyíe, Élíny Waaˈgiet háluká! yie.

He Ekeny Gál Alb Fimiká 8:32

Mu warˈgat kinaal ˈdeeny he gaa totoyká kieye, Hát ány walach gaalí ˈgalan ˈdú ˈdeđisatkáka, mú gaalí eedhdhe. Hát ány walach gaalí dhúúr gaa dhudhurio-, ma ˈdiyiminykáka, mu hé ˈdéé ma hôn.

Kí Edhesiny 1:4

Yú he Yuána. Warˈgatééllá it gál Kiristo-, met hí tiiya-, hí lés Asia gaa iđoká yú hí ˈdu gáá veere. Máá ali ijo-, kísóótí ali ije-, tá bár ka chimetóótíá úba ali ijoká, héétí hím naasan tiiya-, mú karallé guchiká met gaa ˈgiiyyoká, tá Yiesu Kirísto hí ˈdú ˈjeeˈjeen, hí naanná shiiguo. Yiesu Kirísto íín he Máá he lúl ˈduuwle hogodhoká. Mu he Máá gál uushim yiem gáá ˈdeˈdeenká Máállé méteká. Héétí mu he Máá kansimano lesalloká Máállé hí mé ki yaalká. Mu ííni gáál giel-, gáál fásle ki dhiire-, ađaabanokúnno ubaa nyuogimkúnno gáál yé gáá ˈdeeyallá kí ˈdúúw shuo.

Kí Edhesiny 12:11

Nyaaram kúnnaallá hé mú ka adhdhe. Mú gaalí ka adhdhééllá he ˈdaa giri Eliny gáál ˈdaalleka fásle okodieká. Héétí gaal hé kúfach ma đíin, hé Élíny ˈduuwle huogodhe.

Kí Edhesiny 13:8

Ameeny gál les ˈdug ˈdú ijo-, meetle Waag hátlé les ma ka kúóninyká Waag hí Élíny gaalí yieská warˈgatlé luolmitiká ma gaa véérinyká binich met les kurram hai gaa ˈdarama, binich hai meeye.

Kí Edhesiny 14:1

Aalé yú fuˈjieká Eliny Gúm Siyon ˈdú yaal. Eliny gál shíí kúˈd tikiˈde-, tómón eiy afur a afurká hol ˈgaa. Gál kinaallá Élíny meenyle ubaa Élíny meeny ˈJaallé veeritle met bala ká ˈgaa.

Kí Edhesiny 17:14

Gaal Élíny hai ˈdú ruuma, kor Eliny ˈdaa giri he Kánsích kansím lulle mé ki yaalká gáál hai ká aađadhdha. Tá gál Élíny hol ˈguoká he gál Waag hí viiyye-, Waag hí gálle hosote-, Waag af ˈduwasieká, muí ye yie.

Kí Edhesiny 21:22

Yáá ˈBíl Waaˈgiet ˈjien ma gaa árginy. Hééllá he ˈdaa giri ˈjien ˈBíllé Waaˈgietká he Máá Guđo Waag fargogínt lulle ˈguoká ubaa Élínyi.

Kí Edhesiny 21:23

ˈJien hé aadh ubaa ˈgúíy édhúmle hí gaa verenoká ma hegesen. Hééllá he ˈdaa giri ˈjien Waag ˈduuwle hí gaa eedhesuo-, ˈjien nyátáálle íín he Élínyiká.

Kí Edhesiny 22:1

Aalé máá ˈgasso-, urru kinaal ye wár bíé luolmitiká hí gaa ijo-, dhát-, ˈjiimiˈdat-, kara guchi-, Waaˈgiet-, ubaa Elinyiká gáá fafaanká ye ká argisie.

Kí Edhesiny 22:3

Biiy hé geđi hé níínní ˈdortó gim gaa ijoká mán. Kara guchi-, Waaˈgiet-, ubaa Elinyiká ˈjien kinaallá he gaa yaalla, tá Waag gedelle hujich haí ki nanniyya.

Kí Edhesiny 4:8

Hé luogol-, afurallá lulle kuol hí lelle, gónle ubaa kuolle lulle in biiy ki dhaˈgasanká hí kuˈd. Kulich ubaa chúúrélle hé árallá ˈdony ali ma kokony. Ár kieye, Máá Guđo Waag fargogínt lulle ˈguo-, kíssóótí ali ije-, káána ali ijo-, tá bár ka chiimetká úba ali ijoká he Máá ˈdúwa-, saas mán-, saas mán-, saas mánká! aar hí yie.

Kí Edhesiny 5:11

Aalé yú đo gál ˈgasso-, urru-, burnay-, kara guchiká ubaa hé giri luogolká tá karu giriká ki madeká arge. Héétí gaal áár ˈdarameká yú maale. Gál ˈgasso-, urru kinaal túóyle he shíí shíí burnayye-, túoy mánká.

Kí Edhesiny 5:12

Gaal árle af gaa guđoká ki ˈdoy, kieye, Élíny gaalí yieská hé ˈdúúw ˈguo. Mú guchlé, kamurlé, ˈdaalimlé, ubaa fargogintle ˈdugaka kí ˈdúúw shiiguo, kí meemeyo, kí gielmít hol ˈdú naannuo, yie.

Kí Edhesiny 5:13

Hééllá el ˈdaal he lullé Waag hí ka kuonne-, úr yíekaʼ, les ˈdug yíekaʼ, les gim yíekaʼ, bassam yíekaʼ hí gaa ijoká afle yú maale, kieye, Máá kara guchiká ˈdú ijoká ubaa Élíny ˈduuwlé, guchlé, ubaa fargogintle ˈdugaka, taalle bííyyo kí meemeyo, gaalí yie.

Kí Edhesiny 5:14

Aalé hé giri luogol-, afurká kieye, Iiy-hí, he hí hát kinaallá yeet! yie. Gál giri káruká đo abuunam les ˈdane, Waag ubaa Élíny meey.

Kí Edhesiny 6:16

Gaal gumano ubaa nyataabano vie, kieye, Nyí ˈdú ˈdannáa! Nyí innum Máá kara guchiká ˈdú ijoká ubaa Élíny idholle nyí met gaa shuolsía!