Kí Edhesiny 5:13 - Fayam Midhab Yiesu Kiristoká He Hol Af Iđiny Kaanaká

¹³ Hééllá el ˈdaal he lullé Waag hí ka kuonne-, úr yíekaʼ, les ˈdug yíekaʼ, les gim yíekaʼ, bassam yíekaʼ hí gaa ijoká afle yú maale, kieye, Máá kara guchiká ˈdú ijoká ubaa Élíny ˈduuwlé, guchlé, ubaa fargogintle ˈdugaka, taalle bííyyo kí meemeyo, gaalí yie.

Kí Edhesiny 5:13 ပူးပေါင်းရင်းမြစ်များ

Matááyo 6:13

Hé ˈdeđew-, maralle nyí ˈgayyaká nyí af gaa táátaʼ, nyí Sátan ka río. [Hééllá he ˈdaa giri gúch, ubaa fargogínt, tá meeny gálaat hí ko memeyoká lulle taalle bííyyo kuun hí léká! Iiy-hí, he hí hát kinaallá yeet.]

Lúka 2:14

Waag Úr Iđoká gaalí meeyo, gál lesallo-, muí ˈdú iifoká hí naanná yíéđuo, gaalí yie.

Yuána 1:29

Bííy éíy taaka ka biˈdeká Yuána Yíésu hí ˈdu gáá yiimie-, argeká, đo kieye, Dhaayyíe, Élíny Waaˈgiet nyuogim ubaa ađaabano lésallá gaa egewká háluká!

Róóma 11:36

He met lulle Waago yé gáá ˈdie, ki ija, tá geđi Máállé íín hí le. Waag taalle bííyyo gaalí meemeyo! Iiy-hí, he hí hát kinaallá yeet.

Róóma 16:27

Waag ˈdaalím lulle ˈgayyóóllá ˈdaa Yiesu Kiristoka, kí bííyyo ˈdúúw lúl shiiguo. Iiy-hí, he hí hát kinaallá yeet.

Róóma 9:5

Gál Yisirayelallá he gál mú eshim eshim kúnnaa-, Abirááyam yé gáá ˈdieká. Kirísto he lulle mé ki yaalallá ˈdaa gálaatka úba ˈbíl íllallá he yé gáá ˈdie. Waag taalle bííyyo gaalí meemeyo. Iiy-hí, he hí hát kinaallá yeet.

Eféso 3:21

Múúni ke mú gállé-, mu gáál Yiesu Kirísto ˈdú fíéllá taalle bííyyó biiyo kí Waag meemeyo. Iiy-hí, he hí hát kinaallá yeet.

Filíbi 2:10

giri meeny Yíésu lééllá ˈduuwle ˈdugaka, gaal lullé úr gaa ijo-, ubaa les ˈdug ˈdú ijo-, tá kufeká lulle hí met les kurram gaa ˈdaraanká.

Kolosááya 1:23

Tá hát ˈdabaanká ˈgée, iiy yeen kíchia hí ˈgayyáállá taalle chiˈdíe, hé Waag hí af iđiche-, hí Fayam Midhaballá gaa maalle-, hí met egetééllá haí sug ki níiny. Fayamééllá he Fayam Midhab Kiristo-, gaalí les geer lulle gaa ˈdiyime-, yáá Báulo lééllá hí gédéchlé gálaat ki ˈdiyeenká yíéllá.

Tímote Erká 4:16

Iđiny kua iđoká ubaa he onisiny kua gáál oonisichoká ˈdeeˈdémo, taalle gaa yíéđig, ˈdaa giri hééllá ekeycheka, ˈdéé ki iđiny Waaˈgiet kúún dhúrkú ubaa gál ko af nee kokuoká ha ká riata.

Bétiro Erká 4:11

Har máádhat héllé shiichoká ˈdeeny Waaˈgiet ˈdiiyiminy kátaka, hí ˈdéé hát ˈdabaan-, lođuđugulleká ˈdiiyeen. Mu har héllé shiichoká gálaat hát lulle kuol gaa chiran kátaka, hí fargogint Waag hí shigichoká hujich ki naannuo, giri he lulle ˈdaa Yiesu Kiristoka, Waag hí ˈdúúw gaa aargiˈdoká. ˈDuuw ubaa fargogínt taalle bííyyó biiyo hí Waag hélle yeet. Iiy-hí, he hí hát kinaallá yeet.

Bétiro Erká 5:11

Fargogínt taalle bííyyó biiyo hí mú hélle yeet. Iiy-hí, he hí hát kinaallá yeet.

Yúúa 1:25

Waag tikiˈde-, tákámle Rúbách kúnnaallá, ˈdaa Máá kúnnaa Guđo Yiesu Kirísto léélláka, bár giri hátle les ma ka kúóninyká, ubaa bárallá, tá bííyyó biiyo, ˈdúúw, kansím, fargogínt, tá hemuumurít lulle hí hélle yeet. Iiy-hí, he hí hát kinaallá yeet.

Kí Edhesiny 1:6

Mu hé muun gáál gugúch koy, gáál gál mú ˈJaallé Waag hujich ki nannuoká hoy. ˈDuuw ubaa gúch taalle bííyyo hí mú hélle yeet. Iiy-hí, he hí hát kinaallá yeet.

Kí Edhesiny 13:8

Ameeny gál les ˈdug ˈdú ijo-, meetle Waag hátlé les ma ka kúóninyká Waag hí Élíny gaalí yieská warˈgatlé luolmitiká ma gaa véérinyká binich met les kurram hai gaa ˈdarama, binich hai meeye.

Kí Edhesiny 5:1

Aalé Máá kara guchiká ˈdú ijoká warˈgat gaalí mareká gíl ˈdaa naaniet ká ˈgaa yú arge. Warˈgat kinaallá ˈdug ubaa geer he veerít ká ˈgayye, héétí kát tiiya-, gaalí ki ˈdaneká úba ˈgayye.

Kí Edhesiny 5:12

Gaal árle af gaa guđoká ki ˈdoy, kieye, Élíny gaalí yieská hé ˈdúúw ˈguo. Mú guchlé, kamurlé, ˈdaalimlé, ubaa fargogintle ˈdugaka kí ˈdúúw shiiguo, kí meemeyo, kí gielmít hol ˈdú naannuo, yie.

Kí Edhesiny 5:3

Tá biiy hé máá níínní úr yíekaʼ, les ˈdug yíekaʼ, héétí les gim yíekaʼ hí gaa ijo-, warˈgát af fuuro-, warˈgát tooyoká mán.

Kí Edhesiny 5:6

Aalé kara guchiká ubaa hé luogol-, afurká tá gál káruká toomle Eliny hí gaa yaal yú arge. Élíny kinaallá hát élíny gaalí yieská ká yaalla, gaas hí tiiya, in úba hí tiiya. Hééllá he hím naasan tiiya-, Waaˈgiet-, Waag hí les geer lulle ali ˈdú fiiyyeká.

Kí Edhesiny 5:9

Aaléka hé luogol kinaal ubaa káru ár kaanaká ˈdoy, aar kieye, Kuun kó ˈdúúw ˈgayyo, giri warˈgát egeet-, warˈgát kát gaa babiyyoká. Kuun gálaat hé ko yies. Kó fáskú okodiche. Hát kinaallá in gálaat ká yiate. Gál kuuní Waag kí yiatééllá he gál kidh lulle ubaa afano lulle tá émeet lulle, héétí gálaat lulle yé gáá ˈdeˈdeenká.

Kí Edhesiny 6:16

Gaal gumano ubaa nyataabano vie, kieye, Nyí ˈdú ˈdannáa! Nyí innum Máá kara guchiká ˈdú ijoká ubaa Élíny idholle nyí met gaa shuolsía!