Kí Edhesiny 5:1 - Fayam Midhab Yiesu Kiristoká He Hol Af Iđiny Kaanaká

¹ Aalé Máá kara guchiká ˈdú ijoká warˈgat gaalí mareká gíl ˈdaa naaniet ká ˈgaa yú arge. Warˈgat kinaallá ˈdug ubaa geer he veerít ká ˈgayye, héétí kát tiiya-, gaalí ki ˈdaneká úba ˈgayye.

Kí Edhesiny 5:1 ပူးပေါင်းရင်းမြစ်များ

Kí Edhesiny 10:2

Mu warˈgat ninni-, gaalí fuoreká gíl ká ˈgaa. Aalé mu ˈgáslé ˈdaa naanietká bás ˈdú koy, ˈgáslé ˈdaa ˈjíbachká les koy.

Kí Edhesiny 4:3

Máá kara guchi kinaallá ˈdú ijeká bísle hát wár midhab-, búr ubaa ˈgileebká. Tá kara guchi kinaallá chala bis hí ˈgileeb-, ráshká hí buanne.

Kí Edhesiny 4:9

Af giri hé luogol kinaal Máá kara guchiká ˈdú ijo-, taalle bííyyo ali ijoká ˈdúúw shiiguo-, mú memeyo-, tá mú gielmít hol ˈdú nannuoká,

Kí Edhesiny 5:13

Hééllá el ˈdaal he lullé Waag hí ka kuonne-, úr yíekaʼ, les ˈdug yíekaʼ, les gim yíekaʼ, bassam yíekaʼ hí gaa ijoká afle yú maale, kieye, Máá kara guchiká ˈdú ijoká ubaa Élíny ˈduuwlé, guchlé, ubaa fargogintle ˈdugaka, taalle bííyyo kí meemeyo, gaalí yie.

Kí Edhesiny 5:7

Aaléka, Eliny sedhe, warˈgat kinaal Máá kara guchiká ˈdú ijoká gíllé ˈdaa naanietká gaa eedhdhe.

Kí Edhesiny 6:1

Aalé Eliny kat tiiyaká katlé erkobká silmieká yú arge. Hé giri luogol-, afurká he tikiˈd ˈdéé hodhe, yú a maale. He ˈgoonyle yérle hát ˈgeˈgete, he kieye, Káde! yie.

Kí Edhesiny 6:16

Gaal gumano ubaa nyataabano vie, kieye, Nyí ˈdú ˈdannáa! Nyí innum Máá kara guchiká ˈdú ijoká ubaa Élíny idholle nyí met gaa shuolsía!

Kí Edhesiny 8:1

Aalé Eliny kat tiiyaká katlé ki tiiyaká sillieká, ur đo aadh ˈgas đúúw ríg gaa yie.